¹ Anbi leku amunit, au benu bia, hi he mimlil anbi nanan hit Usi. Tau naben nat kan jali fa mafena fa len he lul ki sa-sa le papmese noi ki fun sa le i ofa an panat ki. ² Am pantom noi le asug-asug, am pantom noi le a mo'e amleut ten, ma am pantom noi le tuaf le an ketu nasanut sin aok apo ken, ³ fun hit esa teb-teb es le tuaf an ketu nasanut in aon pasun, le an fua anboni Smanaf Abal-balat, an pules Ne Yesus Kristus, ma kan nafnekan fa in lasi palsait anbi mo'et-mo'et le an moni nako pahapinan ⁴ Masi aumsat he nok amneot au mu'i tenab he ufnekan noi le alekanan palsait le an moni nako pahapinan. Mes kalu an mu'i tua teta le na ek on ne palsai noi sa le an moni nako pahapinan, au nesi teni nako tuaf nah: ⁵ Tuaf fen painote kau au monim fe nenog fan, au nok teb-teb au moni ako atoni Israel, nako sukug ne Benyamin, Atoni Ibrani le naguab an pake aguab Ibrani. Natuin aplenat Taurat, au esa le atoni Farisi kau ⁶ antom lasi makoel au esa le i au atoni a hamu'it noi to slani, ma noi lal amneot anbi aplenat Taurat, es ka naenan fini kau. ⁷ Mes, noi le alekanan sa-sa le nahunut an jali penit sufaf noi kau, afjan i nane an fani lukit noi kau natuin ne Kristus es natua es kaug ⁸ Nok amneot, le alekanan sa-sa nane an fani lukit noi kau kalu tenesa e nok lasi palsait noi ne Yesus Kristus, on au Usi, le In maupa an nesi nako sa-sa. Fun natuin ne Kristus, au uneku ani sin ok-oke -- fun le afjan i nane an fani mapasu en noi kau ok-oke! -- he nati au upeni oi ne Kristus. ⁹ Au napeni kau nako nanan ne Kristus ka nako fa amneot le an poi nako au aok ken mes le au upenjel nako anoni aplenat Taurat, mes le nem natuin lasi palsait noi ne Kristus, le nane lasi amneot nako Abal-balat le an poi nem nako lasi palsait. ¹⁰ He nati au palsaim utuin Usi nok In kuasan le an fenan fani nako lasi maten, nok le nabuan fani 'nbi In PENDERITAAN hen jalin fani on nenog Inan mat ¹¹ He anbi neno amnemat au moni fan ako le atnanan tuaf-tuaf le an mateh. ma au nao poi oi amno'en nako balel Son Honis ¹² Es on nan, ka tak fam tak au upenij leh ai au uknino ok keh, me au he aen utuin he au na an on le ne Yesus Kristus le Inan huku nan kaugeh. ¹³ Benu bia, au ka akfam ak ai au huku ane leh. Al an mu'i so'it tes le au mo'el: au usaitan ani le alekanan sa-sa anbi leku ahunut ma au lakam a nao piut oi sa le es au matak. ¹⁴ Au lakam a nao piut oi matan he upeni sa le au he au upenjel on au penit, le nane nak amno'en Son Honis nako Abal-balat anbi In An monel ne Yesus Kristus. ¹⁵ Im he alakit on to apalsait at mu'i tenab onan. kalu hi kam mitenab onan, abal-balat ofa naklila e noi ki he mail le nok amneot. ¹⁶ Natuin lasij nan, im he alakit at moni piut tatuin moet amneot le hitat mu'ij le. ¹⁷ Benu bia, mo'e mituin au 'mnekit alekot nok ma-mailah le tuaf-tuaf le sinam sa an monin natuin sa le hi mail mit te leh nako kaij. ¹⁸ Natuin, an mu'i le tuaf-tuaf le an moni on musug-musug nai Kristus in hau nehel. Natuin lalan i, ij nanat au pe'o ki je len es anbi lekug ij au pe'o kijen ten nok au matak oen nen mof. ¹⁹ Sin monit an bi neno amunit nane neki sin noi atasu aij, sin Usi es sin taik ken, nok sin lasi pules es sa-sa le neki lasi maeba. Anbi sin atenab lo ala sin natenab noi mo'et-mo'et pahapinan. ²⁰ Mes, hit esa le i tog Son Honis, es nok nek amlilet hitat pao piut hit Asoi Sanat, es le Usif ne Yesus Kristus. ²¹ In ofa nabaino hit aok amleut le i he namnes on In aon Amasat le Nan. Neki in kuasan le na, Ne Kristus In nis nani le sa-sa ma neki sin he naluli noin.