¹ Etang por chana, nabi-nabi palsu ging egat Alkitab mi wetang, ujacha ge achung gejasi weng lota-lota go namar. ging deng go emang-emang sur dar ge jasik met mi gia tutuk egat gu jasi, Latala ge sur ge dar ging wracha ninga, gong ba ge jasi gu ba ging teng ere. ² Ging emara-emara ging bit gemurung, gong ba iga ge semolang se gemurung ninga. ³ Ujacha mor nong ging sur-sur akal weng tutuk, gi eung gu se gsorong-gsorong ninga ge jasi gu ba go ging tang ma. ⁴ Latala mu gang misit malaikat gesaling weng krejang gang ging lala, gong ging met nereka ge gomi mi gadu, rante chana met ging platar misit por a jaing gading, ⁵ Latalah gang por ckhana gong gang griang ninga kecuali Nuh, gang sur dar ge akung weng sa ge berita weng sa ga tutuk gong ginang titu ge wading, Latala gang nor le met mi por gang mi sera, ging Latala weng kruang ninga, ⁶ Latala gang bendar sodo metmi gmora ukung met mi gi ena bendar akur gu egat-egat musing kikik. wasit tangda emang moro gedenang ging gu emeng sonto met mi ujacha wetang moe ge moe ma; ⁷ Lot, ujacha smolang gu Latala gang gring ge geuna gealing miba Latala ge sur weng kruang ninga, ⁸ wed- wed go ma, Lot wetang ujacha nong gi sesama mi goramana ge smolang susa lala mi ba ujacha jasi weng krejang gang ging lala gang ge sur wracha; ⁹ Latala egat gang weng kruang ujacha smolang ge jasi gong met mi gi ola gi pleter, ujacha ge jasi weng tutuk weng krejang gang ere ge mi akur se gang ukung, ¹⁰ gi bocha ging met mi gejasi-jasi mi gaduh, ujacha-ujacha nong gong. Latala ge gsoing wala gong di ging gmurung ninga, ging newera, guru-guru palsu ging recha ninga ging ucha smolang gu tang tasi. ¹¹ mlaikat gang gu wrekeng gang kwasa emeng ging gdenang, gang sur akal gong weng tutuk gsamang gi omi gomi te ola-ola ging Tuhan weng kruang ninga. ¹² Guru-guru palsu gong emeng pas nakwetan ge pikiran weng ning, si gjai met mi si gmea gedenang; gi tutuk miwa mima gong weng kruang ninga, egat gong sa teng tasi gmusing ilar ge mi nuku; ¹³ Ge jasi mu ging teng ere gong ba sa weng gboit met mi gi ena. ging buning-buning il mecha seing wed amai gong ba ging senang. Ging ebubuning mi emeng pas dew moli medi. Ujacha ge gurang gu ging samang grusak, ging nakna esasama e' gi omi gu epaing. ¹⁴ Gi eng gochal guna ging mi gu ging namar ge jasi mu weng krejang ging weng tutuk gsamang gong egat moleng, gi omi gomi gu mor-mor gong wing. ging gochal-gochal gong ge jasi weng krejang. ¹⁵ Iga ge molo gong ging met mea, iga gejasi gu ba ging goa, iga Bileam bin Beor, iga ge jasi gu ba gang gmurung. ¹⁶ Gong, se gang tegor genemar gu gsaling seing emeng Keledai nuku amang sa, gmang gu ujcha ba go tutuk nabi ge bunig wlah ninga seing. ¹⁷ Ujacha- ujacha nong emeng teng unung tchata emeng benau go teng mi isit ge il chamamung gu ba met mi gi ena. ¹⁸ Gi sur gu newera, ge gomi gu kosing. ging ujacha-ujacha glolung weta gi susukak gmurung. ¹⁹ Guru-guru palsu gang gi wona ing isusukak medi, ging mu gaing wala ging susukak mi ujcha nuku gang amai ninga gu se ang gu ba esusuk. ²⁰ Gu se, ujacha egat ing weng asi por le tagang mi ge jasi mu weng krejang gong ba ma ping egat met mi Mutu Yesus Kristus Juruselamat, etang oboit ge jasi gu weng krejang ga e por ga tagang, gong se ing etang ge jasi gu ba weng krejang ga por tagang, gu se ing etang ge jasi gu ba sarak. ²¹ Ing achung tlalu ing ge molo gu ing weng kruang jedung, ing iomi gboi sur ge smolang gu se met mi ena. ²² Ujacha nong ing emeng labus-labus emeng sur koli: Jabar gang oboit ge ochar na, be gang welah smolang, gang oboit buta mi wela.