¹ O ESRA YERUSALEM NO WA HINO O bi hali-hali magena i pasa ma orasi o Artahsasta o Persia makolano wo pareta, o Ezra wa hino, o Ezra o Seraya ma ngopa, Asaria ma ngopa, Pilkika ma ngopa ² Salum mangopa, Zadok mangopa, Ahitub ma ngopa ³ Amarya ma ngopa, Asaria ma ngopa, Merayot ma ngopa ⁴ Zerahya ma ngopa, Usi ma ngopa, Buki ma ngopa, ⁵ Abisua ma ngopa, Pineas ma ngopa, Eleazar ma ngopa, Harun Imam i lalamo m ngopa ⁶ O Ezra o Babel ka de wa hino una gena o buku ma ahli wa mahir mangale o Musa awi bobita ena gena o bobita o Israel ka manga Jou wa hihike una ka. O Ezra awi gogolo ma kolano ka dangodu ma kolano awi hike sababu Awi Jou Giki moi wi gia salalu de de una. ⁷ Ma taong tumidingi ka m orasi o Artasahsta wo pareta Israel ka manga guti ku ya murua naga o Lewi manyawa yo nyanyanyi o ngora i lalamo ma jojaga de yo le leleani ma Jou Awi tahu ka yo ma jobo Yerusalem ka. ⁸ Ezra woma sidiado o Yerusalem ka o ngoosa ma motoha ka ma taong ma tumidingi ma orasai o kalano magena wo pareta. ⁹ Ma wange ma nonoma de ma ngoosa ma nonoma o Ezra wa solano awi dodagi o Babel no. Ma wange ma nonoma o ngoosa ma motoha ka una o masi dioado o Yerusalem ka sababu ma Jou Awi gia gena asa dede una. ¹⁰ O Ezra awi sininga wosi tatapu ka la wa tai lako ma Jou Awi bobita de wa mote de lo o bobita de o atorang isi totatapu ka gena wa doto o Israel ka MA KOLANO ARTAHSASTA AWI SURATI O EZRA KA ¹¹ Ma nena gena ma kolano Artahsasta awi surati ma guti ku kiaka wa hike o Ezra ka de i gogou-gogou wa nako ma Jou Awi demo de lo o bi hali-hali isi totatapu ka o Israel ka ¹² O Artahsasta no o bi kolano ma kolano ma Imam Ezra ka o ahli mangale ma Jou o bi dipa wosi dadadi ka awi bobita moi-moi, o dame i totiai. Ma dofa li " ¹³ Ngohi to si tatapu ka enagena tuari-tuari o Israel manyawa komagena lo o bi Imam, o Lewi manyawa, naka ka yo mode o Yerusalem ka yo tagi aku i tagi i maka ngoaho dede ngona ¹⁴ Ngini ma kolano wini sulo dede ma kolano awi nyawa ya tumudingi la nia tailako o Yehuda de o Yerusalem mote ni Jou awi bobita kia ka ani gia marabaka . ¹⁵ ngini lo ni sulo nia aho o salaka de o guraci ma kolano de awi nyawa moi-moi manga suba, ya hihike ka de manga sininga totiai ya hike o Israel manga Jou ka kiaka o gogoge Yerusalem ka ¹⁶ De obi salaka de guraci nia mamake o Babel ma daerah ka, o suba ya hike de manga sininga i toti ai o kawasa no de o Imam-Imam manga suba ya hihike de manga sininga totiai mangale ma Jou Awi tahu o Yerusalem ka ¹⁷ Komagena de o pipi manena ngini bilasu ni ija o bi sapi ma nau o duba-duba ma nau de o duba ma ngongopa de o suba ya o otdo de o suba ya kokopola ma gena ni si suba o suba ma riho ka o Jou Awi tahu ka o Yerusalem ka ¹⁸ O kia bato nako mote ngini gena da loha ngini de nia gia nongoru nia aka bato koma gena lo o salaka de guraci ma soohu mote nia Jou Awi mau ¹⁹ ni si saraha o Yerusalem ma giki moi ka o bi moi-moi ya hihike ngini ka ma ngale mi sumbayang ma Jou Awi tahu ka ²⁰ O bi alam ma somoa mangale nia Jou Awi tahu itutura eko nisi momoku ka la nia sadia ngini aku nia sadia o bobareta manga arata ma raba no ²¹ Ngohi ma kolano Artahsasta o bobita to si supu ma meta o pipi yo cocoho o selera ma sononga ma daerah ka o gogolo o kia bato ma Imam Ezra no una o Jou o dipa wo si dadadi awi bobita ma buku ma ahli da ngodu bilasu nia aka ni si dodiahi ²² Nia hike una ka o salaka ma bati o palenta o ratu moi, o gandum o kor ratu moi, o anggur o bat ratu moi, o gososo o bat ratu moi, de o gasi nisi fofoloi ²³ O kia bato o Jou o dipa wosidadadi awi bobita magena nia akania gou-gou mangale ma jou o dipa wosidadadi awi tahu ka. Sababu da dooha so o ngoasa i lalamo ma meta ma kolano de mangopa-ngopa ka de lo awi pareta ka ? ²⁴ Ngomi lo misi ngangosu ngini ka kia ka ngina na nia haku i hiwa mangale ni si moku o Imam ka, o Lewi ma nyawa ka, yo nyanyanyi, o ngora i lalamo ma jojaga, ma Jou Awi tahu manyawa yo le leleani de lo yo le leleani ma somoa li ma Jou Awi tahu ka ya aku wa nia si moku o balasteng o ngongike de o Leo ²⁵ De ngona Ezra ma tero maro am Jou Awi cawaro woni hihike ka no si tatapu o bi nyawa o diai isis aaturu o i hakim la ona aku ya tiai o bi nyawa ya ngodu yo gogoge o selera ma sunonga ka manga hali maoi-moi ya nanako nia Jou Awi bobita. o bi nyawa ya nanako wasi gena ngini bilasu nia doto. ²⁶ o nyawa moi nako so wa aka wa ma Jou Awi bobita de ma kolano awi bobita done asa ya amake ma bakau mote manga manara nagala ya sosone, eko ya umo, eko manga arata ya koora, eko ya si bui. O EZRA MA JOU WI PUJI ²⁷ Powi puji nanga Jou, nanga ete de nanga topora manga Jou kia ka o hali manena wa hado ka ma kolano awi sininga ka, la wosi loha ma Jou awi tahu o Yerusalem ka ²⁸ Una lo wosi lamo awi galusiri de awi satia ngohi ka ma kolano de o nyawa iwi siduduga manga sima ka de lo o bobareta ma somoa li manga simaka. Ngohi i puturu sababu ma Jou Awi gia salalu de dengohi de ngohi ta talomu o Israel ka manga tutuda la mi tagi mi makangaho.