1
Es on nanet, au benu bia amanekat ma le au umnau ki, le an fani amlilet nok nanaeb kau nekak, am haket am sisi aton anbi nanan Uis Nenog.
2
Au toti nok teb-tebe noi bi Euodia nok bi Sintikhe hem monim nekmes mibua ambi Uis Nenog.
3
Tebe, au toti oiki, on le aum mnono en, hem peni man le bifen na fun sin esan mepu teb-tebe nok kau noi lasi mepu Beno Alekot, lalit ne Klemens sam sa nok aum amnono en anbi le mepu teta, le sin kanak ken an lul sin es sula honis.
4
Mimlile piut anbi nanan Uis Nenog. au akka ten he mimlile ten!
5
Mautu he tuafen nehinen noi le hi nek athoesen. Uis Nenog an haumakeh.
6
Naik mimtau noi le sa-sa am sa. Mes, anbi le hi lomit sa-sa muton ne noi Uis Nenog anbi le hi onen totis nok toti syukur.
7
Tetus aomina Abal-balat le an nesi nako le alekanan hinef ofa an panat hi nekmen nok le hi tenben anbi nanan Ne Yesus Kristus.
8
Es on nanet, benu bia, sa-sa le namneo, sa-sa le namas, sa-sa le an ADIL, sa-sa le aknino, sa-sa le an jalin mat, sa-sa le mapules, sa-sa le namneo, sa-sa le het pules sin, mitenab sin ok-oke.
9
Sa le hi minoni sin neh, am simog, am nen, ma mail mit te nako kaug, am mo'e mituin ne ok-oke, ova Abal-balat on uf nako tetus aomina lof nokan ki.
ne Paulus an toti makasi noi tog-tog apalsait anbi kot Filipi
10
Au umlile mat anbi nanan Uis Nenog natuin tabug i, him fanim mail mifani kau geh. Teb, anbi nenog le hi kafe mail kau, mes hi kam mu'i fa le menuan.
11
Au uton ki le aguab i nane ka nak fam nak au kulan, natuin au unoni au aok ke he pake sa-sa'at uno'ug anbi sa'an ne hah.
12
Au uhine le at tekem tak at kulan, nok le at tekem tak at mu'ij oke. Anbi le sa-sa nok anbi lekug-lekug au unoni le RAHASIA monit he ta no'u le palut, hen 'nbi le lekug tamsen ai tamnah, ai het mu'i loit anaek ai kat mu'i loit.
13
Au he mepu an sa'es anbi nanan Uis Nenog le a fe be'if noi kaug.
14
Mes, him mo'e mo'et alekot te len hem peni kau nok sutais.
15
Himsat mihin, to slani Filipi, anbi nenog mepu Beno Alekot ten fatnon, lalim au usaitan pah Makedonia, katitfa to slani es hen peni kau nok lasi sutais anbi le het nona ai he simog, nan lo hi.
16
An teni ten, es le au Kot Tesalonika, him sonu kau bukael noi au palut an nesi nako haef mese.
17
Mes, ke le nane fa esa le au etguel let, le au etguel es le fuaf le an satom man lolu le hi penit
18
Au simo le baen ne len oke, lait an saton tenij. Au mu'ij ok-oke sa le au palugel nako le fet am sonu e noi kaug an boni ne Epafroditus. le hi fet le nan an fani fua tulu le an fomen, fua tulu le an matom, nok Abal-balat in nekan.
19
Au Uis Nenog Abal-balt ofa an fe nanehu nani ki le hi palut natuin le In amu'in le namas anboni Ne Yesus Kristus.
20
Pules amasat noi hit Ama Abal-balat talan te nabal-bal. Amin.
21
Miton han amnaut nako kaij noi to knino anbi nanan ne Yesus Kristus. Han amnaut nako benu bia apalsait le an tokom nabua nok kau es i.
22
To knino e ok-oke an sonu han amnaut noi ko, noi le ananaob ben anbi ne Kaisar in ume sonaf.
23
Athoes nako Uis Nenog ne Yesus Kristus nokan hi 'sman men ne piut. Amin