¹ Karono tu, kamu tak biso badalih lagi, hai manusio, siapo pun nang manghakimi orang laen, korno katiko kamu manghakimi mareko, kamu jugo manghukum dirimu; korno, kamu nang manghakimi jugo malakukan hal-hal nang samo. ² Kita tau bahawa panghakiman Allah dijatuhkan dongan adil atas samuo orang nang malakukan hal-hal samacam tu. ³ Akan tatapi, apokah kamu kiro biso lopas dari panghakiman Allah, hai manusio, yakni kamu nang manghakimi orang tu nang malakukan hal-hal macam tu, tapi jugo malakukan hal nang samo? ⁴ Atau, apokah kamu manganggap remeh kakayoan kamurahan-Nyo, kasabaran-Nyo, dan ka;lapangan hati-Nyo dongan tidak mangatahui bahawa kabaikan Allah batujuan buek mamimpin kamu kepado partobatan? ⁵ Akan tatapi, karono sikap kapala batu kamu dan hatimu nang tak ondak batubat, kamu sodang manyimpan murko atas dirimu sandiri buek hari kamurkoan katiko panghakiman nang bonar dari Allah dinyatokan. ⁶ Dio akan mambalas samuo orang sasuai dongan parmuatan mareko masing-masing: ⁷ yakni kahidupan nang kokal kepado mareko nang dongan motannyo dalam babuek baek mancari kamulioan dan kahormatan, ⁸ tatapi murko dan kamarahan kepado mareko nang mamontingkan diri sandiri dan tidak mamatuhi kabonaran, tapinyo mangikuti katidakbonaran. ⁹ Akan ado pandaritoan dan kasusahan buek samuo jiwo nang babuek jahat, patamo-tamo kepado orang Yahudi dan jugo orang Yunani. ¹⁰ Namun, kamulioan, dan damesojahtora akan ado buek samuo orang nang babuek baek, partamo-tamo kepado orang Yahudi dan kamudian kepado orang Yunani. ¹¹ Korno, Allah tidak mambeda-bedakan orang. ¹² Buek orang-orang nang babuek doso tanpa mangonal Hukum Taurat, mareko akan binaso tanpa Hukum Taurat. Namun, orang-orang nang babuek doso di bawah Hukum Taurat akan dihakimi badasarkan Hukum Taurat. ¹³ Korno, bukan pandongar Hukum Taurat nang dibonarkan di dopan Allah, tatpi orang nang mangorjokannyo nang akan dinyatokan bonar. ¹⁴ Korno, kaytiko orang bukan Yahudi nang tidak mampunyoi Hukum Taurat manjalankan sacaro alami apo nang dituntut oleh Hukum Taurat, mako mareko, nang tidak punyo Hukum Taurat, adolah Hukum Taurat buek diri mareko sandiri. ¹⁵ Hal ni manunjukkan bahawa parbuatan Hukum Taurat tu tatulis di dalam hati mareko, nurani mareko mambagi kasaksian, dan pikiran mareko saling manuduh atau mambela mareko, ¹⁶ pado hari katiko Allah ondak manghakimi pikiran-pikiran manusio nang tasuruk malalui Yesus Kristus sasuai dongan Injilku. ¹⁷ Akan tatapi, bilo kamu mambilangkan dirimu orang Yahudi dan bagantung pado Hukum Taurat, jugo bamogah dalam Allah, ¹⁸ mangonal kahondak-Nyo, manyatujui apo nang baek, udah diajar mangonal Hukum Taurat, ¹⁹ da yakin bahawa dirimu adolah panuntun buek mareko nang buto, torang buek mareko nang ado dalam kagolapan, ²⁰ pangajar buek orang-orang nang caodoh, guru buek orang-orang nang bolum dewasa, dan karono mampunyoi perwujutan pangatahuan dan kabonaran di dalam Hukum Taurat, ²¹ Maka hai kamu nang mangajar orang laen, kenapo kamu tidak mangajar diri kamu sandiri? Kamu mangajar mareko untuk tak mancuri, indakkah kamu sandiri mancuri? ²² Kamu malarang orang bazinah, indakkah kamu sandiri bazinah? Kamu nang jijik tarhadap barhalo-barhalo, indakkah kamu sandiri marampok rumah barhalo? ²³ Kamu nang bagga tarhadap Hukum Taurat malahan mamparmalukan Allah dongan malanggar hukum-Nyo! ²⁴ Korno, macam ado tartulis: "Namo Allah dihujat di antaro bangso-bangso laen karono kamu." ²⁵ Sunat memang mampunyoi nilainyo bilo kamu mamatuhi HUkum Taurat, tapi bilo kamu saorang palanggar Hukum Taurat, maka sunatmu manjadi tidak basunat. ²⁶ Jadi, bilo nang tak nasunat mangorjokan parintah0oarintah dalam Hukum Taurat, bukankah nang tak basunat tu diparhitungkan sabage basunat? ²⁷ Dan, indakkah orang nang tak basunat sacaro lahiriah, bilo dio malakukan Hukum Taurat, akan manghakimi kamu, orang nang walopun mampunyai Hukum Taurat dan basunat, tapi jugo palanggar hukum? ²⁸ Korno, nang disobut Yahudi sajati bukannyo orang nang nampak dari luarnyo sajo, dan sunat nang sasungguhnyo bukannyo sunat pado tubuh sajo. ²⁹ Saorang Yahudi sajati adolah orang nang batinnyo sungguh-sungguh Yahudi, dan sunat nang sasungguhnyo adolah sunat nang dikorjokan pado hati, nang dijalankan oleh Roh, bukannyo oleh hukum tartulis. Pujian tarhadap orang macam ni bukan datang dari manusio, tatapi dari Allah sandiri.