¹ Kalo kito manogur laki-laki nang lobih tuo dari kito, jangan kasar, tapi buatlah dio sabagai ayah, habis tu laki-laki nang lobih mudo sabagai sudaro. Bueklah parompuan nang lobih tuo kek omak, abis tu parompuan nang lobih mudo bueklah sudaro awak sandiri ponuh kasucian. ³ Hormatlah samo jando-jando nang botul-botul jando. ⁴ Kerono, janda nang punya anak ato cucu, orang tu lah nang mulo-mulo balajar manunjukkan bakti samo saisi rumahnyo sandiri. Sobab siapo nang mambalas budi samo orang tuonyo, orang tu lah nang manyonangkan Allah. ⁵ Sodangkan jando-nang botul-botul jando hidupnyo sandirian, torus dio badoa maminta parmohonan kapado Allah baek siang jugo malam hari. ⁶ Sobab, jando nang bamewah-mewah, dio udah mati sakalipun hidup dio. ⁷ Parintahkan jugo kabar ni samo umat tu supayo orang tu tak atrcola. ⁸ Sobab, apabilo sasaorang tak ondak mamaliharo sanak kaluargonyo sandiri, tarutamo kaluargo nan dokat, bararti dio udah manyangkali imannyo sandiri lanjar lobih buruk daripado orang nang tak porcayo. ⁹ Jando nang tarmasuk dalam daptar catatan iolah parompuan nang barumur sadikitnyo onam puluh taon, manjadi istri dari satu lakik sajo, ¹⁰ jugo takonal dio kerono parbuatannyo nang baek, mambosarkan anaknyo, mambori tumpanngn, mambasuh kaki orang nang suci, manolong orang nang kasusahan, tokun mangorjokan karojoan nang baek. ¹¹ Tapi, jando-jando nang lobih mudo tak usah dimasukkan ka dalam daftar, kerono kalo birahinyo mambuat orang tu manjauh dari Kristus orang tu ondak manikah lagi. ¹² Po9karo ini mandatangkan hukuman kerono orang tu udah mangingkari sumpah mulo-mulonyo nang orang tu buat. ¹³ Disamping tu, orang tu mulai tabiaso bamalas-malasan, baputar dari rumah nang satu ka rumah nang laen. Tambah lagi, orang tu manggosip samo mancampuri ursan orang laen, mancakapkan apo-apo nang tak pantas dikatokan. ¹⁴ Jadi, awak ondak supayo jando-jando nang mudo kawen balek, malahirkan anak, mangurus rumah tanggonyo bak tak ado lagi waktu bagi musuh ondak mangejek orang tu. ¹⁵ Kerono, babrapo orang dah babalik mangikut ta'un. ¹⁶ Bilo ado saorang parompuan porcayo nang mampunyai handai tolan nang jando, pabiarlah orang tu nang mamaliharo jando-jando tu sahinggo garejo tak tabobani, bak biso garejo manolong jando-jando nang botul-botul porlu di tolong. ¹⁷ Panatuo-panatuo nang mangurus jamaah nang baek paslah mandaptkan panghormatan duo kali lipat, tarutamo orang tu nang bakorjo koras tarutamo nang bacaramah samo mangajar. ¹⁸ Kerono, Kitab Suci bakato, "Jangan mambarangus muncung lombu nang sodang manggiling gandum," ¹⁹ Tak usah tarimo tuduhan nang ondak manjatuhkan pantuo kacuali badasarkan bukti dari duo ato tigo orang saksi. ²⁰ Orang tu nang babuat doso ondaklah kau paringatkan dihadapan samuo orang bak supayo nang laennyo manjadi takut mangorjokan doso. ²¹ Dimuko Allah, Yesus Kristus, jugo samo malaekat nang tapilih, kuparingatkan kau, dongan motan supayo mangikuti patunjuk-patunjuk ni tampo baparasangko jugo pilih kasih. ²² Tak usah copat manumpangkan tangan samo siapo pun, tak usah ikut-ikutan mangambil bagian dalam doso orang laen. Jagolah supayo diri ko totap borsih. ²³ Tak usah cumo minum aer putih jo, tapi gunokan jugo sadikit anggur domi porut kau tu jugo badan kau nang soring sakit. ²⁴ Doso sabagian orang sangat jolaslah tatengok, sahonggo tatuntut mareko ka pangadilan. Tapi, doso orang nang laen baru tasingkap kamudian. ²⁵ Bagitu jugo parbuatan nang baek pasti jolas tatengok. Tapi parbuatan baek nang tak talihat pun, tak dapat tasambunyikan.