¹ 'komanena ma Jou Awi dedemo o Zefanyaka, o Kusyi awi ngopa, o gedelya awi ngopa, o Amaria awi ngopa, o Hizkia awi ngopa, maorasi o Yosia wapareta, o Amon awi ngopa o Yehuda makolano. MA JOU AWI WANGE O NYAWA WAHAKIMI ² Ngohi asa tosibinasa dangudu gena o dunia matdokuka '' komanena maJou Awi dedemo. ³ '' Ngohi asa tosibinasa o nyawa de o haiwani, Ngohi asa tosimusna o binamo o ngawa - ngawa ka de o binao o teo ka, Ngohi asa tasitura o binyawa madorou de tosisisa onyawa gena o dunia matdokuka''. komanena maJou Awi dedemo. ⁴ '' Ngohi asa Ai gia tatoa o Yehuda talawani de dangodu talawani o tdoku o Yerusalem ka. Ngohi asa tosisisa mangarihono o Baal ma sosoohu de o bi imam o seri ma duhutu ma nga ronga , ⁵ ona genalo yosuba o tahu matdokuka de yosuba o dipa maengika. ona lo yosuba de yosasi deyokaeli manga Jouka, duma ona lo yosasi mangale o Dewa Milkomka, ⁶ ode ona lo maJou Awi dongosaka, de ma JOU lo wisarikawa, de lo ma JOU Awi sidudumu lo yosanokawa." ⁷ Nimarihi-rihi ma JOU Giki Moi Awi simaka! igogou, ma JOU Awi wange he idum. gogou, ma JOU lo wasadiaka o suba yatotola de dabolode o JOU wakoro o nyawa-nyawa yatetebi. ⁸ ''Ma wange o gaso isisuba ma JOU-ka magena, Ngohi done o bi nyawa yalalago tasangisara, ma kolano awi ngopa-ngopa, de o nyawa yangodu o baju dasosomoa imasitiba. ⁹ O wange magena, Ngohi asa tasangisara o nyawa yangodu yo bobarani o ngora ma bebesu yototilakuka, de ma tuangi awi tahu yosiwedo de manga manara datotorou de o damatoko." ¹⁰ ''maorasi magena,'' komanena ma JOU AWi dedemo,''asa ni ise imatoto ore o nao mangora ilalamoka,o gari o doku damomuane de o ili ilalamo obi tala ituraba. ¹¹ nidodora, he ngini o lumpang matdokuka nigogoge! sababu, o taito dangodu tosisisaka deyangodu o salaka yotutuga. ¹² maorasi magena, Ngohi asa tasari o Yerusalemka de o poci de tasangisara o binyawa yokokumaso imatero maro o anggur ma puputda matdokuka,demanga sininga marabaka yotemo; ma JOU gena o loha waakawa! de o doroulo wa akawa !' ¹³ mangaraki done asa idadi o goora de manga tahu-tahulo asa isunyi.ona asa o tahu isigoko,duma yodogogewa, ona o anggur madoro yaaka,duma ma anggur mahasil ya udowa.'' ¹⁴ ma JOU Awi wange ilalamo gena idumuka,idumuka deikahino imacocapati ! de niise o JOU Awi wange damali,done o nyawa yapoputurulo yo ari ¹⁵ o wange magena o doosa mawange,o peleso mawange ,de o susa mawange,o wange ibobinasa de o binasa, o wange dapuputu de damomarasa,o wange ilolobi de dapuputu, ¹⁶ o wange magena sangkakala yawuwu de imanenere mameta o kota-kota ipoputuru de mameta o menara-menara ikukurue. ¹⁷ Ngohi asa o nyawa tasipeleso sidago ona imadagi imatero o nyawa ipipilo sababu ona o dorou moi-moi yaaka ma JOU ka ,manga au asa ikopola koloko o gaapo,de manga toto koloko ifafaja. ¹⁸ Salaka de o guraji yaakua ona yasisalamati,ma wange ma JOU Awi doosa.O dunia dangodu Watupu Wamamata de Awi toosa mauku, ,sababu,o binasa ilalamo moi asa waaka mameta o nyawa yogogoge o duniaka.