¹ Ne giri - Ne dang namung, ega surat ge mi rackho Nang mi suro met mi ing, Surat ge gom rackhi gu, Nang erit ging ckhowo - ckhowo etang erit ging wang Gumurung, ² urang gi ing namang gula wang gi tutuk ge tur geg gu ogoi Nabi - Nabi kudus ging wang tutuk sei etang Latala ge gamang gang met mi Rasul - Rasul ging. ³ Ogoi - ogoi ima ta lalo wer ge wek - weki si uyackhi Latala gamang wati binang gu gama ta ma pisei kriyang ge yasi gula gumurung. ⁴ Gimata wang tutuk, taweding gi Latala gang ere? ogoi pirat namung niminang gu, egat amar molo ogoi gu ge daning." ⁵ Gi ma ta ping akal ogoi ila Firman wati gu gi ma ta ersu akal, bulung do ogoi tur mi ula we. Gi ma ta er su par ga yir mi kriyang. ⁶ Yir egu sei gi par ge ogoi ula we egu yir egala ogoi par ga gat wang tering. ⁷ Egu sei gi, sur mosoing gang wang tutuk bulung mi par ga unang ge ala e ga met meyo met mi uyackho ge yas wang kriyang namung gu mi det e sa samung. Bom do ge erening ming. ⁸ Ne giri - ne dang namung, aki na ge ckhowi ga mi iwabung: Latala gang ersu wer nuku egu emung wer iribu ge daning etang wer iribu gu emung wer nuko ge daning. ⁹ Latala, ge sur egu lugum - lugum di gang mi uabung bino emung ging ge am lali si wek - weko. Egu sei gi gang iyaring gang urang e ui nuko di susa biningo, urang e uyackhi egat ret ge ckhowi gula gumurung. ¹⁰ Latala ge rening emung uyackhi na tackhawang ge daning, gang dugut wadi si bulung do mata we biningo. nab - nab la bulung ming do gama ta adwas ler kaking- kaking, mata nab - nab ge ala par tang ga gat -gat tepur. ¹¹ Nab - nab egat am er gumusi, egu si, imata tarang gi i wat? egu si i wat gang ckhowo ing Latala la gumurung, ¹² urang garing - garing mi garing - garing git Latala ge wer rening ming? wer ge Latala gang rening, bulung ad was tepur, nab - nab la bulung ming gat - gat ad ler nat kaking - kaking sero. Egu la Latala gala wang tutuk, bulung ge ugugi par ge ugugi egula ging garing - garing, uyackho - uyackho ge ckhowi gu gi abang. ¹⁴ Nikung - nekau ge ckhowi namung, egu la pila na ega garing, egu la ge ckhowi gu wang kriyang urang e Latala gang ging lali si ging ui yasi biningo, ge yasi ningo tom nuko Latala gamang gumurung. ¹⁵ Egu sei gi wer guru gang pu sei wat wang rapo. Emung nabi la Paulus pi giri ge ckhowo, gala wang pi biritang gu, eming nabi la Latala gang mi ge britang walo. ¹⁶ Gang di tutuk ge molo - molo e gula gala mi surat ge baning ge gom ming. Etabit na. Amara - amara ning wang kurang biningo, egu la am su ckhowo ge akal yaso egu gang bodoh. Ge iman egu moling ging di ula e gula wang kriang emung nabi la ula sur mosoing wang tutuk ge daning, egu la erit ging egat ge yasi la guangba. ¹⁷ Ne giri - ne dang namung, ping egat ula na ge ega wati sei, wang urung wang paling e ing aki ge yas gu guangba egu uyackhi - uyackhi ging sur wang kurang biningo. Aki reckho e iman gu er ckhowo. ¹⁸ Egu la, ing geg la gumurung ge Anugerah nila ala atang gom ming, Yesus Kristus ang la e ckhowi gu ula we, wedi ga met mi wer ge maning mo! Amin.