Pengajaran Onda Banari ¹ Kuitolu ajario'ro halo-halo onda mo sosuai pengajaran mosehat. ² Mongolola'i nongo lowuka ngaroma mopo'osabari nohargaio mo'o kuasai watanga no kikina ta'i mosehat ohuango no imani. ³ Kanai tua roma mongowowa onda rono lowuka ngaroma mopopontongo pi'ili mopia, ndisio namo po'ohuo wiwiko mongo budakia anggur. ⁴ Ra'akanaitua ama isatolu moali monasehat onda wowa kimuda supaya motawi o wule nia, mo tawi no ana-ana ia. ⁵ Potahangi watanga hale monguruso rumah tangga nia mopia mo'indongoko no wulenia, mo'ina firman ni Toku supaya inowoho. ⁶ kanaitua roma, nasehata momata-momata momuda supaya mo'omampo momarenta watanga. ⁷ Onda halo taka watanga nimu topotundu perbuatango-perbuatango mopia. ohuangia didikan, tunduo po'opia mo hormati. ⁸ loia tutu ita ndameisala moina musuh maina nda moya hale nda no'osampu mokuma halo moheto okikina. ⁹ Budako-budako musti moindongoko notuangtuango satolu ohuangia halo, sialo supaya mo'osanango onota, ku ndamobanta. ¹⁰ Aingka mona'o tonga posontongo supaya itolu pirisayano moina huaniaro mou halo isatolu mopo'otihango ajarinia nitoku, jurusslamat nintontolu. ¹¹ Sebapu anugerah nitoku ku moriko mo salamati rononyata onda huoniaromou momata. ¹² Untuk mo'omampo a'u mowoho halo-halo ita nda mopia mongo hawa napusu odunia sampe itontolo sumumbolo watanga momakisa watanga moadili, aku ku mopia jaman omasaya. ¹³ samantara itontolu motima harapo mopulingo barakato itua lolaoniamai nopulingo kemuliaan ongko ei Toku momata mosolako, juruslamat tontolu Kristus Toku. ¹⁴ Ota mongongke watangania onitontolu ku monobuso itua eitontolu huoniaromou perbuatango moheto ku mo meresi ongko watangania sowatu umati pinili perbuatango mopia. ¹⁵ Ajaripa einsa'ye. nasehat ku togoro aku dengan segala sipati. aingka ingka momata mopo'ompa onitolu.