¹ Onane te, anjali atuinas-atuinas Usnenog on anah-hanah amanekat. ² Monim bi lasi manekat, onle Kristus anmanekan kit ma anfe In tuane noi kit on fuatulu afomenit noi Usnenog. ³ Mes Ona, naik kan mu'i lasi kakel al mo'et-mo'et amle'ut lasi palu, atteknan sat naik natuin lasij na ka namnes fa anbi atoni knino In nat nanan. ⁴ Nai kan aguab mapasu, al aguab olel, al natau sloto -- le kan matoni -- mes am toti sukur. ⁵ Natuin, him hine nok amneot kalu atoni amoe kake, atoni ka aknino al atoni apalu anesit le anfua lof kan peni fa pa anbi plenat Kristus ma Usnenog. ⁶ nai kan tuaf he namop ki nok aguab luman he natuin ale lasij na neki to'as anael nako Usnenog noi anah-anah durhaka. ⁷ Mes ona, naik mimnono mok sin. ⁸ Mahunut hi mesiokan, mes neot anbi tabug I him jali miusine anbi usi amoni on a le anah-anah miusine ⁹ natuin fuaf nako miusine es alekot, keadilan ma amneot, ¹⁰ ma am sobal hem totih hinet sa' le antom nok Usi In nalomin. ¹¹ Naik am mo'en tuin moet amle'ut anbi mesiokan le kana hapoitan fa fuaf, mes mimaeb mifani le moet-moet na. ¹² Mes, amtek le sa'-sa' le sin moel amnes-amnes nane namaeba. ¹³ Al ona, sa'-sa miusine namaeb anjali mamnita ¹⁴ fun ale sa' le naklil on nane miusine. Es ona, le antek "am fen nai al hi ataupas! fen nai mako atoni amates, ma Kristus lof an pin noi ki." ¹⁵ Es ona, mail lek-lek nok teb-tebe on mele hi mon, naik onle atoni anah afutus-afutus, anjali ataij lasij. ¹⁶ Ampake menuas ij nok alekot-alekot natuin nenog-nenog i maufinug. ¹⁷ Mes ona, naik ka jali aolet, mes mihin Usi in lomin ne sa'an. ¹⁸ Naik kam mafu natuin tua min onij natuin lasij na kan matota, anfani ona na te nahenu nok asmanaknino. ¹⁹ Miguab es nok es anbi sipules Mazmur, sipules, ma si knino, amsi nai ma am pules noi usi nok hi nek ahenuk. ²⁰ Amtoti sukur piut-piut natuin ale sa'-sa' noi Ama Usnenog anbi hit Usi in kanan, Kristus Yesus. ²¹ Maluli noi tuaf bian lasimtaus ne Kristus. ²² Bifel-bifel, mululi noi ho monel, onle mululi noi Usnenog. ²³ natuin, atonij inanakaf noi infel, he on a Kristus inanakaf noi toslani, onle lokif taluf, ma inan mes asoit afetin. ²⁴ Mes ona, onle me toslanit naluli noi ne Kristus, mesona bifel mululi noi ho monel anbi ale sa'-sa. ²⁵ Atonij-atonij, amnek ho fel onle Kristus anek toslani ma anfe in aon noi toslani, ²⁶ he naknino ki ma anboe ki ma nasub ki oel nok aan aknino. ²⁷ Nak ona, Kristus natulu toslani noi aon anbi amasat, kan mu'if lekel, ai kan mu'if abata, ai onle sa'-sa' natuin toslani anjali knino kan mu'if sanat-sanat. ²⁸ Onanem sa', atonij-atonij namneo amnek ho fel onle ho lokif taluf. Inan manek noi in fel, onle inan nek in aon. ²⁹ Natuin, kan mu'if tuaf le natotan in lokif taluf, mesona inan pao man panat ma naleko. Onanem sa' Kristus anmoel noi toslani ³⁰ mesona hi lokif taluf hit aok. ³¹ Nak ona, atonij nasaitan qmaf ma inaf ma annek mes nok in fel he sin nuasin lokif taluf mese. ³² Lasi kolo ije anaek, ma au uguab i noi mafutus noi Kristus ma toslani. ³³ Mes, hi mese-mese amnek ho fel onle amnek ho aom ma bi fel home sa' mumtausan ho monel.