¹ Nako nai Paulus, le anjali haef Yesus Kristus natuin Us Nenog inalomin, ma nako Timotius hit benu apalsait. ² Noi atoni-atoni knino ma bae -benu apalsait a setia an bi Kristus abit Kolose. Athoes noi ki ma tetus aomina nako hit Ama. Onen ma totis syukur Paulus. ³ Neot onen noi ki. hai mtoti syukur noi Us Nenog, Amaf nako hit Usif Kristus Yesus. ⁴ Natuin hai mnen anton hi palsait an bi Yesus Kristus ma him mui lasi manekat noi ale atoni knino sin. ⁵ Palsait ma lasi manekat nane an poi natui afnekat le na loitan ne noi ki anbi sonaf nenotunan, le him nen milalje leh an bi aan amneot, Lasi Alekot. ⁶ Lasi Alekot nane netin te ki je leh ma pah pinan ok-oke ma Lasi alekot ije napoitan fuaf piut ma nasan on, pap mese on le anjali anbi hit tnanmen, malai nako nenog le him nenen ma mihin athoes Us Nenog an bi nana amneot. ⁷ Hi mi noni en nako nai Epafras, hai benu an bi tuthaes amaket, le anjali atuthaes Kristus amakoet anfani noi ki. ⁸ Lo In es le naton na lali kai jeh an matom nok hi makem an bi nanan Smanan. ⁹ On nane te, noko nenog ije haim nene leh, hai ka misnas mita fa hem onen noi ki ma amtoti he nati Us Nenog na henu ki nok hinef an tom In nalomin an bi ale hikmat in nanan ma hinef aknino. ¹⁰ On nane te, hi mipeni monit nok lalan amneot nok anbi Us nenog in matan, tam lileb In anbi ale sasa, napoitan fuaf an bi ale mepu alekot in nanan, an, ms an moni an ¹¹ He nati an hatani ki nok ale beif an matom nok In halinat akuasat he nati hi mipeni ale be'if ma kesabaran nok am lilet. ¹² Am toti syukur noi Ama le an moe na lali kij na henu le nono hem simo paf on atoni knino an bi meu sine. ¹³ In na fetin nalali kite nako kuasat mes okan ma nat lakab kit noi In Anah amaket in Aplenat. An ¹⁴ An bi In, hitapeni soit, ma an sako hit sanat-sanat. Kristus In Es Nahun-hun an bi Ale Sa. ¹⁵ In aleta nako Us Neno ka mam nita, in ahun-hunut nako ale sa le najalib. ¹⁶ Natuin, nako In, ale sa sa le an bi son honis ma pah pinan najalib, le mam nita, ma ka mam nita, lekog a toko, kuasat, a na aplenat, ma amui kuasat. Ale sa le najalib natiun In ma noi In. ¹⁷ In bine na hun nako ale sa sa, ma sa sa an tul takgue na bua an bi In. ¹⁸ In anakaf nako aof, le to slanit, In nam sa ahun hunut, In ahunut nako at nanan ale atoni amates, he In jali le utama nako ale sa sa. ¹⁹ Natuin, Us Nenog an lomi he ale in mahenut nabalah an In. ²⁰ Natuin In, ale sa sa sin n nenog aketi e nok In tuan, lekog a bit paha pinan ma abit nenog tunan,aketi natuin in nan le nat op an bi hau nehe e tunan. ²¹ Hi nahun ka mahine a, mamusun mok Us nenog an bi nanan hi tenab, ma minaob moet abulalut, ²² neot ij an halan nalali kije nok Kristus In aon apoan an boni in amaten, he natulu ki on atulu aknino, kan tota, kan abia, an bi Us nenog I matan. ²³ On nane te, hi mibalah am bi nanan lasi palsait, am matani ma miki'k, naik na oni ki nako lasi fnekan noi Lasi Alekot le him nen nel, le nakua na lalje leh noi ale sa sa le najalibe an bi pah pinan,nnatuin lasij nane te au, Paulus, a jali ameput, Nai Paulus In mepuge noi Toslanit ²⁴ Neot ije au umlile an bi nanan au manuat natuin hi fun an bi au sisik nanan au unokab sa le an bi Kritus in mamuin, noi In aon taun, es to slanit. ²⁵ Au jali ameput to slanit an matom nok tugas tuthaes nako Us nenog le na naat te noi kaug nnoi ki he nati au uteba Aan Us nenog nok mahenu. ²⁶ Ije nifat le na kolo on nako batan noi batan ma ekel noi ekel, mes es le muni ije nak lila nalali je leh noi In atoni knino sin. ²⁷ Us Nenog an lomi he nalila noi sin lole in nifat aumaun alitas an uf-uf bian atnanken, nak Kristus et hi nan men, nane afnekat nako aliatas. ²⁸ Hai miton an matom nok In nok mises ma minoni tuaf mes-mese nok ale hikmat he nati hai mibei he meki tuaf mes-mese an jali am nasit an bi nana Kristus. ²⁹ On nane te , aum sa aut nok ka fin-fin, berjuang ma tai nok In kuasat le an mepu nok beif an bi au nanak.