¹ Bagi awak, adolah balobihan ondak manulis kepado kau mangonai palayanan kepado orang-orang suci ni. ² Korno, awak tau ka ikhlasan kau, nang awak sanjung-sanjungkan kau tu kepado orang-orang Makedonia, yakni kalo Akhaya udah siap dari taon nang lewat dan samangat kaulah nang manggorakkan sabahagian bosar dari orang tu. ³ Akan tatapi, awak mangutus sudaro-sudaro ni bak kabanggaan kami tontang klen tak di sio-siokan dalam parkaro ni. Dongan damikian, kau siap sadio macam nang udah awak cakapkan. ⁴ Karono, bilo babarapo orang Makedonia tibo basamo-samo awak dan ketauan samo orang tu bolum siap kau, kami (takpaa kami cakapkan kau) ondak diparmalukan karono kayakinan ini. ⁵ Karono itu, awak bapikir porlu ondak mandosak sudaro-sudaro ni pogi lobih awal kepado kau dan manyiapkan pamborian nang udah ko janjikan duluan. Sahingohnyo sadokah tu siap bak manjadi sadokah sukorela, bukan nang karono tarpakso. ⁶ Awak mancakapkan parkaro ni: siapo nang manyerak sadikit akan manuai sadikit jugo, dan orang nang manyerak banyak nang banyakan jugolah dituainyo. ⁷ Satiap orang ondaknyo mangkasi macam apo nang udah diputuskannyo dihati dio, bukannyo basodih atopun karono tarpakso korono Allah mancintoi orang nang mambori korno sukacito. ⁸ Dan, Allah sanggup malimpohkan samuo borkat kepado kamu bak supayo kamu salalu mampunyoi kacukupan dalam sagalo hal dan bakalimpohan dalam satiap korjoan nang baek. ⁹ Macacn nang ado tarsurat: "Dio sudah mambagi-bagikan, Dio udah mambagika kepado orang miskin, kabonaran-Nyo totap buek salamonyo." ¹⁰ Kinin, Dio nang manyadiokan bonih bagi panyerak dan roti sabage makanan, ondak manyadiokan dan manggandokan bonihko untuk diserakkan dan ondak mambanyakkan hasil-hasil kabonaran kau. ¹¹ Kamu ondak dipakayokan dalam sagalonyo korno kamurahan hati kau, nang malalui kami mambangkitkan ucapan syukur kepado Allah. ¹² Korno, bantuan palayanan ni tidak sajo mancukupkan kaporluan-kaporluan orang-orang suci, tapi jugo malipohkan ucapan syukur kepado Allah lewat banyak orag. ¹³ Lewat bukti palayananan ini, orang tu akan mamuliokan Allah korno kapatuhan kau kepado pangakuan hati kau dalam babagi kepado orang tu dan samuo orang. ¹⁴ Dan,dalam doa-doa orang tu buek kau, orang tu marindikan kau korno kasih karunio Allah nang malimpoh atas kau. ¹⁵ Syukuar pepado Allah buek pamborian-Nyo nang tak tarkatokan.