¹ Natuin, au lomi he hi mihin lole am nautas in mafenan le au unaob ulalije leh noi ki, ma noi sin le abit Loadekia, ma noi ale tuaf le hai ka mi eku mita fa humaf nok humaf nok kau. ² Au salite alaha he nati sin nek ken ne an halin ma na meseb sin an bi nanan manekan he anti sin mui ale amaus le na ubon nako jaminan noi pengertian ma hinef nako Us nenog in nifat, nane lo Kristus in kun. ³ An bi In, ale amaus, nako hikmat ma hinef na kolo on. ⁴ Au uguab lasij ij he nati ka tit fa tuaf he nak liup nok matoes le at nenet on hen tam ota. ⁵ Oni, masi au aok apoan ne ka nok ki fa, mes au ok ki an bi nanan asmanaf, ma au umlil it him disiplin nok alekot ma hi palsait te nakibon an bi Kristus. Mituin Kristus Yesus piut ⁶ Natiun, him simo milali Yesus Kristus on Usif, am moni piut am bi In nanan. ⁷ mi bamsenom ma mifena hi tuamen ne an bi nanan In, mikiab hi palsait le na noni na lali kije leh, ma henu mit hoe mok lasi pules. ⁸ Mikes-kesinom he nati kan mui fa tuaf mese he nak eo nok lasi luman ma nasekeb ki, le na ubon noka aheta mansian ma ela-ela smanaf pah pinan, ma ka natuin fa Kristus in prinsipen. ⁹ Fun, an bi In nanan ale mahenu ilahi na tenbon, le an moni onna ao poaf. ¹⁰ Hi mihenu milaljen ambi In nanan, In es anjali anakaf noi ale anaplenat ma akuasat. ¹¹ An bi In nanan, an heli nalali kijeh, mes ka nok fa helit mansian ne in naniman, mes nok Kristus In helit, es le sisi aopoaf asanat. ¹² An bi su oel, an subki nok Kristus, na nafena nafani ki mibuat mokan, natuin hi palsait an bi Us nenog In kuasan le nafenani e nako atoni amates si nant nanken. ¹³ Masi nahunum him mate ambi nan hi tanhais-tanhais ma an bi nanan hi sisim pen le ka maheli, Us nenog an moe ki hen moni mibua mokan noko In sako nalali ale hit tanhais sin. ¹⁴ In kebat na lali sul tusa nok atolan-atolan ne in tuntutan le na eka hit makfoit te tok Us nenog. In naiti nalalije leh ma an kusse an bi tunan hau nehe. ¹⁵ In kasu nasanut ale anaaplenat ma akuasat, ma an moe sin on le am nailat le namaeb sin natuin In amnisat an bi tunan hau nehe, Naik mituin Atolan-Atolan le Mansian ne in molel. ^{17 16} On nane nai te, naik him nolen tuaf fes hen nafeki lasij an matom nok lasi mnahat ma am ninut ai neno naek an matom nok agama, perayaan fun feug ai neno snasat. Al ije ok-oke alaha mafof nako sa-sa lof am nemat, tetapi humaf le namnaneo lo Kristus. ¹⁸ Naik kam nolen tuafes le namlile nok nek baun palsu ma fuad noi ahake-ahake neno tunan,na fek ki lasij, Nae le tuaf-tuaf le lomi nok lasi mnitas ale sa-sa aknutu he moe si na tenabe an boisok natuin tenab-tenab pah pinan. ¹⁹ Tuaf on le nane kan na nakiafa an bi Anakaf. Anakaf nane es an tultaku ao poaf ok-oke, ma ao poafe namesebe nok kanuf-kanuf ma keog-keog, al-alsin natun nok monit ma tunaf nako Usnenog. ²⁰ Kalu mok Kristus him mate milalijeh noi asa-asa pah pinan, nan sa ate hi ona le fe pah pinan ne inija ki, miluli noi atolan-atolan onle: ²¹ "Naikam poe, naikam lami, naikam tom"? ²² Atolan-atolan le ije ta tuin talali jet lof an mat natuin atolan-atolan ije an moel na u nako aplenet ma anoni mansian. ²³ Atolan-atolan on le ije memang he tailet an bijaksana nok naiti lasi fuat le na ubon an bi in tuan ma anebet nekaf palsu nok hamuit aopoaf, Mes, al ije ok-oke kan muifa upan selain he naminab sisin.