I Yesus Dongka Nao Mabalri' Kasau ¹ Su sinage'-sinage' kasaba' kagilri'di'ku, iye' kasaba' bohe' kaduane binohe'ku bo pinaidaoku si kumu'. Su hu'a'ngnu bohe' kaduane iye', iya' nango'ndogo'nu mapama'dasa' (mapabi'a'ha) u'to' ngkumu' palretene' mu'a'lri' hahasa' su kagagionu mapata'hunu'ng si kumu', ² Palretene' kumu' makahe'ken (makata'hunu'ng) kakobo'a'n-kakobo'a'nnu si'de mababa'lro' nipakasaba'te su po'nane' naihampei su parenta-parentanu Mabu bo i Tou Makasalra'mata' su lra'lra'mpangnu si'de mababo'ka'. ³ Su ka'pasa'ne, tahu'-tahunumai yoka naita'na'te su dongka lrou-lrou samu'dine' (kapa'lrusa'nne), si'de manane'lrese' dongka maisupu' bo mangi'dopo'nu tumu'hu' su sinongounu kadadosan mbatangen si'de. ⁴ Si'de dongka mabahi'ga' nu dolra' kasaba': "Unte kodou kagagionu kasupu'a'nNe ? Yoka bua'kennu lrou kinapateannu gagugang nkite su po'naken, mayane' galre' ti'mondo' o'ngkamai su kagagionu lrou sa'humpu'nnu pinaku'a'lri'anken." ⁵ Yoka si'de agenu atei malru'a'sa napalru'panu ko'ti' tou su ti'ndalrennu Bahi'ga'Ne, lrangi kasaba' paite bua'nu po'nake'n bo tana' bo lrangi kasaba' kinalri'mu' bua'nu ake bo nu'a'lri' su kagagionu ake. ⁶ Bo agenu ake ene' lragi, dunia du'ngkulru'nu ene' kasaba' pinahu'gege'nu dalrukun lra'mo'. ⁷ Tou manen ingene, bua'nu bahi'ga' mapada'-pada'ken, lrangi bo tana' su galre'-galre' i kasaba' nidesoken yoka dongka tutungan agenu putung naitana'mai su lrou pagogutan bo lrou pahu'gege'annu toumata-toumata dalrai. ⁸ Su sinage'-sinage' kasaba' kagilri'di'ku, adiei makalru'pa ti'a'sa'nu (pi'lrasa') insau iye' kasaba': Galre' su Mabu, he'kennu lrou insau (si lrou) naitana' (o'ngkamai) su he'kennu mahibu su taonne bo he'kennu mahibu su taonne naitana' su he'kennu si lrou. ⁹ Mabu ta'yamai kaitu'nu lrumudu' (mapano') mapasupu'nu kodou-Ne o'ngkamai kinapi'kihi'nu manenpi'da toumata kasaba' kinasamu'dian. Tou su ti'mpalra'ne, i Sie' kasaba nanabarnu naha'lra' si kumu' yoka i Sie' ta'ya makakoa si insaunumai bua' kumu' kasaba' mapogo, mante bo'bodo'ne kumu' maya mahimbalrui bo masalra'mata'. ¹⁰ Lrou ka'a'kon nao nu Mabu dongka maitumpa su o'ngkamai kagagionu manane'koso', bo lrangi dongka mata'ya (malri'sa') agenu pu'lrung kasaba' madapa' tumani. Maya hoho'nu lrangi dongka matutung ha bo tume'tese'nu hembang putung ma'i'ha' tumani, bo dunia agenu maya ho'ho'ne dongka masu'e'i ka'nennu hembang putung. ¹¹ Adabo mayane' galre'te dongka hu'gege'a'n, su kagagionu kalri'mu' iye', yo kakudabo kumu' palretene' mata'lrede' bua'nu kapo'go'a'nne ? Ingenebo kumu' galre'te mangi'dopo' su dalren matulri'di' (ta'ya si dosamai) bo manu'su' su Mabuduata, ¹² Palretene' kumu' kasaba' mahalra'-halra' bo mapasahi'o'konu lrou ka'akon nao nu Mabuduata ! Yoka su lrou ka'a'kon naonu Mabu, kasaba' lrangi' dongka mahu'gege' agenu putung bo maya hoho'nu lrangi (apamai-apamai su sene') dongka tume'tese' su ka'i'ha'nu hembang putung ¹³ Manen ingene, adiei mata'ku'-ta'ku' yoka mantu'hu'su kodounu Mabuduata, kite ta'ya kasa'mpelra'nne yoka kite maisu' su ha'nusu' toumata kahaga'sa' mahalra'-halra'nu Lrangi bo Tana' Buhu' kasaba' tampa mangkapi'a' pabanu'a'nnu toumata-toumata matulri'di' (toumata banar)su kasaduanen. ¹⁴ Su sinage'-sinage' kasaba' kagilri'di'ku, adabo kite kaha'gasa'tenu mahalra' lrou ene', kite galre'te mabusa bo mapanu'su' Bahi'ga'nu Mabu palretene' Mabuduata makadapa'ta si kite su ta'ya nangi'dopo' su kadadosan, ta'ya si apkerne, bo hi'i'ki'a'n dame agenu Mabduata. ¹⁵ Pikiha'nkenmai tou kasabarannu Mabu kasaba' naitoto'nu lrou kite makadea salra'mata'nu Mabuduata. O'ngkamai i Paulus, sinage' ngkite', iya' namohe' si kumu' agenu timumun bua'nu Mabuduata o'ngkamai naitumpa si sie' (Paulus). ¹⁶ I sie' (i Paulus) lragi napabahi'ga'tenu apamai-apamai iye' su hu'a'ngnu maya binabo'he'ne su buk ba'lrine'. Tangada' pai manenpi'da apamai-apamai kasaba' masu'kada' su kasilriga'n kumu' bo ene'nu pinahikalri'u'tenu si'de u'to' malrumu' bo agenu parca'ya nsi'de malrotei. Si'de lragi kasaba' nangalri'mu' mapada'-pa'danu manenpi'da buknu Kaolro ba'lrine' kasaba' napada'ngkalra'tenu parca'ya nsi'de su kapapate'a'n. ¹⁷ Su sinage'-sinage' kasaba' kagilri'di'ku, yoka kumu' mati'ho'tenu maya kagagione iye', pi'a' pi'a'te (panebeite) palretene' kumu' ta'ya dongka madangkalra' agenu tatu'ntu'a'n mangkedo (kulre'hi') kasaba' kagagionu kinasa'lra'nnu toumata-toumata ta'ya mati'ho'nu sa'nihi'. Adiei parca'ya ngkumu' mana'boh manga'se' mo'ndolro' bua'nu katato'ga'sa'nu parca'ya ngkumu'. ¹⁸ Mante ingene, pakahoso'ute parca'ya ngkumu' su gilri'di' nabaya' bo su pangilra'lra'nnu Mabu bo si Tou Makasalra'mata' si kite, i Cristo Yesus. Galre' si Sie'nu maya tinanuman, bua'nu lrou iye' maidao su ta'ya si ka'a'kahe'nne ! Amin [[ayt.co/2Pt]]