¹ Awak musti sonang walopun itu tak manguntungkan. Aku ondak malanjutkan panampakan-panampakan jugo parnyatoan-panyatoan dari Tuhan. ² Awak mangatahui sasaorang dalam Kristus, nang ompat bolas taon nang leawat udah dibawak ka surgo tingkat tigo - antah di dalam badannyo,tak tau awak; apo di luar badan, awak jugo tak tau, Allah nang tau. ³ Dan, awak tau cemano orang ni -antah di dalam apo di luar badannyo, tak tau awak, Tuhan lah nang tau. ⁴ dio diangkat ka Firdaus dan mandongar kato-kat nang tarcakapkan samo manusio. ⁵ Buek orang ni awak ondak babangga,tapinyo untuk diri awak sandiri, awak tak ondak bangga kacuali korno kalomahan-kalomahan awak. ⁶ Tapinyo , bilo awak ondak bangga, awak tak ondak obo korno awak mambilangkan kabonaran. Namun, awak manahannyo bak tak ado orang nang manengok awak lobih dari apo nang orang tu tengok ato dongar mangonai awak. ⁷ Buek manjago bak awak tak sombong korno panyatoan-panyatoan nang hebat tu, makonyo ado duri dibuek dalam badan awak yakni kiriman iblis ondak manyusahkan awak bak supayo awak tak sombong. ⁸ Mangonai hal ini, mamohon awak samo Tuhan sabnyak tigo kali bak supayo hal tu maninggalkan awak. ⁹ Tapi, Dio bilang samo awak, "Rahmat-Ku cukup di kau kornokuaso-Ku disampurnokan dalam kalomahan." Korno tu, awak lobiih sonang babangga dalam kalomahan awak bak supayo kuaso Kristus ontok dalam awak. ¹⁰ Itulah sobabnyo awak talobih sonang dalam kalomahan, dalam siksoan, dalam kasulitan, dalam aniayo, dan dalam kasulitan basamo Kristus. Korno pas awak lomah, awak manjadi kuat. ¹¹ AWak udah manjadi obo korno klen mamaksa awak bagitu, padahal saharusnyo awak kau puji. Sebanyo, awak tak kakurangan apo-apo dibandingkan para rasul nang luarbiaso tu, walopun awak tak ado apo-aponyo. ¹² Tando-tando nang mambuktikan saorang rasul udah ditunjukkan diantaro kau dalam segalo katabahan, dalam tando-tando, mujizat-mujizat jugo kaajaipan-kaajaipan. ¹³ Korno, dalam parkaro apokah kau dirondahkan dari jamaat-jamaat laen, kacuali kalo awak tidak manjadi boban bagi kau? Maafkanlah katidakadilan awak ni! ¹⁴ kinin, awak siap ondak mangkunjungi kau untuk ka tigo kalinyo dan awak tak akan jadi boban bagi kau korno awak tak mangincar apo nang ado samo kau. Korno, anak-anak tak awjib mangumpulkan harto buek orang tuonyo, tapi orang tuo buek anak-anaknyo. ¹⁵ Dan, dongan sonang hati awak ondak basadokah harta awak, diri awak buek kau. Bilo awak mangasihi kau, apo kurang kasihmu samo awak? Namun, walpun awak bukan boban buek kau, kau bilangkan awak nang licik dan manjorat kau pake tipu muslihat. ¹⁷ Apokah awak ado mangambik kauntungan dari kau, malalui orang-orang nang awak kirim samo kau? ¹⁸ Awak mandosak Titus untuk pogi jugo mangkirim sudaro kami bak pogi basamo dio. Apokah si Titus jugo mangambek kauntungan dari ko? Apokah tak bajalan dalam roh nang samo kami ni dan bajalan pakek tapak nang samo? ¹⁹ Lantas, apokah sudah lamo kau pikirkan kalo kami mambela diri kami sandiri tarhadap kau? Kami bacakap di dopan Allah dalam Kristus, tapi hal-hal ni, woi nang tacinto, adalah buek mambangun kau. ²⁰ Korno, awak takut, kalo-kalo pas awak datang, awak ondak manjumpoi kau tak macam nang awak harapkan. Jangan-jangan nang ado parsalisihan, dongki, amarah, mamomtingkan diri sandiri, fitnah, kabar-kabar angin, kasombongan, jugo kakacoan. ²¹ Awak sangsi pas awak datang balek, Allahku ondak marondahkanawak dopan ko dan awak basodih korno banhyak orang nang dulu udah badoso duluan dan tidak batobat dari kanajisannyo, pancabulan, dan hawa nafsu nang udah dibuek orang tu.