¹ Paulus mi Ere, Latala ge ge gasoi metmi Yesus kristus ba,gang ge ujcha nong ba Latala gang weng agi seing ujacha ge molo molo. ² Gi gwetang weling gading gong por gu ada jedung, Latala gang weng wona gang tangakal ninga. ³ Gewed gu weng se gang gesur achung metpleter Latala gesur wengtutuk, ge molo molo. ⁴ Titus gena, etibi Nochal ping egat sasama tomi ganamang Anugrah met mi Latala mi ere, nimang, met mi Yesus Kristus. ⁵ ge ga ba samang Nang ang met Kreta mi gadu Ging ang bisa samang Achung met Abang egat penatua Penatua nong osi, emengpas naba ba Nang weng awona. ⁶ Gang gong Ujacha Nakjasi wengkrejang, ninga ge pras nuku, gochal nong gong ujacha achung achung mu, ging nak jasi met geng taching ninga. ⁷ Seing ba, lahtala ge ma weng krejang gang gu ujacha ba gejasi weng krejang ninga niwera ninga gang Nemul di ninga , tochna ninga mnesing di ninga. ⁸ Toang moling geachung gu ba wengjawi dena weng tmadi ninga bisa diri gu kuasai. ⁹ Na,ba,ba gang wengtutuk gong pina mi namang emeng pas gang tang ajar seing gi se gang sur achung gong wengtutuk met ging wracha. ¹⁰ Ujacha amara ba tabalung, tmea,tang akal, gi ujacha yg sunat nong. ¹¹ Ging gong gi gu wengtering karna ging ikametu ging gsmang susa, seing se nang ge se ging gmurung ninga gong ba samang ping mniang. ¹² Ging guna gong nuku, gi Nabi gdengan wengtutuk, ing ujacha kreta, nong gong i akal pusi emang pas binatang gdenang, mnesing, ploit. ¹³ Sur gang etitibit gu ba ging weng tdumung gi ging bisa gi omi anamang gu wrekeng. ¹⁴ Ake ujcha jahudi nong gu gi sarenta wracha ging gong printah achung nong gong pake ninga. ¹⁵ Ge achung, gong egat achung ba ging gomi met mea nong nuku mu gi pikiran nuku molo ninga egat molo ninga. ¹⁶ Ging gi ai tupa bukak lahtala, wengkruang seng se gi krajang gong Latala Gang akal. Gi gbok ajerung gmurung ninga naba mu ging weng krajang saling.