PA'PATUDUAN LULAKO KATONGANAN. ¹ Lulakona iko patudui laoan-laoan anu' tosusinna pa'patuduan lanapomatalikkokna. ² Muane tomatua parallu tongan la uppomatoro kalena, ke'angka', undakai kalena anna matalikkok illaan pa'patonganan, sikamasean anna illaan kasa'barasan. ³ Susi lulako baine tomatua parallu uppalanta' pa'palokona illaan kamalollongan penawa tannia toma'pokada-kada anna sabua' anggur, ⁴ appo' lauppatudu lako kamapiaan. Dadi lulako tau toma'pakilala baine-baine tomangngu'da' lauppakamaya muanena ukkamasei ana'nga. ⁵ Undakai kalena malollong penawa ummuru' kaparalluan dapo'na anna tibukku lako muanena anna mala kada Puang tae' madule. ⁶ anna susi duka' ia pakilalai lako tomangngu'da' anna malai ummato' kalena. ⁷ Illaan angkanna pallaoan padadi'i kalemu toiangka' illaan pa'palakomu diona kapeimanan, illaan pa'patuduan pa'pakitananni pa'palakomu kaiangkasan. ⁸ Kada tonagan ta'mo dengan sassaanna anna angkanna musuh dadi masiri' anna ta'modeen mala ma'kada angkanna kakadakean lulako kita. ⁹ Sabua'-sabua' parallu tibukku lako pongkawa-pongkawa illaan angkanna pallaoan, uru'ki' napomasannangngi memboko'. ¹⁰ Ta'ki'i maboko, appo' turoanni ammumala ipatongan anna malai illaan angkanna laoan, angkanna tau uppakasalle pakpatuduanna Puang to mepasalama'. ¹¹ Anu' rokko' Puang to laumbawa kamarentengan deemmi ma'butti lulako angkanna tau. ¹² To uppomatoroi uttuppu laoan-laoan to meiman battu' penawa tasusi illaan lino malaki' lampi' tuo ukkuassai kaleta anna senga'-senga'na anna meimakki' wattu temo te'e. ¹³ Mautuki'i urra'dai to laipaimanan tonaponnoi rokko' yamo to'o lasae tonaponnoi kamabarassisan iamo Puang Torantan kamai Touppasalama' ki'i illaan Puang Yesus. ¹⁴ Iamo uppebeen kalena lulako kita anna laumbala'i dio mai pakpalako kadake lulako kamabarassian to utturo kalena lulako rupatau anna anu' touppalako kau' mapia. ¹⁵ Pa'patuduannasanni pepatudu anna sapa'i sitonta kamarammesan.