² (Yesus Kalihatan Basamo Musa dan Elia) ¹ Onam hari kamudian, Yesus mangajak Petrus, Yakobus, dan mambawak mareko naek ka gunung nang tinggi, disinan mareko sandiri sajo. Lalu, Yesus barubah mukonyo di dopan mareko. Muko-Nyo basinar macam matahari dan baju-Nyo manjadi putih barcahayo. ³ Dan, nampaklah samoorang tu Musa, Elia, tongah bacakap-cakaop samo Yesus. ⁴ Petrus bacakap samo Yesus, "Tuhan, adolah elok buek kito ado disinin, aku ondak mambuek tigo kemah disini, satu buek-Mu, satu buek Musa, dan satu buek Elia." ⁵ Waktu Petrus masih bacakap, sabuah awan nang torang manudungi mareko, dan tengok, adao suaro dari dalam awan tu nang bacakap, "Inilah Anak-Ku nang Kucinto, kepado-Nyo Aku bakonan, dongarkanlah Dio." ⁶ Pas, murid-murid mandongar ni, mareko tasungkur sahinggo muko sampe ka tanah dan katakutan sangat. ⁷ Tapi, Yesus datang dan manyontoh mareko, kato-Nyo, "Bangkitlah dan jangan takut." ⁸ Waktu mareko mareko mandongakkan mato mareko, mareko tak manengok siapo pun salaen Yesus sandiri. ⁹ Waktu mareko turun gunung, Yesus mamarentahkan orang tu, kata-Nyo, "Jangan caritokan panengokan tu kepado siapo pun hinggo Anak Manusio dibangkitkan dari antaro orang mati." ¹⁰ Dan, murid-murid batanyak kepado-Nyo, "Lalu, mangapo ahli-ahli Taurat bacakap kalo Elia harus datang talobih dulu?" ¹¹ Yesus manjawab, "Elia memang datang lobih awal dan ondak mamulihkan sagalo sasuatu. ¹² Tapi, Aku mambilangkan kepadomu kalo Elia sudah datang, tapi mareko tidak mangonalnyo dan mamparlakukannyyo manurut kahondak hati mareko sandiri.Bagitu jugo Anak Manusio akan mandarito di tangan mareko." ¹³ Abis tu, para murid mangorti kalo Dio bacakap kepado mareko tontang Yohanes Pambabtis. (Saorang Anak Dibebaskan dari Roh Jahat) ¹⁴ Waktu Yesus dan murid-murid balek kepado orang banyak, ssaorang laki-laki datang kepado Yesus dan manyombah-Nyo katanyo, ¹⁵ "Tuhan, kasihanilah anakku karono dio saket ayan dan sangat mandarito.Dah korap kali dio tajatuh ka dalam aer. ¹⁶ Aku sudah mambawaknyo kepado murid-murid-Mu, tapi orang tu tak biso manyombuhkannyo." ¹⁷ Yesus manjawab, "Hoi, kamu angkatan nang tidak porcayo dan sosat! Barapo lamo lagi Aku ondak tinggal basamomu? Barapo lamo lagi Aku harus basabar samo kamu? Bawaklah budak tu kepado-Ku." ¹⁸ Lantas Yesus mambontak roh jahat tu sahinggo kaluar dari budak laki-laki tu, dan budak tu sombuh saat tu jugo. ¹⁹ Sasudah tu para murid datang kepado Yesus, waktu mareko sandiri sajo basamo-Nyo dan batanyak, "Mangapo kami tak biso mangusir rroh jahat tu?" ²⁰ Kato-Nyo kepado mareko, "Karono imanmu kocik. Aku mambilangkan nang sabotulnyo samo kamu, kalo kamu punyo iman sabosar biji sesawi sajo, kamu biso bacakap kepado gunung ni, 'Pindah dari tompat ni ka sanan!' dan gunung ni akan pindah. Tidak adonang mustahil buekmu. ²¹ [Tapinyo, roh jahat jonis ni cumo biso di usir dongan doa dan puaso."] (Yesus Bacakap tontang Kamatian-Nyo) ²² Waktu Yesus dan murid-murid-Nyo tongah bakumpul di wilayoh Galilea, Dio bacakap kepado mareko, "Anak Manusio ondak disorahkan ka dalam tangan manusio, ²³ dan mareko ondak mambunuh-Nyo, Dio akan dibangkitkan pado hari nang katigo." Dan, para murid-Nyo tu manjadi basodih. (Pangajaran tontang Mambayar Pajak) ²⁴ Waktu mareko sampe di Kapernaum, para pangumpul pajak datang kepado Petrus dan batanyak, "Apokah gurumu tidak mambayar pajak duo dirham?' ²⁵ Petrus manjawab, "Iyo." Pass dio masuk ka dalam rumah, Yesus talobih duluan bacakap kepadonyo, "Comano pandapatmu, Simon? Dari siapokah rajo-rajo di dunio ni managih bea dan pajak? Dari anak-anaknyo ato dari orang laen?" ²⁶ Waktu Petrus manjawab, "dari orang laen," Yesus bacakap kepadonyo, "Kalo bagitu, anak-anaknyo bebas. ²⁷ Tapinyo, bak supayo kita tak manyinggung mareko, pogilah ka dano dan campakkan pancing. Ambeklah ikan nang partamo muncul dan waktu kamu mambuko mulutnyo, kamu akan mandapatkan sakoping stater. Ambeklah duit tu dan bayarkan kepado mareko, buek-Ku dan buekmu jugo."