¹ Zaman tur gu, Guru - Guru gr akal yaso ula we ula Latala ge uyackho ge tuag ming eenubg weki ga ge daning di ula we. Ing di i tuag - tuag gu dang ula ong - ong na ge yasi la wang uyackhi ga tutuk, etang tang Latala gang akal gala uyackho tebus urang di ge yasi gula ula gi diri ming. ² Ula urang di uyackhi amara ma gig gumurung. gi cara egu gai wang bino, ging ersu gi kriang egu molo, egla ckhowo asi am sukak biningo. ³ Gi gobo yasi egu gi utang ula gi diri gu ming ge ging wang tutuk egu tang tipu. Ging ge urang egu ukung gu tur eteng mi ge geyei ula we, etang garing - garing biningo etang siki moso egu gi oboying bino. ⁴ Latala gang egu wang gaso ckhing egu si malaikat di ula dosa gom ming. Ging egu am mi neraka gom mi god, rantai ckhani gom ming peng hakiman garing. ⁵ etang Latala di ge ya wang par moi tur walo gu, egu nuk la ui nuk gang ge molo la wang tutuk, ging ge yesrackhi gu ging egat esa samung. Asi yeg wadi par moi ta ya, Latala ging wang kurang bino. ⁶ Latala gang Sodom Gemora di ukung, kota rackhi gu tiriki ang mi bram, ge egu sonto met mi uyackhi ge numui wali ula yedi wat par moi ga tang. ⁷ Latal gang wat mi Lot geng ui molo egu, ge ula i dir guang baning egu, ging Latala ge hukum wang kurang bino. (8 Sementara egu Lot gang wat wer ckhanap ula gi tuag ming, gor mani ge mola ula i dir egu gala ge yasi lalo ge yasi la wati) ⁹ Latala egu e tatabit lalo uyackhi ge molo egu gang ge yasi la guangba di gang wang guackhis, uyackhi ge numuiegu gung ukung wer peng hakiman. ¹⁰ Etang ing ge ula gi diri bading wang gomologi ta wang gumurung gi giri ge wat mi gamayo, pemerintah, ging i diri gu mi geleso, Guru - Guru ge akal yasi egu ging rackhi bino met mi Latala ge ckhowi alus egu. ¹¹ Malaikat ge kuasa egu wado, eleso ging mi gamayo. Ging uyackhi i wang gasaing bino gila ula Latala gapaning ming. ¹² Guru - guru ge akal yasi egu emung binantang ge akal gang mi ging bino, ging mi gobot, etang gipino am gibar; nabi la ging wang kurang bini si egu ging hujat ging egu gima gi yasi gomi susa lala guang ba. ¹³ Ge yasi egula gima guang ba mi gi upa geno. Gi wat egu marah. Ging iat na nat e sa samung. ¹⁴ Ging giet guackh gu kli klil la ming ta bir ta gyayo la ula ming, ging yas gasaying wang kriyang gu ge sackh wang bino. Ging uyackhi ula moling masa egu ging gi wat mi gobo. Ging egu ula ula ge yasi la wang kriang. Ging egu uyackhi kutuk goming. ¹⁵ Jugut ge molo egu ging gubuyo. Jugut ge yasi egula gi goyo egu jugut Bileam bin Beor. Ging egu ge yasi gula ula ging ming. ¹⁶ Asi am ge sapit numui ge daning, ge amar ge tasing emung keledei gom ipo, asi ge gamang egu uyackho egu gi Nabi gom ipo egu ta we bino. ¹⁷ Uyackhi ge arang ega emung yir boi siso ge daning. Etang emung ckheu ula banab apit we binang ge daning. Ckhani gomo mi urung gesaying egu la ula mi gi meyo. ¹⁸ Gi tutuk egu eleso asi isik, gimg uyackhi mi iwang gasaing, uyackhi ula kriyang ge yaso wang guackhis seyang egu. ¹⁹ Guru - guru ge akal yasi egu ging ge ckhowi la wang uyackhi ge brito, asi ging egu la neraka ming. Nabi la uyackhi ula wang kriyang egu la gima lalo. ²⁰ Yami la ula yasi gasaing par moi ga wang guackhis, ula mi taring egu, Latala Yesus Kristus gala wat pagui mi piming asi etang ibot yasi gasaing par moi geg ga gumurung, ckhani gomi la ge goming egu si gi wat egu yasit molo tur namung gu ge daning bino. ²¹ Urang si yugut ge ckhowi egu ogoi wali mi wang kurang bino, ging ge ckhowi gu lali sei gi etang yom gobot hukum ge mosoing ula wang i britang egu. ²² Ging egu emung ibar ula obot egang igir, etang emung bei ula ang yami sei, obot etang i ckholo mi ba.