¹ Paulus, Yesus Kristus Emalea, ana earut metma eGahing vala `ening,bot Lahatala amal hamua. ² Aingba Lahatala ana vengapalait ila, turang mi ue nabi- nabi angu naung vengbanang Lahatala amal hamulang mi ³ metma oal angu vengmea, eboa ipi anggi amulung Daud elelang omimi aing vengajait ila. ⁴ Bot nehe vengbanang hula Aingba Lahatalaoal mi kavasa , bot Roh Hamulang omimi ana nehe amina ,ehamami abeta , Ing anguba Kristus Yesus pi mutu angu. ⁵ Aing anguba ningdi anugrah eunang metma mainang bot Pangka Rasul angu di metma ni vengani ening, ni omi venganamang baning abang abang ual Yahudi niangdi ene angu vengmateng. ⁷ Metma ing emampi ue Roma mi, Lahatala omi ijahi ana veng iar iing metma nehe hamulang ening Lahatala enang ehama tomimi baning abeta. Timang Lahatala bot Mutu Yesus Kristus eaung enang hama tomi nu Tahanu Ana metma Iing veng ahorung! PAULUS ANA OMI HULA JEMAAT ROMA INGMALILING ⁸ Ehalomang- halomang na Lahatala Tajaning pa levag ue Yesus Kristus omimi, na metma iadana , taangi iommi evednganamangangu iini metma por alolang ang etubing ila. ⁹ Anguba, na Ne Roh angaba baning Lahatala vengbalenta ue oal omal hamulang mi, metma ne saksi ening,aulanhe na nomi metma iing emami ing vengNi ejehing emeng; ¹⁰ Ne sambajang ommi anga na Lahatala abanang ejehing aulanghe misawaka Lahatala vengjali se na kudi iibele ila iingharak. ¹¹ Na nomi metma iingmi dadanang hula ila ii haraK aulange ne karunia Roh nu na metma mainang iini mida iri. ¹² Aulange iing metma nIAng veng pi hama- hama tomi ening tang anamang. ¹³ Kaku naung, nomi iing mi dedanang hula iibele ila, arunge evenghakang jedng mahoa angvengjehi , na hula aulange iihi angu avaning , emenghula iini ue abang- abang ual yahudi eabeung ehama angu mi. ¹⁴ Neheba Yunani , bot neheba bar- bar nisange neheba hur vala bot neheba kamuke na jedung metma ne uuta sei. ¹⁵ Aulang angaba Na etabit nomi metma iing mi dadanang hula, Lahatala amal hamulang anga metma iingba Roma abang mi angu vengimaring veng iat mateng. ¹⁶ Lahatala amal hamulang ngu bae nava vengaloring niang, na ateing hula amal anguba mikavasa metma neheba omi metma nehe Yahudi ienanang bot emi vea metm nehe Yunan ienang. ¹⁷ Omimi anguba , Lahatala emolo uma angu nehe vengmateng, ue iomi anamang metma iomi anamang veng, emenghula ue hura veng banang ila; " Neheba omi anamang bot molo ana angu minuse ana abeta. LAHATALA OMI ALIL METMA MANUSIA BA JASI AHALA ENING IADANA" ¹⁸ Aulangbase, Lahatala etutung harangkar angu doe sorga mi metma nehe emampi jasi ahala angu ening ioiadana . Bot manusia jasi ahala angu ijasi ahala angu iini metma molo una angu aing pariku. ¹⁹ Aulangbase, Lahatala ana nababa ening angu iiniateing ila, hula etabit anguba Lahatala ana metma ituving ila. ²⁰ Etabi,Lahatala ana por alolang angi ahami angu nehe iiba bae omi angu ateing niang. Boit Aingba Lahatala mi kavasa eveng seng veng niang nababa Ana ahami ateni angu nehe ateing se hula etabi aulange nehe vengomi senge iini bae veng iava vili niang. ²¹ Aulang araungbase, iininue Lahatala ateing ila di iini bae aingada haromat niang nianghe tajaning palevang metma i Lahatala ening niang , iukur iande angu egunang niang , bot iomi kamuke angu ening iini kua kete omimi. ²² Iini iava ening atela arunge iini vengkamuke, ²³ Bot Lahatala ehamulang kadulang ba bae kaana niang angu iini telul metma manusia ebetang ba jasi , dung angu naung , binanta ia buta, niange binanta otou met era angba veng mea ²⁴ Aulang anguba Lahatala emolo ing metma naba iini iomi midadang angu mainang aulange iininiboa ipi angu metma karajang jasi ahala miabeta. ²⁵ Anguba Lahatala emolo una angu iini akal kabule angu metma vengtelul bot nababa Lahatala ana bae ahami ateni niang anguba iiniveng somba bot aing tajaning ejehing ameang. etatabi ! ²⁶ Anguba Lahatala ana Ing metma jasi ahala enang, anguse hula nehe jangu angu naung iini iabetang emolo angu iini metma iabetang molo niang angu vengtelul. ²⁷ Aulangdiba mehal- mehal angu naung ibetang aung met nehe jangu veng benang iini bia ila, sengse ingba mehal angu naung di iomi taingmi dadanang, iini jasi ahala ening iava aloring ateing niang, bot nehe nanut eboa ipi ba jasi ahala ening angu nehe ing hukung. ²⁸ Bot aulng anguba, iini bae Lahatala angu iomi metma aingveng mea niang,ue iateing omimi base Lahatala ana ukur jasi anguba metma mainang , aulange nababa hula iini veng iomi niang angu ba iini vengkarajang . ²⁹ Ing anga naung ba nababa nababa molo niang anguba iomi angu aving, jasi ahala , jasi vengkarajang hura mananti iomi tealil nehe ameang ,totaorang taing kabule. ³⁰ Nehe vengmateng , Lahatala ehura ,kavasar, ava tajaning ,ai ele arunge jasi ahala aving , ava imang vengtouy niang. ³¹ Kamuke, kalaka niang , avarasa niang, kavasar. ³² Bot iini ue Lahatala Evia Esusah angu ateing ila dise iini vengmateng hula neheba na aulang ening angu naung, iini kudi amina, Ual hula ingba kilang vengkarajang arunge iini neheba naba vengjarajang anguba iini ing olok.