¹ O YERUSALEM MA OHO MASIMAKA V 1 Wobodito una wokokinihi de o kota wosikakacau, ² una woholu wisidapano nago onabato,de woholu wosigise o dodato.ma JOU lo Wi ngakuwa de o JOU ka womasidorifa woholu. ³ O nyawa-nyawa yalalago mangasidongirabaka ,koloko o singa i ore-ore,de manga hakim lo koloko o serigala maotdo o puputu maraba sidago daginita,moi lo yadongosakua. ⁴ obi nabi yososabarang,obinyawa yo hihianat,obi Imam o butusan yatiho de ona lo o JOU Giki moi Awi bobita ya fafaja. ⁵ O JOU wotiai mangasidongrabaka,de Una wokulaiwa,ilangi-langi magetoAwi laha wosidumu de orasi moi lo watihowa maorasi he daginita.duma o nyawa-nyawaka yosabarang omatde lo yanakowa. ⁶ Ngohi asa tasisa o bangsa-bangsa, obi bangunan done taturaba.Ngohi done tabiau obi ngeko la o binyawa moiwa asa yanonu ,manga kota asa isunyi,de o binyawa moiwa asa yogoge kagena dahu. ⁷ Ngohi totemo igogou ngona asa noimodo ngohi, de asa natarima o dodoto, de o kia totetemoka onaka asa isisawa manga goginanoka,duma ona foloi yo taati yaaka o barang datotorou. ⁸ sababu magena,nidoda-maha ngohi !'' JOU Awi demo.'' o wange moiku done,ngohi todadi saksi.sababu,Ai edekati ena gena mangale yatolomu obi bangsa de imatolomu o bobareta mangale ya tarima o bahala o JOU no mangale Awi doosa gena foloi Wi toosa,sababu o dunia dangodu asa ya sisa de Ai doosa ma uku. ⁹ ''Igogou,o orasi magena,ngohi done tasi catu o bangsa-bangsa manga uru datebi, mangale ona yangodu aku Wipeto JOU Awi ronga de yo suba Unaka,de yomakokirio. ¹⁰ O ake Etiopia masonongano,o nyawa-nyawa ipuji Ngohi,imasibobiauka,de ya aho manga suba Ngohino. ¹¹ o wange magena,ngona asa o matde namakewa sababu o manara yokokinihi Ngohino,o orasi magena ,Ngohi asa tosi rese nia sidongirabano obi nyawa manga more yaaka de imacacaralamo de ngona asa nomasihie kawa Ai tala datetebika magena. ¹² Ngohi asa tini dongosaku o umati yomasi kokahuku de imahahadoku,de ona asa yo mataru o JOU Awi rongaka. ¹³ o Israel ka masoso ohu ona asa o dorou ya akawa de yokukulai kawa,manga uru marabaka moi kawa manga lade o nyawa yasihaga.sababu,ona yangodu asa yabituda de yomaidulo moiwa asa yabiganggu.'' O MORE MANYANYI V 14 Nima sagaga,he o Sion manyawa,ninali he Israel ! nio more deni manere denia sininga itotiai,he o Yerusalem manyawa ! ¹⁵ JOU wini siraroka o hukuman; Una wasisa nia saturu.Kolano Israel ,o JOU kanaga nia sidongirabaka ,ngini asa ni modokawa o hali datotorou. ¹⁶ o wange magena,asa itemo o Yerusalem , '' upa nimodo he Sion ! upa natdohaka nigia damomotdo. ¹⁷ Ma JOU Giki moi nia sidongirabaka maro o nyawa ipoputuru moi winisisalamati.Una womore sababu yanali,Una asa wogoge de Awi dodara,Una womore-more sababu ngona no more de nisininga demananalika, ¹⁸ koloko odolomu ilalamo.'' '' Ngohi asa tatolomu o nyawa-nyawa yodudupa o dolomu ilalamo sidago ona asa yagogele kawa. ¹⁹ De oorasi magena, ngohi asa tatindakan o nyawa nago ona nisidodipito ngini,duma Ngohi asa tasisalamati yo lulugu de tatolomu ona yomakokitingaka,de asa tatagali masoade o puji-puji de isi ise o duniaka. ²⁰ Maorasi magena,Ngohi done tinisigiliho maorasi tini tolomu.Ngohi asa taaka nia ronga daloha de ni sigiliri o duniaka de tosidiahi nia moi-moi mangasimaka,''JOU wodedemo .