¹ Nikung-nekau nong, gang suring ge mi akur nang met mi iena. Suring ge miakur gomi gang nang banga ing egat-egat wengani, ² gong gi ang sur ge tu wla wengani Lahtala Juruslamat me piatutuk met dukun-dukun smolang met mi ing. ³ Ge tu user ing wengkruang wes-wed ge moe ma, ujakha gsamang pi tomi dira khadu go ere ping gaing ge jasi gsamamg. ⁴ Ging wentutuk de ta ba sur met mi ge era ma gong, egat go namar akhung-akhung. ⁵ Ging ang plaing weng tjemik bulang etang mu weng seing por etang mu gue seing por jer mi ga sanang met jer gomi mi. ⁶ Por etang mu gue gong ba sa jer le mi grusak. ⁷ Lathala ge sur gu sama, wulang mi por ge ada gang met mea, gi ad weng gede wed Lahtala ere ujakha-ujakha nmul gu gmusing. ⁸ Nikung-nekau nong, ake nuku gang weng tjemik Lathala ge wed nuku tung ribu nuku met wed nuku. ⁹ Lahtala gang perna ning egat lugung-lugunh ge akhung guna gong piena, emang nang edung ge lugung-lugung gong. Gang gomi olang gang egia ujkha nukupun mina gong mau ujakha egat ge akhung guna gong gsamamg. ¹⁰ Lathala ge wed go ere pas nag tkhawi molo por khadu ada ninga, wulang gomi mi khadu ad wiring kosing. ¹¹ Ad ge wara por ge gomi egat ad wiring kosing moe ma nong se grusak, samang getrang ping weta Lahatala ge sur ge dar gmurung. ¹² Misit gading Gang ere ? Lahtala ge wed ad khadu met samang bulang ad wiring. ¹³ Lahtala go wentutuk seing ping misit por bulang ge siba ujakha ge molo-molo mi misi. ¹⁴ Nikung-nekau nong, ping misi nak gang gading, ping krejang ge akhung gi Lathala gang ping sarak ping ge jasi samang ninga. ¹⁵ Lahtala ge sabar ge akhung gong met mi tomi gomi gang mi. Gi tobang tiang akur il ge akhung gu misi, emang Rasul Paulus ge sur met ge ujakha giatutuk. Sur ge lathala mi Rasul Paulus gang ajar. ¹⁶ Ge sur gang egat go gsuring gong mi gang tutuk se sur ge gsuring mi go wentutuk, sur ge gsuring mi gong ujakha egat susa gi gmurung, ujakha ge sur wrakha ninga mi gomi ge namang ninga gong ba Suring Smolang, ge sur paket mi ge jasi weng krejang ba gi eging bela samang ging weng sera, emang pas ge sur wrakha ninga ging sur benga wrakha. ¹⁷ Nikung-nekau nong, etang mu ing ba sur gang wengkruang seing. Gong ba griang-griang gong gi ing ake pas ujakha ge sur wrakha ninga pi aturan weng kruang ninga, ake ge akhung gbui omi gomi ghamang. ¹⁸ Ge akhung gong ba met omi gomi gong mi wilang, e krejang gonh Lahtala gang wengkruang ge seing di weng ninga ge kosing di weng ninga.