³ Yesus Disambut Sabage Saorang rajo ¹ Waktu mareko udah dokat kota Yerusalem dan sudah sampe Betfage, di bukit Zaitun, Yesus mangutus duo orang murid-Nyo; ² Kata-Nyo kapado mareko, "Pogilah ka kampung nang ado didopanmu, dan kamu akan manjumpoi saekor kalodai nang tarikat dan anak kalodai basamonyo. Lopaskan ikatannyo dan bawaklah kaduonyo kepado-Ku. Bilo dao orang nang manbilangkan sasuatu kepadomu, harus kamu bilangkan, 'Tuhan mamorlukannyo,' dan Dio akan copat mambalekkannyo." ⁴ Hal ni tajadi bak supayo tagonapilah apo nang dbilangkan oleh nabi; ⁵ "Bilangkanlah kepado putri Sion, 'Tengoklah, Rajomu datang kepadomu, roondah hati, dan manunggang saekor kalodai, dongan saekor kalodai mudo, anak dari kalodai baban. Zakhria 9:9 ⁶ Murid-murid pogi dan mangorjokan macam nang sudah Yesus parentahkan kepado mareko. ⁷ Mareko mambawak kalodai basamo anak kalodai tu, dan Yesus duduk di atasnyo. ⁸ Orang banyak nang bosar jumlahnyo tu mambontangkan jubah-jubah mareko di jalan, dan nang laennyo mamotong ranting-ranting pokok, lalu manyerakkannyo di jalan. ⁹ Banyak orang bajalan di dopan-Nyo dan mareko nang mangikuti-Nyo basoru, "Hosana buek Anak Daud! 'Diborkatilah Dio nang datang dalam Namo Tuhan.' Hosana di tompat nang paling tinggi!" Mazmur 118:25-26 ¹⁰ Pas Yesus masuk ka Yerusalem, saluruh kota digomparkan. Mareko batanyak, "Siapokah Dio ni?" ¹¹ Dan, orang banyak tu manjawab, "Dio adolah Nabi Yesus, dari Nazaret di Galilea." Yesus Manyucikan Bait Allah ¹² Lalu, Yesus masuk ka Bait Allah dan mangusir orang-orang nang tongah bajualan di Bait Allah, lalu manjungkirbalikkan mejo-mejo panukar duit dan bangku-bangku mareko nang manjual burung-burung marpati. ¹³ Dio bacakap kepado mareko, "Ado tartulis, 'Rumah-Ku akan disobutkan rumah doa,' tapi kamu manjadikannyo sabage sarang parampok." ¹⁴ Dan, orang nang buto dan lumpuh datang kepado-Nyo di Bait Allah, lalu Dio manyombuhkan mareko. ¹⁵ Tapi, waktu para imam kapalo dan ahli-ahli Taurat manengok mujizat-mujizat nang sudah dibuek Yesus dan manengok budak-budak basoru dalam Bait allah, "Hosana buek Anak Daud," mareko manjadi marah. ¹⁶ Lalu, mareko batanyak kepado Yesus, "Apokah Engkau mandongar nang dibilangkan budak-budak ni?" Dan, Yesus manjawab mareko, "Ya. Bolum paronakah kamu mambaco, 'Dari mulut bayi-bayi dan budak-budak nang manyusu, Engkau sudah manyiapkan pujian buek diri-Mu sandiri?" ¹⁷ Kamudian, Yesus maninggalkan mareko dan kaluar dari kota tu ka Betania dan barmalam disanan. Yesus Manunjukkan Kuaso Iman ¹⁸ Pado saat pagi hari, waktu Yesus balek ka kota, Dio manjadi lapar. ¹⁹ Dan, waktu manengok pokok ara di pinggir jalan, didatangi-Nyo dan tak mandapat apo-apo, kacuali daun-daunnyo sajo. Dan, bacakaplah Dio kepado poko tu, "Takkan paronah ado lagi buah dari padomu sampe salamo-lamonyo!" Saat tu jugo, pokok ara tu dibuek jadi koring. ²⁰ Waktu murid-murid manengok hal ni, taheran-heranlah para murid dan batanyak. "Macam mano pokok ara tu jadi koring kojap tu jugo?" ²¹ Dan, Yesus manjawab mareko, "Sasungguhnyo Aku bilangkan kepadomu, bilo kamu punyo iman dan tak ragu, kamu bukan sajo akan mangorjokan apo nang dibuekkan samo pokok ara ni, malahan bilo kamu bilangkan kepado gunung ni, 'Tarangkatlah dan tacampaklah ka dalam laut,' hal tu akan tarjadi. ²² Dan, sagalo sasuatu nang kamu mintak dalam doa, porcayolah, kamu akan manarimonyo." Pamimpin Yahudi Manyangsikan Kuaso Yesus ²³ Waktu Yesus masuk kadalam Bait Allah, para imam kapalo dan para tuo-tuo bangso Yahudi datang kepado-Nyo samantaro Dio tongah mangajar dan batanyak, "Dongan kuaso apokah Engkau malakukan hal-hal ni? Dan, sipokah nang mambagi samo-Mu kuaso ni?" ²⁴ Yesus manjawab, "Aku jugo ondak mananyakkan satu hal kepadomu, nang bilo kamu biso manjawabnyo, Aku jugo akan mambagitau dongan kuaso apo Aku malakukan samuo hal ni. ²⁵ Dari manokah babtisan Yohanes? Dari surgo ato dari manusio?" Dan, mareko mulo mambincangkannyo diantaro mareko sandiri, katanyo, "Bilom kito mambilangkan, 'Dari Surgo,'Dio akan bacakap, 'Kalo bagitu, mangapo kamu tidak porcayo kepado Yohanes?' ²⁶ Tapi, bilo kita bilang, 'Barsal dari manusio, 'Takut kito samo orang banyak karono mareko samuo manganggap Yohanes adolah nabi." ²⁷ Lantas mareko manjawab, "Kami tak tau." Dan Yesus bacakap, "Kalo bagitu, Aku jugo tak akan mambagitaukan kamu dongan kuaso apokah Aku mambuek hal-hal ni." Parumpamoan tomtang Duo Orang Anak ²⁸ "Tapi, apo pandapatmu? Ao orang nang punyo duo anak laki-laki, dan datanglnakku, pogi dan bakorjolah hari ni di ladang anggur.' ²⁹ Dan, dio manjawab, 'Ya, Ayah,' tapi udah tu dio tak pogi. ³⁰ Lalu ayah tu pogi kepado nang kaduo dan mambilangkan hal nang samo. Anak tu manjawab, 'Tak ondak,' tapi dio manyosal dan pogi. ³¹ Siapokah dari kaduo anak tu nang mamatuhi ayahnyo?" Mareko manjawab, "Nang tarhir." Yesus bacakap kepado mareko, "Sasungguhnyo aku mambilangkan kepadomu bahawa para pamungut pajak dan palacur-palacur akan masuk ka dalam Karajaan Allah mandului kamu. ³² Karono, Yohanes datang kepadomu dalam kabonaran dan kamu tidak porcayoi dio, tapi, para pamungut pajak dan palacur-palacur mamporcayoinyo. Dan, kamu, waktu manengok hal nimalah tak manyosal sasudahnyo sahinggo kamu biso mamporcayoi dio." Parumpamoan tontang Pamilik dan Panyewa Ladang Anggur ³³ Dongarlah parumpamoan nang laen. Ado pamilik ladang anggur nang mananami sabuah ladang anggur, dan mamasang pagar saklilingnyo, dan manggali tompat pamorasan anggur, dan mandirikan manaro. Lalu, dio manyewakan ladang anggurnyo kepado babarapo patani, dan dio barangkat ka luar nagori. ³⁴ Waktu musimbuah ondak tibo, dio mangutus hamba-hambanyo kepado patani-patani tu buek manarimo buahnyo. ³⁵ Dan, para patani manangkap para palayan tu dan mamukul nang saorang, dan mambunuh nang satu, dan nang laennyo dilutari batu. ³⁶ Sakali lagi, pamilik ladang tu manyuruh hamba-hamba nang laen, nang lobih banyak dari sabolumnyo. Dan, para patani tu malakukan hal nang samo kepado mareko. ³⁷ Ahirnyo, pamilik ladang tu mangutus anaknyo kpado mareko, katanyo, 'Mareko akan manghormati anakku.' ³⁸ Tapi, waktu para patani tu manengok anaknyo, mareeko bacakap di antaro mareko sandiri, ' Dio adolah ahli waris, moh kita bunuh dio dan marampas warisannyo.' ³⁹ Lalu, mareko manangkap anak pamilik ladang tu, malemparkannyo ka luar ladang anggur, dan mambunuhnyo. ⁴⁰ Karono tu, waktu pamilik ladang anggur tu datang, apo nang ondak dio buekkan kepado patani-patani tu?'' ⁴¹ Mareko bacakap kepado-Nyo, "Dio akan mambinasokan orang-orang jahat tu dongan sangat jahat, dan akan amnyewakan ladang anggurnyo kepado patani-patani nang laen, nang ondak manyorahkan kepadonyo buah-buah pado musimnyo." ⁴² Yesus bacakap kepado mareko, "Apokah kamu tidak paronah mambaco dalam Kitab Suci: 'Batu nang ditulak samo tukang-tukang bangunan udah manjadi batu panjuru. Hal ni tarjadi dari pihak Tuhan, dan hal ni ajaib di mato kito?' Mazmur 118:22-23 ⁴³ Karono tu, Aku bacakap kepadomu, Karajaan Allah akan diambek darimu dan akan dibagikan kepado orang-orang nang manghasilkan buah darinyo. ⁴⁴ Dan, siapo nang tajatuh diatas batu ni akan dipocahkan bakoping-koping; dan siapo pun nang ditimpo batu ni akan romuk." ⁴⁵ Waktu imam-imam kapalo dan orang-orang Farisi mandongar parumpamoan-parumppamoan-Nyo, mareko mangorti kalo Yesus tongah mambicarokan tontang orang tu. ⁴⁶ tapi, waktu mareko barusaho ondak manangkap Yesus, mareko takut kepado orang banyak karono orang banyak tu manganggap bahawa Yesus adolah nabi.