PAULUS SURA' TAHOW ROMA HINUNG EN, ASEL MATE O' IFIHING MI
1
Honife, pi udume homi a' bul med am honi hee, pi Tuhan Yesus om mi Lahtal a' ra no' am;
2
Sari horo a' lai fe, udume o' se' bur pi lol Lahtal o' ukarang lap fa, honie fed hoo pi a' no' pilang pi tatoh, no' hee pi Lahtal O' udume homi loil asal bad herang.
3
E' horo solo nen sobo, maar mahip om midi pi loil asal bad herang fede' pi a' hol sari ho, maar mahip a' holfe sa tom dume,
4
tom dume fe pi goda pate tahang no' pi goda pate tahang fe, pi naba udume eh ho a' da nang,
5
med naba pi a' da nang eh ho e' tano' bol nene,fede' Lahtal O' ukarang ho Roh Bolang a' lai Sa tahow tom mi am.
6
Pi dai moleng om mi honi hee, Kristus min name doro palel e' re eng o' selho tamuj.
7
Fede, namenu i'nung min med name a' bul e' re engho a' ra dai, masiki name den i' nung min med name om no' e' re eng ho a' ra.
8
Honi sobo, Lahtal So ukarang med tetub, sariho pi dai doc panen eh honi hee, Kristus min tere eng am.
9
Foil e' mota honi hee, O' fui her puin tano' a' bul, no' hee Sari horo a' lai pi Lahtal apong fa' a' ra ham homi il luling med.
10
Fede, pi dai tano' Lahtal o' falefang eh honi hee, O' Ai minho puin piri med Lahtal sara no' o' mi tata, fed hoo pi A' ra no' am. Med lel am sari ho, fed hoo pi Lahtal a' ra no' am, honife, O' fetang ho a' lai piridi il luling ho med a' bul.
11
Horo solo nene, pi Tuhan Yesus Kristus a' lai Lahtal om mi bad herang, fede' Sari horo a' laiba, pi Lahtal a' ra no' ho med.
MIN HO ADAM LOL HO' FETANG HO KRISTUS LOL HO'
V 12 Honife mang fede doc a' ra pali' mate hoo taho name nu lol ho' med min ho doc horo lol ho' honi hee, min ho tabite nameno' a' ri an am fede' barpi doc am.
13
Fede, Musa ei Hukung ba Taurat om mi ho a' ra dai honi hee, doc a' ra pali' mate hoo ta am, sobo Hukungba Taurat om mi a' ra dai hee, Lahtal doc e' ta an nene.
14
Honi sobo, min so mi kufa' Adam o' zamang homi sam Musa ho mi meng, o' mimid hee nameba Adam doc panen honi ho supi panen nene sobo supi di tamuj, sari hoo sano' Aiba ho' eh am o' lala man.
15
Honi sobo, Lahtal O' ukarang ho, doc ho e' a' ra ham nene. Mang fede' name nu doc panen name tofang min am, honi hee, Lahtal O' ukarang Sa med ten name nu a' lai, sari ho Yesus Kristus.
16
Med ukarang hoo, ainu doc panen horo sano' asel nene. Fede' tetang hasu nu o' abul o' a' hal lap honi hee, hukung salang a' ra om mi, sobo ukarang med tetang hasu tofang e' re eng ho a' bul a' ra om mi.
17
Mang fede' name nu o' doc,honi hee sari ai ho min uaneng, sobo name ba ukarang med mi tofang, ukarang ho puin a' no' a' bul ho, supi fetang mi parenta puin name nu a' lai sari ho Yesus Kristus!
18
Honi fe, mang fede a' hal nu ei a' ra ham name tofang hukung med, honi hee name nu no' panen hodi puin name tofang barpi fetang med, no' hee a' bul hodi med.
19
Fede name nu ei tetang hasu, name tofang a' no' doc. Honi sobo, name nu ei a' lol a' ta ain ho puin name tofang a' no' a' bul.
20
Taurat o' Hukung med uta honie sa doc ho mang tofang ta. Honi sobo, e' leme nu mi doc mi tofang, honi hee sari homi hodi Lahtal O' ukarang a' lihing her.
21
honie mang fede' doc ho sa min uaneng, honi hee,ukarang hodi a' bul om mi sano' aneng Yesus Kristus om mi, te puin tatang puin sam fetang so em ho lefa.