PAULUS SURA' TAHOW ROMA HINUNG EN O' ASEL MATE O'MITOW
1
Mang fede' honiso, ho hee Yahudi ei nabaso so mimid? Eme o' a' tino' bitho o' untu naba?
2
Na tofang a' ra om mi; mitata supi horofe name Lahtal O' fompa' supi en.
3
No' mang fede' name den e' o' a' tino' bit nene hee, supi o' a' tino' bit neneho puin Lahtal O'ukarangho a' suhuin no?
4
So a' ai bolang! Lahtalho a' bul masiki name tofang ho aba kalufe o' name. Mang fede' a' ra hul ol meng honi;
Ariho Omaten pa' mi so a' bul,
med Ariso somi mid mang fede' nameno so O a' bul O a' hal lap. Dal orang pa' asel mate er ifing faling nu, o' ba' ang ka' ai talang
5
Honi sobo, mang fede' pi a' bul nene horofe puin Lahtal O' a' bulho utub honi hee, nabafe maa pi ubang?
Lahtal tari hukung ho e' a' bul nene honi? (Nameno' ei a' lol Na maten hoo ubang)
6
So a' ai! Mang fede' honi, Lahtal pali' mate hoo o' a' bul o' a' hal lap maa taro'ni?
7
Honi sobo, mang fede' nei kalufe a' ta ain, Lahtal o' a' bulho puin A' ri u a' foh a' tel mangta, naba eife no a' bul no a' hal lap nano' name doc panen honi?
8
Med, (mang fede' name oinu niebit nieng el med niraham honi) naba eife ubangho, Mae pi nasah panen honie, na o' no' sari sah om homi latel.
Supiba mateng honi ho bit, honi hee hukung medfe sa a' bul.
NAMENO' BARPI DOC UANENG
9
No' hee naba? Maa piri horo so mino' name beng e' mota? A'ai bolang! Fede' dai ehta ni bit am, sariho, Yahudi hinung eme, e' Yahudi hinung nene di, doc e' far.
10
Mang fede' a' ra hul ol meng honi,
Name pirnu di na o' a' bul panen nene, name pirnu di a' ai.
11
Name pirnu di o' tanut no' a' ai.
Name pirnudi e' Lahtal lap nene.
12
Nameno' barpi Lahtal el te eng am,
supi ham ham o' no' nu a' ai.
Name pirnudi na o' no' panen nene, name pirnudi a' ai. Mazmur o' asel mate ernu faling ut, ba ang ka ai nu sam tow mimeng
13
Supi o' doro om mang fede' lafo sat a' be' meng honi,
supi a' libung a' hen a' mone, mon o' dafang sah a' ra supi a' libung e' far homi.
14
Supi at om ho futung pa' uj med maar mahip so afeng.
15
Supi e' fa hano ang fui a' her.
16
A' hain a' fe' po' butung a' ra supi o' semi.
17
Med, tining talaj bad herang om mi fetang ho taro'ni supi a' hol nene.
18
Lahtal ubaroc fe ho, e' a' ra supi e' fail a' ra ham homi nene.
19
Fed pi a' hol sariho, nabafe Taurat o' Hukung bit eh ho, med supiba Hukungho e' far horo e' re eng horofe, at tofang sari utel, med pali' mate ho a' ra Lahtal O' hu' timba e' far.
Nameba Taurat o' Hukung a' lol panen neneho, den Lahtal a' ra ham homi a' bul med nene fede' Taurat o' Hukung horofe doc a' hal a' hol ho a' ra lol ho'.
NAMENO' BA YESUS KRISTUS UDUMEHO LAHTAL A' NO' A' BUL
21
Honi sobo fed hoo, e Taurat o' Hukung nene, sobo Lahtal ei na a' bul horofe lel am, Taurat o' Hukung med nabi ernu ta a' hol ta ma' eh.
22
O' mitata, Lahtal O' a' bulho Yesus Kristus udume femi, med nameba o' a' tino' bit amho e' re eng, fede' o' salahain a' ai;
23
fede' nameno' barpi doc mimuj,med Lahtal ei tarain pa' suhuin am,
24
sobo Lahtal So ukarang puin ano' a' bul o' fali a'ai sariho Yesus Kristus so hafoh med.
25
horo Lahtal during a' lel a' no' se' bur tining talaj O' fui om mi udume fe lol.
Sari na hoo puin Lahtal o' a' bul a' bulho utub, fede' Lahtal So pa' bala puin doc tofang turmi eiho o' a' ai bit am.
26
Na hoodi honie puin O' a' bul a' bulho utub sel fed hoo mi honie, a' hol honi hee Sa a' bul,no' hee nameba Yesus udumeho,Sa a' no' a' bul.
27
Honife, pi bo'mateho ei rupa rac a' ra taromi? Ebang few am! Naba hukung puin? Tei panen ei hukung puin? A'ai, sobo udume ei hukung puin.
28
Honife, hooro pi o' a' tino' bit sariho, Lahtal eng a' dang homi nameno' a' bul medho, e' panen a' tenba Taurat o' Hukung om mi horo fe sano' pilang nene.
29
Eme Lahtalho Yahudi hinung solo o' Lahtal? Sari hodi bang pali' ba e' Yahudi nene hodi o' Lahtal eme a' ai? Iya,bang pali'ba Yahudi nene hodi o' Lahtal,
30
fede' Lahtalho pirnu, med nameba udume mi o' a' tino' bit am med nameba o' a' tino' bit dai sobo udume a' ra ho Sa a' no' a' bul.
31
Honife, udume lol ni Taurat o' Hukung a' no' suhuin no? A' ai, foil minuta a' ai! A' dimang meng honi hee, horo eita ni Taurat o' Hukungho foil a' no' kufa' ta.