¹ Udume horo puin, naernu ho pi panen no' honin e sanok o udume anok sobo pidun ahol alai. ² Fedek pi'udume horo name tofang seltar mi ho name o nok bit u tarain. ³ Sari u'dume horo, pi puin honin he'e Lahtal omateng fetang horo naernu ong burang efal palikta ubang arahoni he'e so ara. Naba honin horo edun fepanen nene sobo naba honin horo edun am. ⁴ Sari udume horo, Habel so nub fitok apeu med Lahtal araham somi no' bi. Kain e ho opanen sah, Habel ho na o nok fe Lahtal med en; Sari name abul, fedek Lahtal o kurban ho onok ahol. Fedek, o u dume e horo Habel min, sobo dai huktang eh. ⁵ Sari udume horo, Henok Lahtal atel med honin e sa emin nene fedek sa emin dai honin he'e, sari ho Lahtal onok ahol. ⁶ Honin e naba pi e'ukuru eh nene Lahtal e om anonok ne, sobo piudume honin anok so Lahtal aratabung, honin he'e Lahtal pi o atinok bit Lahtal ara, honin fe Lahtal pahala med name en fedek sipi Ari lap. ⁷ Sari u dume horo, Lahtal ahou nauma naba honin horo e aholalai e edun dai, Noh ho sabibil sa onok bit honi e Bahtra em kapala aten honi sa illuling bang om araham. Horo he'e, Noh palik hukung honin e sa nanok med fedek o u dume ara. ⁸ Sari u dume horo, Abraham ho Lahtal olofe sa anok bit honi e salame emele na horo sa anok se pusaka kafait. sobo sa e ahol nene sataro fe leam. ⁹ Sari udume horo, sa sam fa'ai babit eh ho leam orupa emele ho mimih fa'ai asing, honin e sa melang nu mi mih Isak e Yakob ara ham-ham mih; sipi hak med emele ho u tub am. ¹⁰ Fedek Abraham ho sa emele nu adana eh ho palik nu koit foh ara an, fedek bang aten fe ho Lahtal so panen. ¹¹ Sari udume horo, Sara okufak ara honin e sa afo oi ai afain, sobo sa mandul fedek sa tumo' am fe sa'fain, honin sobo Sara Sa onok bitam. ¹² Honin horo fe, name nu ba tumok bik am ho, e daita min, sobo safain sahel o tofang otofang ho mang ibing burang tahoni, med feit tang tapor mi honi. ¹³ Sipi sobarpi ho min, udume om mi honin e naden med nene sobo utub u maring am, honin sipi mang e dun adana utub umaring mong let, honin e sipi sahol honin e name se' ho name habar palik mi. ¹⁴ Sipi o mateng o rupa ho honin ho, o utub u maring ara am honin sipi fa'ai e sei lap eh. ¹⁵ Honin he'e, naba sipi u tanut eh ho' palik ba sipi daita eh med meng am, horo fe sipi foil sabor leam no'. ¹⁶ Honi e, sipi o ukuru mi palik nu ho mino', horo fe Sorga Bang So Em, honin horo fe, Lahtal e mala nene saubang ho Lahtal sipi e' fedek sa bang palik nu sipi en. ¹⁷ Sari udume horo, Abraham ho Lahtal ari uji, honin e Isak ho med dor ta meng ho sa hinu so ai pir nu ho anok korban dorta apeu. ¹⁸ Sari ai kak horo, Lahtal ubang ho, "Ai kak ho ani Isak horo ototoh tohmou." ¹⁹ Abraham o udume ho med Lahtal araham, honin e sa Lahtal o atinok bit, sa name min anok fetang no' ibarat Abraham ho sa Isak ho foil ahol med am. ²⁰ Sari udume horo, Isak berkat med Yakob e Esau en satang e lafung tapuin. ²¹ Sari udume horo, Yakob e min anok dai honin he'e sa Yusuf berkat med en. Sa Lahtal u'ada ahol horo he'e sa olfa elafung dob u ab. ²² Sari udume horo, Yusuf omin anok honin he'e sa ubang ho Israel ho Mesir mi hel lame fe, sobo notarop nun hodi. ²³ Sari udume horo, Musa ho araham afain ho omang ofo afain ultou tafami, Musa ai kak ho manis bik, sobo sipi e baroit Afen oparenta araham nene. ²⁴ Sari udume horo, Musa latel madong mate, honin sobo sa saain sari ho Firaun o ai ob anok so ai kak. ²⁵ Sari ho sa Lahtal o umat fe sa alik honin e name ara sah karang atana, honin e na orupa ominok ba doit sa saain, ²⁶ sari ho sa ubang name tanok sah sobo Kristus somino' ofali ara, e kafait Mesir mi ho nene, fedek Musa ho sa edun mong pahala ho' eh. ²⁷ Sari udume ho, Musa Mesir ho med meng honin e Afen Firaun sa e elbaroit nene, orupa mang fedek sadun sariba edun ahol nene honi. ²⁸ Sari udume horo, Musa Paskah ho anok lame, honi e fui med sear abir horo he'e Malaikat malak ulmaut lame Israel bang ho alai. ²⁹ Sari udume horo, Israel lame tang ten alai mang fedek fa'ai taat ta lame homi, sobo Mesir hinu hodi sipi u panen orupa honi he'e sipi mang hol am. ³⁰ Sari udume horo, tembo Yerikho ho muj laher, fedek sipi lame fading tofeu olufang tareng itito. ³¹ Sari udume horo, Rahap pelacur ho, e amine nene beng araham nene, honin e sipi sah panen, honin e sari ho Israel o name o sotur ho sam abung sobo sa tafuni honin dame fe puin. ³² Honin e horo fe nafoil u huktang? Nari ho no sel o luling di aai honin e na u huktang iraham, honinfe Gideon, Barak, Simson, Yefta, Daud, Samuel, med nabi tofang, ³³ honin horo udume ho puin, anok lik lamang kerajaan-kerajaan bang palik mi na ono' fe panen pahak am ho mipanen honin e singa-singa ho sat apire, ³⁴ afail fail eh ho amuping, ne, huding ho meng, sipi o moleng ho anok kufak, mali talik o om mi kufa' soldaj bang beng ho atetel. ³⁵ Ob bar nun ho, med sabor name min sipi alai fetang ,honin sobo name sipi ano' sah honin e sipi saain e med nene anok il honin e name sipi anok fetang horo he'e fetang om mi horo so mi no'. ³⁶ Dai a ainang name ebit honin e beh, med karpas mi honin e hukung bang mi. ³⁷ Sipi name asara, garagaj puin adiol, honin e name ne puin amine. Name den lame dileng ahal den he'e nub o uil pake, abib o uil pake, sipi name na aai, di tindas, name sipi panen. ³⁸ Palik mate ho o e sipi e nene, sipi feit bung femi lame, doi lafining, doi anai, leng fa'ai efar femi. ³⁹ Honin horo fe mateng pa' o no' fedek sipi o udume ano' se naba, sipi u pahak ho e med nene. ⁴⁰ Honin fe, Lahtal naba fe ten ho mi no', fedek piri ho e' horo he'e piri ho aai, honin he'e sipi ho e no' nene.