¹ Jadi, apo nang ondak kita bilangkan tontang nang didapatkan Abraham, ayah laluhur kito manurut tubuh? ² Karono bilo Abraham dibonarkan korno parbuatannyo, ado alasan dio ondak bamogah, tatapi tidak dihadapan Allah. ³ Apo nang dibilangkan Kitab Suci? "Abraham porcayo kepado Allah dan hal tu diparhitungkan kepadonyo sabage kabonaran." ⁴ Kepado orang nang bakorjo, upahnyo tak dikiro sabage hadiah, malaenkan sabage haknyo. ⁵ Kepado orang nang tak bakortjo, tatapi nang porcayo kepado Dio nang mambonarkan orang tidak bonar, imannyo diparhitungkan sabage kabonaran, ⁶ sabagemano jugo Daudbacakap tontang borkat dari orang nang kepadonyo Allah mamparhitungkan sabage kabonaran bukan karono parbuatannyo: ⁷ "Diborkatilah mareko nang palanggaran-palanggarannyo diampuni, dan nang doso-dosonyo ditutupi. ⁸ Diborkatilah orang nang dosonyo tidak diparhutungkan Tuhan!" ⁹ Apokah borkat ni cumo buek orang nang basunat? Ataukah jugo buek orang nang tidak basunat?Kito bacakap, "Iman diparhitungkan kepado Abraham sabage kabonaran." ¹⁰ Lantas, macam mano itu diparhitungkan kerpadonyo? apokah itu sabolum ato sasudah dio disunat? Bukan sasudah, tapi sabolum dio disunat. ¹¹ Abraham manarimo tanda sunat sabage matrai kabonaran nang dio punyo oleh iman, katiko dio masih bolum disunat supayo dio biso manjadi ayah samuo orang porcayo, alopun mareko bolum disunat, bak supayo kabomaran tu jugo diparhitungkan buek mareko; ¹² sakaligus mambueknyo manjadi ayah buek orang-oramng basunat nang tak cumo sakadar disunat, tapi jugo bajalan dalam iman nang pornah dijalani oleh ayah kito, Abraham sabolum dio disunat. ¹³ Janji kepado Abraham dan kepado kaurunannyo bahawa dio ondak manjadi pawaris dunio, tidak akan digonapi malalui Hukum Taurat, malaenkan malalui kabonaran iman. ¹⁴ Korno, bilo panganut Hukum Taurat nang ondak manjadi ahli waris, manjadi parcumolah iman dan janji tidak baguno lagi; ¹⁵ korno Hukum Taurat mandatangkan murko, tatapi apabilo tak ado Hukum Taurat, palanggaran jugo tidak ado. ¹⁶ Itulah sobabnyo, kenapo janji tu datangnyo dari iman, bak supayo janji tu badasar atas kasih karunio dan dijaminkan buek saluruh katurunan Abraham; bukan cumo kepado panganut Hukum Taurat, tapi jugo kepado mareko nang barbagi dongan iman Abraham, nang adolah ayah kito samuo; ¹⁷ macam nang tartulis, "Aku udah manjadikanmu ayah buek banyak bangso" ; di hadapan Allah, nang dio porcayoi, yakni nang mambagi hidup kepado nang mati dan nang mamanggil sasuatu nang bolum ado manjadi ado. ¹⁸ Tanpo pangharapan, dio porcayo pado pangharapan, sahinggo dio biso manjadi ayah dari banyak bangso sasuai dongan nang udah dibilangkan kepadonyo, "Akan manjadi bagitulah katurananmu." ¹⁹ Dio tak manjadi lomah iman, katiko dio mampartimbangkan badannyo sandiri nang udah hampir mati karono umurnyo kiro-kiro 100 taon ato kamandulan rahim Sara; ²⁰ karaguan tak mambueknyo mangabaikan janji Allah. Sabaliknyo, dio batambah kuat dalam iman sahinggo dio mambagikan kamulioan buek Allah, ²¹ dongan yakin kalo Allah mampu malakukan apo nang udah Dio janjikan. ²² Itu sobabnyo, imannyo "diparhitungkan sabage kabonaran." ²³ Namun, kata-kata tu diparhitungkan kepadonyo tidak ditulis buek kapontingan Abraham sajo, ²⁴ tapi jugo buek kito. Hal tu akan diparhitungkan kepado kiuto nang porcayo kepado Dio, nang mambangkitkan Yesus, Tuhan kito, dari antaro orang mati, ²⁵ nang disorahkan karono palanggaran-palanggaran kito, dan nang dibangkitkan domi pambonaran kito.