Cara nia sumombolo mo banari ¹ Posandovo natolu mopouhi o'pamerenta o'ponguasa, mota'ati kumosiap monaka perbuatango mopia, ² nda mopitana huonia romou, nda mopohipate mopandungo, ta'inia tutu-tutu moaluso kina o'momata romou. ³ Sobapu itantolu vali onu, mobodo roma, nda motaat, tersesat, budako rupa-rupania napusu ku sananga, susumbolo ohuangia o'oheto kumo iri hati, ku saling mobinciana. ⁴ Kanai tua, roma kana kemurahan no tavi ei Toku, Juru slamat ninantolu, dinyatakan juru selamat. ⁵ No posalamati itontolu, ndisio ramai itontolu nonaka banari tapi karna totawinia no pongkiunia no polahonia ulango ku no pewukonia no roh Kudus. ⁶ No curania mai onitantolu rolebe-lebe ongko Kristus Yesus Juruslamati otontolu. ⁷ nopalatou nopopobarani noanugrah, itontolu moari ahli waris kunando roma bapah sumbolo baka. ⁸ Lola i'tai tutu banari, halo ita'i au mo kina itolu tutu mo yakin supaya i'satolu onda nongo percaya ontoku Kawasa motokun monaka perbuatan mopia. halo-halo itaye mopia kuingka ogunania osohuoro momata. ⁹ tapi roma, hayuwemou mo bobantana turunan-turunan mo hosala-sala mo hipate hamai mobodo halaia noatarango taurat halo itaitua ndoguna gununia ku sia-sia. ¹⁰ pulu ongkomomata nopontimbulo ohuangia perpecahan popoingati ota einsa o'rua palutou itai'tua hayuemou ota. ¹¹ sobapu itolu motau momata kanaitua neisala lala kunopulingo dosa ota mopo poingka mai no hukumango owatangania tontani. Pinonundu pongabisa ku salam ¹² Nopaluto u a'u nogutuso Artemas, atau Tikhikus onimu, pousaha kupoalo mai o'nao onikopolis a'u romutuso maina mo tinggalo o tuntua o'solama o'musim mo tumpingo. ¹³ onda hoso pohoso tonaganimu, bantua pa Zenas o'ahlinia hukum ku Apolos tua ingka o'huangia opolaoa maina satolu nda o'kakuanga sowatu suatu apapun. ¹⁴ ulauso momata-momata ni nitantolu bolajaro motekun monaka karja mopia supaya isatolu mo uhi oda paluo susumbolo natolu tiap ondania tainia sosumbolo nongongke bungania. ¹⁵ Ond momata anao mopohapuso salam'u o'nimu pohapusapa salam'u onatolu onda mongotavi ona mintolu ohuangia o'imani anugra osile-sile onitoluro eisa.