¹ JOU GIKIMOI WO GOLO,MANGALE O NYAWA-NYAWA IMA TOTA nimatolomu ningodu-ngodu,nimatolomu he obi bangsa-bangsa o dorou nio sidodogua, ² maorasi o hali-hali isi tatapu waasi imatero o soora yawuwu,maorasi ma JOU AWi doosa ilalamo mawange nidapatdo waasi,maorasi ma JOU Awi doosa ilalamo mawange nidapatdu waasi. ³ ma JOU niwisari,he obinyawa niasininga ima hahadoku odoku de o soaka,ngini niabobita nia aaka,o banari nia sari,o sininga imahadoku nia sari ! Nagalo ngini asa nimamingihu ma JOU Awi doosa ilalamo mawangeno MA JOU ASA WA HUKUM O NYAWA YO GOGOGE O ISRAEL MANGADATEKA ⁴ Igogou gogu,o Gaza asa yadongosa,de o Askelon isunyi carawa.o Asdod ka yogoge,o wange itotiaika de yadusu,de o Ekron asa yarapu mabati mangutu. ⁵ Cilaka ni gogoge o teo mabatika,o bibangsa Kreti ! JOU wotemo nginika,he Kanaan,o Filistinka manga tona,'' Ngohi asa tinibinasa mabati o dokuka yogogoge lo ya hiwa-hiwaka.'' ⁶ Teo mabatika asa idadi o pido manga ngangaru kagena o sowohi-sowohi yo goge o kabi de o duba makurunga yo gaka. ⁷ O teo mabati idadi o Yehuda ka manga warisi.kagena manga duba-duba yasowohi,de yo maidu o Askelon matahu-tahuka maorasi i matda-matda.sababu,manga JOU Giki moi asa wakurumi de watiai manga hali moi-moi. ⁸ ''Ngohi toiseka o Moabka manga gogele de o demo madorou o Amon awi gutiku manga uruno. ona Ai umati yagogele de imasi hie Ai umati manga daeraka. ⁹ sababu magena,dede Ngohi to ooho Ai ronga,o JOU o dunia wapareta,o Israelka manga Jou,'' o Moab done ima aka imatero o sodom de o Amon awi gutiku imatro o gomora,o riho moi o ngangaru de o hahako yo dogoho dangodu de o gasi i aaka mariho,o riho isusunyi,madodogu de mabati ihiwa Ai umati masosoohu asa ona magena ya koora,de ona lo idadi Ai umati yogogoge manga arata ka.'' ¹⁰ Magena toona manga gimina manga caralamo madagali,sababu ona yogogeleka de lo imasihie ma JOU o dunia wosi dadadi Awi umatika. ¹¹ ma JOU asa waaka sidago yamodo,sababu Una asa wasisa obi puji-puji o duniaka.obi bangsa-bangsa o teo madaera mabatika,asa yo bukuku Wisuba tuari-tuari manga daeraka. ¹² Ngini o Etiopia lo,done nisone ,ai taito ni suru. ¹³ Ngohi asa Ai gia tatide tini lawangi o koremie matona,o Asyurka tabinasa,de o Niniwe idadi o riho isusunyi,itero matero o tona ibobeleu. ¹⁴ o haewani de mabobolu imaidu madongirabaka,enagena o ponga ma haiwani dangodu,bae o namo undan ,komagenalo o namo o tuma asa imaidu mabigolingasu matdokuka,de o namo buku asa ya danyanyi o jangelaka,o wogo o ngora matdokuka,sababu o ifa o gota aras no yabiauka. ¹⁵ Magena o kota imomore,o nyawa yo gogoge marabaka yo sosanangi,de mangasininga marabaka yotemo,''Ngohi,masomoa gena ihiwa !'' manena imadadi o riho ikokokasa,o haiwani i fofufuru kagena imaidu.tuari nyawa nogena yo kokahino ya gogele de manga gia isigagawi.