¹ Aku mambilangkan kabonaran dalam Kristus, aku tak mambongak, dan suaro hatiku ikut basaksi basamo-samo dongan Roh Kudus, ² kalo dukocitoku sangat bosar dan torus-manorus basodih di dalam hatiku. ³ Korno, aku baharap biar diriku takutuk, tapisah dari Kristus buek sudaro-sudaroku, kaum sabongsoku sacaro jasmani ⁴ yakni orang-orang Israel; pamilik hak buek diangkat manjadi anak-anak Allah, manarimo kamulioan, parjanjian-parjanjian, manarimo pambagian Hukum Taurat, ibadah, sorta janji-janji. ⁵ Marekolah katurunan ayah-ayah laluhur, dan dari antaro marekolah Kristus dilaherkan manurut daging, Dio nang adolah Tuhanbuek sagalo sasuatu dan nang tarpuji salamo-lamonyo. Amin! ⁶ Akan tatpi, Firman Allah tidak gagal. Korno tak samjuo orang nang barasal Israel adolah orang Israel, ⁷ dan tak samuo katurunan Abraham adolah anak-anaknyo, tapi, "nang disobutkan katurunanmu adolah nang barasal dari Ishak." ⁸ Hal ni bararti bahawa bukannyo anak-anak sacaro daging nang tarbilang sabage anak-anak Allah, malainkan anak-anak parjanjian sajo nang tarbilang sabage katurunan. ⁹ Korno, inilah parkataan janji tu: "Pado waktu inilah." ¹⁰ Bukannyo ini sajo, tapi katiko Ribka jugo mangandung anak-anak dari satu orang, yakni Ishak, nenek moyang kito. ¹¹ Korno, sabolum nanak-anak tu dilaherkan dan bolum mangorjokan sasuatu nang baek ato nang jahat, bak supayo tujuan Allah manggonapi pilihan-Nyo ditoguhkan bukan karono parbuatan tapi karono Dio nang mamanggil, ¹² dibilangkan kepado Ribka, "Anak nang sulung akan malayani adiknyo." ¹³ Macam ado tatulis, "Aku mangasihi Yakub, tapi Aku mambonci Esau." ¹⁴ Jadi, apo nang ondak dibilangkan? Apokah Allah tidak adil? Sakali-kali tidak! ¹⁵ Korno Dio bacakap kepado Musa, "Aku babolas kasihak kepado siapo Aku ondak babolas kasih, dan Aku ondak bamurah hati kepado siapo Aku ondak bamurah hati." ¹⁶ Jadi, parkaro tu tidak bagantung pado kahondak ato korjo koras manusio, tapi pado Allah nang manunjukkan kamurahan-Nyo. ¹⁷ Karono, Kitab Suci bacakap, "Karono buek alasan ni lah Aku mangangkatmu bak supayo Aku manunjukkan kuaso-Ku di dalam kamu, dan bak supayo namo-Ku dibaritokan di saluruh bumi." ¹⁸ Jadi, Allah babolas kasih kepado siapo pun nang dikahondaki-Nyo, dan mangoraskan hati siapo pun nang dikahondaki-Nyo. ¹⁹ Jadi, kamu ondak bacakap kepado-Ku: "Mangapo Dio masih mamparsalahkan? Korno, siapokah nang biso manontang kahondak-Nyo?" ²⁰ Sabaliknyo, siapokah kamu, hai manusio, sahinggo kamu mambantah kepado Allah? Akankah sasuatu nang dibontuk bacakap kepado nang mabontuknyo, "Mangapo engkau mambontuk aku macam ni?" ²¹ Apokah tukang tambikar tidak barhak atas tanah liat; buek mambikin dari gumpalan tanah nang samo suatu bajano nang dipakek buek hal nang mulio, dan bajano laen nang dipakek buek hal nang hino? ²² Macam mano bilo Allah, walopun mangkahondaki ondak manunjukkan murko-Nyo, manyatokan kuaso-Nyo, udah mananggung kasabaran nang bosar tarhadap bajano-bajano kamurkoan-Nyo nang udah diparsiapkan buek kabinasoan? ²³ Dio mangorjokannyo buek manyatokan kakayaan kamulioan-Nyo atas bejano-bejano bolas kasihan-Nyo, nang udah diparsiapkan-Nyo buek kamuliona, ²⁴ yaitu kito, nang panggil-Nyo, bukan cumo dari antaro orang Yahudi, tapi jugo dari antaro bangso-bangso laen. ²⁵ Samo macam nang difirmankan-Nyo dalam kitab Hosea: "Mareko nang bukannyo umat-Ku, akan disobutkan umat-Ku. Dan nang tidak Kukasihi, akan Kubilang 'nang kokasih'." V 26 Dan, "ditompat Allah mangatokan di maso lalu; 'Kamu bukan umat-Ku,' di tompat tu mareko akan disobut 'anak-anak Allah nang hidup." ²⁷ Dan Yesaya manangisi Israel: "Walopun jumlah anak Israel cumo sisa-sisa mareko sajo nang akan di salamatkan. ²⁸ Karono Tuhan ondak malakukan firman-Nyo di atas bumi, sampurno dan langsung." ²⁹ Samo macam nangdunubuatkan samo Yesaya: "Bilo Tuhan Samosta Alam tidak maninggalkan pado kito katurunan, kito udah manjadi samo macam Sodom fdan manyarupoi Gomora." ³⁰ Jadi, apo nang ondak kito bilangkan? Bahawa bangso-bangso bukan Yahudi nang tidak mangikuti kabonaran, yakni kabonaran nang barasal dari iman; ³¹ akan tatapi, bangso Israel nang barusaho mantaati kabonaran hukum Taurat malah lanjar tidak sampe kepado hukum tu? ³² Mangapo? Korno mareko tidak mangojarnyo pake iman, tapi pake parbuatan. Mareko tasandung. ³³ Mcam nang ado tatulis: "Tengoklah, Aku malotakkan di Sion sabuah batu sandungan dan sabuah batu karang. Dan barangsiapo nang porcayo kepado-Nyo tidaj akan diparmalukan."