Pasal 1

Salam Oni Titus 1 Ongko oni paulus, posuru ni'Toku(Allah) ku ni'rasul Kristus Yesus, tua noliluso iman'i momata-momata nopilia ni'Toku(Allah) ku pangatahuan 2 no' kabanara sosumbolo mokokalo, tua no'janjio ita ndapa no mulai saman ni'Toku(Allah) tua nda mopovuvungo. 3 Ovakatu-Nia, Ota mopo sampe no firman-Nia pomulai hawalinia no ngima ona'o no sengka noparentah ni Allah, juru salamat itantolu. 4 Onititus onao tua mosa ohuangia imani nitantolu Anugerah ku oni Yesus, juru selamat nitantolu. Tugas-Tugas Mititus Momili Eipena O kereta 5 Kana alasan aua no nara initolu o kereta, maina amuntolu moosampu noraisia o nda tua vei o nda porluo atoro ku mo mintao pena-penatua o setiap bendaro, kana tua au nongoyo onimu. 6 Ota haruso mo mata tua nda mo ela, ingka ona anaia tua mongima konda no sangka kananda sosumbolia tua nda O moral nga mongamu. 7 Sobapunia so fatu momata mo sile jemaaat so fatu momata tua nda mo cela opo polaian hitoku, nda mo fulongsongo nda mo sonu humoki, ndisio momamabo,nda moifoko o nda moivoko mohipate,ku nda musialo untungi nia. 8 Nomahingai meivoko mongongke no mo pia mo tafi o nda tua mo pia, mo bijak, mo adili, mo saleh ku mo o kuasa no vatanga no kikina. 9 Ota mongompita noloia tua mo ngima mo sengka tua ita pinokuma sampe ota mongongke nasehati mo ali no penatua no sehato ku no ngona ona tolu kutua mo banta. 10 Ingka mo huo momata tua mofia meifoko molo ia nda osuango, ku mangakali, sohuoro natolu tua o asali nongko o mo mata no sunato. 11 Satolu pantas monutupo noviviko ita sotolu mopo o susah sohuoro nou satia ku mo mangajari halo-halo tua haruso satolu no ajaria, tua justru mopomai halo tua mo o ayah. 12 Ongko onatolu, itu'a nabi natolu kikina, no tutulo, "dasaria momata-mata Kreta mo vungo, kana binatangi mohoki tua muheto, ku mo malaso.'' 13 Kesaksian iye mo banari. i'tua, togoropa satolu dengan keras mainia satolu, mo'oali mo sehat o'huangia iman'i. 14 Aingka mopusingo no dongengdongeng momata yahudi ku parenta momata-momata tua movoho nokabanaran. 15 Huonia mo'u murni, sohuoro momurni. tonga, i'satolu tua mokotoro ku nda moparcaya, nda'ro roma sofatu pun tua momurni ita vei pikirango ku'kina nurani natolu ainsa mokotoro. 16 Satolu nongaku motau ei'Toku (Allah), tonga tai'nia noporbuatango satolu momanyangkal ei'Toku (Allah). Satolu tua menjijikkan, nda mo'taati, ku nda mosanggup monaka onda tua mopia.