¹ Yesus masuk ka kota Yerikho dan bajalan malintasi kota tu. ² Disanan ado laki-laki banamo Zakheus, dio adolah katuo pangumpul pajak dan orang nang kayo. ³ Dio barusaho ondak manengok Yesus, tapi tak biso karono tahalang orang banyak; pulak pendek badannyo. ⁴ Jadi, Zakheus balari mandului orang banyak dan mamanjat pokok ara buek manengok Yesus korno Dio akan malintasi jalan tu. ⁵ Katiko Yesus sampe di tompat Zakhreus , Dio mandongak ka atas kata-Nyo, "Zakheus, copatlah turun korno hari ni Aku musti manumpang ka rumah kau." ⁶ Lantas, Zakheus langsung turun dan manarimo Yesus dongan mogahnyo. ⁷ Tapi, katiko samuo orang manengok parkaro tu, orang tu mulo manggarutu dan bacakap, "Dio manjadi tamu di rumah saorang nang badoso." ⁸ Kamudian, Zakheus togak dan bacakap kapado Tuhan, "Tuhan, tengoklah, saparuh dari hartoku ondak kusadokahkan kapado orang nang miskin, dan bilo aku ado manggolapkan harta sasaorang, aku balekkan ompat kali lipat." ⁹ Mako, bacakaplah Yesus samo Zakheus, "Pado hari ni, kasalamatan udah tibo ka atas rumah ni korno orang ni jugo anak Abraham. ¹⁰ Korno, Anak Manusio datang undak mancari dan manyalamatkan nang hilang." ¹¹ Samtaro orang tu mandongar samuo ni, Yesus malanjutkan dan mancaritokan sabuah parompamoan karono Dio sudah dokat ka Yerusalem dan korno mareko manyangko Karajoan Allah ondak datang. ¹² Oleh korno tu, Dio pun bacakap, "Saorang bangsawan pogo ka nagori nang jauh ondak diangkat manjadi rajo, dan sasudah tu dio akan balek. ¹³ Torus, tuan tu mangumpulkan sapuluh orang palayannyo dan mambagi orang tu duit sabanyak 10 mina. Katanyo samo orang tu, 'Pakek lah duit ni buek badagang sampe aku balek.' ¹⁴ Akan tatapi, orang-orang sabangsanyo mambonci dio dan mangkirimkan parwakilan sasudah dio barangkat buek bacakap, "Tak ondak kami orang ini manjadi rajo atas kami." ¹⁵ Sasudah diangkat manjadi rajo, bangsawan tu balek dan mamarintahkan hamba-hamba nang sudah dibaginyo duit tu dipanggil manghadap bak supayo dio biso mangatahui barapo bosar untung nang didapat orang tu dari bardagang. ¹⁶ Palayan partamo datang dan bacakap, 'Tuan, duit 1 mina milik mu itu udah manghasilkan 10 mina lagi. ¹⁷ Rajo tu bacakap samo dio, 'Bagus kali, hei kamu hamba nang baek! Karono kamu sudah satio dalam urusan nang kocik, kamu akan mamarintah atas sapuluh kota.' ¹⁸ Palayan nang kaduo pun datang dan bacakap, 'Tuan, duit 1 mina punyo tuan tu udah manghasilkan 5 mina.' ¹⁹ Lalu sang rajo bacakap kepado hamba tu, 'Bakuasolah kamu buek 5 kota.' ²⁰ Kamudian, datanglah hamba nang satu lgi dan bacakap, 'Tuan, ini duit 1 mina punyomu nang aku surukkan dalam sapu tangan. ²¹ Aku takut kepadomu korno engkau orang nang koras. Engkau mangambik apo nang tak paronah kau simpan dan mamanen apo nang tak paronah kau tanam.' ²² Kamudian, rajo tu bacakap kapadonyo, 'Aku mau mangadilimu sasuai samo nang kau cakapkan tu, hoi hamba nang jahat! Jadi,kau tau kalo aku adolah orang nang koras, nang mangmbil apo nang tak paronah kusimpan dan mamanen apo nang tak aku tanam? ²³ Kalau bagitu, kanapo tak kau lotakkan duitku tu di tompat orang mamg manjalankan duit sahinggo pas aku balek, aku bak manarimo duitku tu samo bungonyo jugo?' ²⁴ Lalu, rajo tu bacakap kepado orang-orang nang togak disitu, 'Ambek mina tu dari dio dan bagikanlah kepado orang nang punyo 10 mina.' ²⁵ Pulak, orang tu bacakap kepado sang rajo, 'Tuan, hamba tu sudah punyo 10 mina.' ²⁶ Jawab rajo tu, 'Aku bilangkan samo kamu, satiap orang nang mampunyoi akan dibagikan lobih, tapi dari orang nang tak mampunyoi apo pun nang dio punyi ondak diambil. ²⁷ Akan tatapi, parkaro musuh-musuhku nang tak mangondakkan aku manjadi rajo buek mareko, bawaklah orang tu kamari dan bunuhlah orang tu di dopanku." ²⁸ Sasudah Yesus mambilangkan hal-hal tu, Dio bajalan lobuh duluan ka Yerusalem. ²⁹ Katiko Dio sampe dokat Betfage dan Betania, dokat bukit namanyo Bukit Zaitun, Dio mngutus duo orang murid-Nyo. ³⁰ Kata-Nyo kepado mareko, "Pogilah ka kampung nang ado di dopan kamu tu. Dan, pas kamu masuk ka sana, kamu tengok nanti saekor anak kalodai nang tartambat dan bolum paronah dinaeki orang. Lopaskanlah anak kalodai tu dan bawak kamari. ³¹ Kalo ado orang batanyak samo kau, 'Mangapo kamu mambawak kalodai tu?', bilangkan bagini: Tuhan mamorlukannyo." ³² Lalu, pogilah ka duo murid nang diutus-Nyo tu dan manjumpoi sagalo sasuatunyo topat samo macam nang dibilangkan-Nyo samo mareko. ³³ Salagi orang tu malopaskan anak kalode tu, pamiliknyo batanyak samo mareko, "Mangapo kamu lopaskan anak kalode tu?" ³⁴ Orang tu pun manjawab, "TUhan mamorlukannyo." ³⁵ Lalu, dibawak orang tu lah anak kalode tu kepado Yesus dan malotakkan pakaiannyo diatas punggung kalode tu, torus manaekkan Yesus ka atasnyo. ³⁶ Katiko Yesus malewati jalan, orang-orang mambontangkan pakean orang tu di jalan. ³⁷ Dan, waktu Yesus sudah makin dokat Yerusalem, yaitu di jalan nang manurun dari arah bukit Zaitun, samuo pangikut-Nyo mulo mamuji Allah dongan mogahnyo dan suaro nang nyaring. Mareko basyukur kepado Allah atas samuo majizat nang udah mareko tengok. ³⁸ Mareko basoru, "Diborkatilah Dio nand datang sabage Rajo dalam nama Tuhan, dame sojahtora di surgo dan kamulioan di tompat nang maha tinggi!" ³⁹ Babarapo orang Farisi dari karumunan orang banyak tu bacakap kapado Yesus, "Guru, togurkan murid-murid-Mu." ⁴⁰ Akan tatapi, Yesus manjawab, "Aku cakapkan samo kamu, bilo mareko sonyap, batu-batu nilah nang ondak basoru-soru." ⁴¹ Waktu Yesus sudah dokat kota Yerusalem dan manengok kota tu, Dio pun manangisinyo. ⁴² "Saandenyo hari ni kamu tau apo nang mandatangkan dame sojahtora atasmu. Akan tatapi, kinin hal tu tasuruk dari matomu. ⁴³ Karono ondak datang waktunyo musuh-musuhmu ondak mambangun tembok panghalang di sakalilingmu dan mangopungmu dari samuo panjuru. ⁴⁴ Mareko ondak marontokkanmu, kamu samo anak-anakmu nang balindung pado tembokmu. Dan, mareko tak ondak manyisokan satu batu pun tasusun diatas batu nang laen di dalammu karono kamu tak mangonali katiko Allah malawatmu." ⁴⁵ Kamudian, Yesus masuk ka dalam Bait Allah dan mulo mangusir kaluar orang-orang nang badagang di sanan. ⁴⁶ Kata-Nyo kepado mareko, "Ado tartulis: 'Rumah-Ku akan manjadi romah doa,'b tatpi kamu sudah manjadikannyo sebage sarang parampok!" ⁴⁷ Lalu, Yesus mangajar di Bait Allah satiap hari. Tapi, imam-imam kapalo, ahli-ahli Taurat, dan p[ara pamimpin bangso tu mancari caro ondak mambunuh-Nyo. ⁴⁸ Akan tatapi, mareko tak tau macam mano ma ngorjokannyo mkorno samuo orang mamogang toguh parkataan Yesus.