¹ Ini adolah nang katigo kalinyo awak malawat ko. Harus ado katorangan dari duo apo tigo orang saksi, makonyo suatu parkaro dibilang sah. ² Sabotulnyo, awak sudah mamparingatkan orang tu nang badoso juhgo samuo nang laennyo. Kini, walopun awak tak ado basamo kau, awak mamparingatkan orang tu samo macam nang awak buek dalam kunjunganku nang kaduo, yakni bilo awak tibo balek, tak ondak awak manyangi orang tu. ³ karono kamu manuntut bukti tontag Kristus, nang bacakap di dalam awak dan nang tak lomah tarhadap kamu, malainkan barkuaso di dalamko. ⁴ Sasungguhnyo, Kristus disalib dalam kalomahan, tapi Dio hidup dalam kuaso Allah. Karono, kami jugo lomah di dalam Dio, tapi kami akan hidup basamo-samo Dio karono kuaso Allah tarhadap kau. ⁵ Tes lah diriko sandiri buek manengok, apokah kai totap tinggal dalam imanko. Pariksalah diri kau sandiri! Ato, apokah kamu tak mangonali diriko sandiri bahawa Kristus Yesus ado di dalam ko, kacuali kalo kau tak barhasil di dalam ujian tu. ⁶ Awak baharap kamu akan mangatahui bahawa kami bukannyo orang nang tak tahan uji. ⁷ Namun, kami badoa kepado Allah bak kamu tak malakukan kasalahan, bukan supayo kami nampaknyo tahan uji, tapi bak supayo kamu malakuakn apo nang botul, walopun nampaknyo kami udah gagal ujian. ⁸ Kami tak larat ondak mangorjokan hal-hal nang batontangan samo kabonaran, malainkan hanyo buek kabonaran. ⁹ Kami sonang katiko kami lomah dan kamu kuat. Doa kami ni bak supayo kau manjadi sampurno. ¹⁰ Itulah sobabnyo, awak manulis hal-hal ni pas awak jauh dari kau supayo pas awak datang, awak tak porlu mamakek dongan koras, kuaso nang Tuhan bagikan sama awak buek mambangun kamu, jugo bukannyo ondak maruntuhkan kamu. ¹¹ Akhirnyo, sudaro-sudaro, basukocitolah. Usahokanlah manjadi sampurno, hiburlah satu samo nang laennyo, sahati sapikirlah,dan hiduplah klen dalam dame. Dan, Allah sumber kasih dan dame sojahtorah akan ado basamo kamu. ¹² Bagikanlah salam satu samo nang laennyo dengan cuim kudus. ¹³ Samuo orang-orang suci mangkirimkan salam untukko. ¹⁴ Rahnat Tuhan Yesus Kristus, dan kasih Allah dan pakatan dari Roh Kudus ado basamo kamu samuo.