¹ Anah-anah, mimtausan inaf amaf anbi Usnenog natuin lasi amneot. ² " Mumtaum musman noi ho inaf ma ho amaf", ij natuin aplenat ha'el mese ma nak manta'en ³ " he nati ho monit nalek ma mupeni uamnanu anbi pahapinan. ⁴ Amaf-amaf, naik mufena ho anah-anah hen to', mes munaeb sin munoni sin natuin fainekat Usnenog. ⁵ Atel-atel, mupalnom noi usif anbi pahapinan mumtau ma am lilitai, ma nok nekbaun he ona ne Kristus. ⁶ Naik on tuaf-tuaf le anmepug-anmepug he naika ona le tuafe hit -- noi namlileb mansian, mes natuin atel-atel Kristus le nanaoba Usnenog in lomit anbi in nekan. ⁷ Munaoba nok lasi ahenut onle noi Usnenog ma ka noi fa mansian. ⁸ Natuin, hi mihin, he hi atel tuaf le nafetin none, le inan mo'e lasi alekot, Usnenog anfene tetus noin. ⁹ Usif-usif, munaoba noi ho atel musnasnaij nako maakan mes muhine ho usif ma sin usif nabua es nenogtunan, ma in kan betif lasi manekat. ¹⁰ Oken, anjali be'if nako Usnenog in be'in matanin. ¹¹ Hi ok-oke ampake amtisis amnout kenat Abalbalat hake nai hen be'u lasi mo'el nako nitug. ¹² Natuin, amnautas hit kat fa pef ma na, he nati hit be'u ana aplenat-ana aplenat, akuasat-akuasat, be'if-be'if anbi mesiokan i, ma atbe'u be'if-be'if nako nitug le anbi nenogtunan. ¹³ Nak ona, hi ok-oke ampake kenat Usnenog he nati hi mipeni lekug neno amle'ut nane nem, ma anfini nako nenog hi fe amkak. ¹⁴ Anjal, ma amhake nok be'if matanif, ma muhelan afutu amneot ma ampake sobalu besij keadilan, ¹⁵ ma amtao apeni haef nok loitan beno alekot. ¹⁶ Ma ale sa'-sa', maiti nai PERISAI nek palsait noi hi mimate auni aij nako nitug. ¹⁷ Maitinai ketopong amneot suni asmanaknino, natuin lasi Abalbalat, ¹⁸ mes am onen lekug tabug anbi smanaknino nok hi onen ma palsait. Anbi ho onen na, am pantom nai nok ho nekafnekan ma musaeba ho totis noi tuaf-tuaf aknino. ¹⁹ Am onen nai in noi kau he nati lekug au fai au fefak, au uguab ma anfe kau he nati au malo et ma au uton lasi kolo beno alekot. ²⁰ Mes natuin beno alekot na, au jali leluf le anfutu kau. Am onen nai he nati au uton nok maloet onle sa' au uguabel. ²¹ Tikhikus, au benu palsait mese le au nek ki ma mepug ma makoet anbi Usnenog, he nati naton ale sa'-sa' noi ko he nati him sa' mihine au aok ma sa' le au molel. ²² Au lelug noi ko noi aplenat, he nati hi mihine hanaf nako kai ma he nati an halin hi nekmen. ²³ Tetus aomina noi bia benu apalsait mese, ma anfel nok palsait nako Amaf Abalbalat ma Usif Yesus Kristus. ²⁴ Athoes noi ki ok-oke le an nek hit Usnenog, Kristus Yesus, nok le in felel ma lof kan mate.