¹ Nang weng atutuk, ing sur ge achung gong ba weng se gatutuk. ² Mesal-mesal ge boma ienung weng jaga inamar tasi weng jaga met mi Latala genung mi misi. ³ Ge jachung-jachung ge memet iachung gu ba met mi se gi tubing ake namar sur jasi wentutuk, namar toch na se sur ge achung gu ba wentutuk. ⁴ Gegurang gi ging ge sur ge achung met jachung chnewing weng giatutuk, ging balek met mi gi mesal gong sukak gochal nong weng jaga. ⁵ Met ma gomi mi wenjaga rama-rama gening geg gmurung. ⁶ Gegurang sur ge achung met mi ge kuar nong giatutuk gi ging di giomi mi wengani. ⁷ Naba magung mu, ang ba ill wengkruang nag ge achung gu ba weng krejang. ⁸ Sur ge molo, wentutuk ging wracha se ging mniang ging sur ge achung me mi piatutuk ging mniang. ⁹ Gaing wala, ujacha le tutuk ing gmurung samang giomi gomi griang ake nmul. ¹⁰ Ake nag tchawi ge achung met mi gi tubing. ¹¹ Ge akcung gu met mi pi wetang egat go lala seing. ¹² Met mi piena ge jasi gong gtobang, ¹³ ping edung misi berkat gading Latala ge lerat le gading met mi pi wetang Yesus Kristus. ¹⁴ Gang ge wetang met mi ping egat pi gsaling wentering, ge jasi egat gang samang smolang, nuba ba geg gmurung gang weng agi gang samang ge achung. ¹⁵ Egat gu met mi giatutuk ge mai-mai ake ujacha deng ang sukak ninga.