¹ Sobab kito mampunyoi janji-janji ni, woi nang tarsayang, sinilah kito mamborsihkan diri kito dari samuo kacomaran badan dan roh sambil manyampurnakan kasucian dalam takut akan Allah. ² Kasih tompat bagi kami di hatiko. kami tak badoso samo siapo pun, tak marusak siapo pun, dan tak mangambil untung dari siapo pun. ³ Aku tak mambilangkan ni untuk manyalahkan ko, sobab sabolumnyo, awak tolah mambilangkan ko sobab ko ado di hati kami, untuk mati samo-samo dan hidup samo-samo. ⁴ Kaparcayoan aku bosar atas kamu, kakaguman aku bosar samo kamu, awak di ponuhi dongan panghiburan, awak malimpah dongan sukocito dalam kasusahan kami. ⁵ Saat tu kami tibo di Makedonia, badan ni tak dapat katonangan, tapi baraninyo dari sagalo sisi, yaitu parkalahian dari luar dan katakutan dari dalam. ⁶ Allah, nang manghibur orang nang putus asa, manghibur kami dongan tibonyo Titus. ⁷ Tak dongan tibonyo sajo, tapi jugo sobab panghiburan nang mambikinnyo tahibur di dalam kamu, saporti nang di caritokan samo kami soal karinduan ko duko cito ko samangat ko untuk aku sahinggo aku basukocito. ⁸ Walaupun awak tolah mambikin ko sodih sobab surat awak tu, awak tak manyosal. walaupun awak pornah manyosal, itu sobab awak manengok surat tu mambikin sodih hati ko walau hanyo sabontar. ⁹ saat ni awak basukocito, tak sobab kamu sodih, tapi sobab kamu sodih untuk batobat, sobab kamu sodih sasuai dongan kahondak Allah sahinggo kamu tak dirugikan dalamn hal apo pun oleh kami. ¹⁰ Kasodihan nang sasuai kahondak Allah, manghasilkan partobatan nang tak disosali mamimpin samo kasalamatan. kasodihan duniawi manghasilkan kamatian. ¹¹ Simaklah bagitu banyak kasodihan nang sasuai dongan kahondak Allah tu mangorojokan bagi ko kasungguhan nang bosa, mambuktikan kamu tak salah, kamarahan, katakutan, karinduan, samangat dan pambalasan. ¹² Walaupun aku manulis surat samo ko hal itu tak buat orang nang salah dan tak jugo buat orang nang disalahkan. sobab supayo kasungguhan ko samo kami dibotulkan samo ko di dopan Allah. ¹³ Sobab tu lah kami tahibur, kami lobih basukocito lagi atas sukocito Titus soabab roh nyo boleh disogarkan oleh kamu samuo. ¹⁴ Kalok aku mambanggokan kamu samo Titus, awak tak malu. Sobab uang kami bilangkan samo ko tontang nang bonar tu, samo jugo kababggaan kami di dopan Titus memeng botul. ¹⁵ Kasih sayangnyo samo kamu batambo bosar, apobilo dia ingat katakan ko samuonyo, macam mano kamu manyambut katiboannyo dongan takut dan gontar.