¹ Karono tu, kinin tak ado lagi panghukuman buek orang nang ado dalam Yesus Kristus. ² Korno, hukum roh kahidupan dalam Yesus Kritus udah mamardekokan kamu dari hukum doso dan maut. ³ Korno, Allah udah mangorjokan apo nang tak biso dibuek oleh Hukum Taurat karono dilomahkan oleh daging. Dongan mangutus anak-Nyo sandiridalam kasrupoan dongan badan jasmani nang badoso dan buek doso, Dio manghukum doso dalam badan, ⁴ bak supayo tuntutan Hukum Taurat nang botul digonapi dalam kito nang tak hidup manurut daging, malaenkan manurut Roh. ⁵ Karono mareko nang hidup manurut daging, mamikirkan hal-hal nang basifat daging, tapi mareko nang hidup manurut Roh,mamikirkan hal-hal nang basifat Roh. ⁶ Karono pikiran nang diarahkan kepado daging adolah maut, tapi pikiran nang diarahkan kepado Roh adolah hidup dan dame sojahtorah. ⁷ Karono, malotakkan pikiran pado hal-hal daging bararti malawan Allah; korno hal tu tudak tunduk lepado hukum Allah, itu tak biso. v 8 Siapo nang ado dalam daging tak biso manyonangkan Allah. ⁹ Namun domikian, kamu tak hidup dalam daging, malainkan dalam Roh, bilo Roh Allah memaang hidup dlam kamu. Siapo tidak mampunyoi Roh Kristus, dio bukan milik-Nya. ¹⁰ Akan tatapi, bilo Kristus ado di dalam kamu, walopun tubuhmu mati karono doso, Roh hidup oleh karono kabonaran. ¹² Jadi, sudaro-sudaroku, kito adolah orang-orang nang barutang, tapi bukan kepado daging, bak supayo hidup manurut daging. ¹³ Korno, bilo kamu hidup manurut daging, kamu akan mati, tapi bilo korno Roh kamu mamatikan parbuatan-parbuatan badan, kamu akan hidup. ¹⁴ Karono, samuo orang nang dipimpin oleh Roh Allah adolah anak-anak Allah. ¹⁵ Korno, kamu tidak manarimo roh pambudakan lagi nang mambuek kamu katakutan, tapi kamu udah manarimo Roh nang mambuek kamu manjadi anak-anak Allah, nang malalui Roh tu kito basoru, "Abba, AYAH!" ¹⁶ Roh tu sandiri nang basaksi basamo roh kito bahawa kito adolah anak,-anak Allah, ¹⁷ dan bilo kito adolah anak, kito jugo adolah ahli waris, pawaris Allah, dan sasamo pawaris dongan Kristus; bilo kito botul-botul ikut mandarito basamo Dio, kito jugo akan dimiliokan basamo-samo dongan Dio. ¹⁸ Korno, aku manganggap kalo pandaritoan-pandaritoan pado saat skarang ni tidak biso dibandingkan dongan kamulioan nang akan dinyatokan kepado kito. ¹⁹ Korno, samuo ciptaan udah motan mananti-nantikan dongan rindu waktu anak-anak Allah dinyatokan. ²⁰ Korno, samuo ciptaan ditaklukkan kepado kasio-sioan, bukan manurut kahondaknyo sandiri, tapi manurut kahondak Dio nang udah manaklukkannyo, atas dasar pangharapan, ²¹ bak supayo samuo ciptaan tu sandiri jugo ondak dimardekokan dari parbudakan kabinasoan manuju kamardekoan amak-anak Allah nang ponuh kamulioan. ²² KOrno kito tau kalo saluruuh ciptoan samo-samo mangorang dan mandarito sakit basalin sampe kinin. ²³ Dan bakannyo ini sajo, tapi kito sandiri pun nang manarimo buah sulung Roh jugo mangorang dalam diri kito sandiri, sambil manantikan pangangkatan sabage anak, yakni panobusan tubuh kito. ²⁴ Korno, kito disalamatkan di dalam pangharapan. Tapi, pangharapan nang tatengok bukannyo lagi pangharapan, korno siapolah nang baharap atas sasuatu nang udah ditengoknyo? ²⁵ Tapi, bilo kito mangharapkan sasuatu nang kito tak nampak, kito manantikannyo dongan motan. ²⁶ Bagitulah jugo, Roh manolong kotokalomahan kito; korno kito sabonarnyo tak taumacam mano caranyo badoa, tapi Roh sandiri nang basyafaat ²⁷ Dan, Dio nang manyalidiki hati mangatahui apo maksud Roh tu, karono Dio basyafaat buek orang-orang kudus sasuai dongan kahondak Allah. ²⁸ Dan, kito tau bahawa sagalo sasuatu bakorjo basamo-samo domi kabaekan orang-orang nang mancintoi Allah. ²⁹ Korno, mareko nang udah dikonalnyo sojak samulonyo, jugo udah ditotapkannyo sojak samulo, buek manjadi saupo dongan gambaran Anak-Nyo, bak supayo Dio manjadi nang sulung diaantaro banyak sudaro. ³⁰ Mareko nang udah ditotapkan-Nyo sojak samulonyo, jugo dipangil-Nyo; dan mareko nang dipanggil-Nyo, jugo dibonarkan-NYo; dan mareko nang dibonarkan-Nyo, jugo dimuliokan-Nyo. ³¹ Jadi, apolah nang ondak kito bilangkan parkaro samuo ni? Bilo Allah di pihak kito, siapolah nang malawan kito? ³² Dio nang tidak manyayangkan Anak-Nyo sandiri, tapi manyorahkan-Nyo buek kito samuo, macam mano mungkin Dio basamo-samo dongan-Nyo tidak mangkaruniokan sagalo sasuatu buek kito? ³³ Sipolah nang ondak mandakwa orang-orang pilihan Allah? Allah nang mambonarkan mareko. ³⁴ Siapokah nang ondak mambagi hukuman? Yesus Kristus nang udah mati, malahan nang udah dibangkitkan dari kamatian, ontok disabolah kanan Allah buek basyafaat buek kito. ³⁵ Sipokah nang ondak mancorekan kito dari kasih Kristus? Apokah panindasan, ato kasulitan, ato panganiayoan, ato kabuluran, ato katalanjangan, ato bahayo, ato podang? ³⁶ Macam nang ado tatulis, "Domi Engkau, kami barado dalam bahayo maut sapanjang waktu; kami dianggap sabage dombo-dombo sambolihan." ³⁷ Akan tatapi, dalm pado samuonyo ni, kito talobih dari pado para pamonang oleh Dio nang mangasihi kito. ³⁸ Korno, aku diyakinkan bahawa bukannyo kamatian atopun kahidupan, bukan jugo malaekat-malaekat maupun pamarentah-pamarentah, buykan jugo hal-hal nang sakarang maupun nang ondak datang, kakuasaan, ³⁹ bukan pulak nang ado di atas atopun di bawah, atopun suatu ciptoan laennyo, biso mamisahkan kito dari kasih Allah, nang ado dalam Yesus Kristus, Tuhan kito.