¹ Roh bakato dongan jolas bahwa pado waktu tarakhir, orang-orang maninggalkan kaparcayoan nyo dan manyorahkan diri nyo samo roh panyosat dan ajaran ta'un ² Orang tu tarpangaruh oleh kamunafikan para pambongak, nang hati nurani nyo sudah di cap dengan bosi panas. ³ Orang tu malarang orang manikah dan malarang orang mamakan nang di ciptakan Allah, nang saharus nyo di tarimo dengan ucapan syukur, oleh orang tu nang pacayo dan mangonal tontang nang bonar. ⁴ Torus, sagala sasuatu nang di ciptokan Allah tu baek dan tak ado nang haram kalo ko tarimo dengan ucapan syukur. ⁵ Sobab samuo tu di sucikan oleh Firman Allah dan doa. ⁶ Dengan mangajarkan hal-hal ni samo kawan sa kaparcayoan, supayo kamu manjadi palayan Yesus Kristus nang baek, saporti kamu di ajarkan dalam ucapan-ucapan iman dari ajaran baek nang tolah kamu ikuti. ⁷ Tak usah dongarkan carito bongak dan dongeng nenek tua tu, tapi baguru lah diri ko, supayo hidup dalam kasolehan. ⁸ Latihan jasmani tarbatas gunonyo, tapi kasolehan, baguno dalam sagala hal, sobab mangandung janji bagi kahidupan, saat kinin dan jugo kahidupan nang akan datang. ⁹ Kato-kato ni biso di pacayo dan biso di tarimo saponuh nyo. ¹⁰ Sobab tu, kito karojo koras dan bajuang. Sobab kito manaruh pangharapan kito samo Allah nang hidup, nang Juru Salamat samuo manusio. ¹¹ Parintohkan dan ajarkan hal-hal ni. ¹² Tak boleh ado orang nang marondahkan kamu, sobab kamu masih mudo, tapi, jadilah taladan bagi orang nang pacayo samo parkatoan, tingkah laku, kasih dan kasucian. ¹³ Sampai awak tibo, batokunlah dalam pambacaan samo kitab suci, dalam mambori nasihat dan mangajar. ¹⁴ Tak boleh manyio-nyiokan karunia rohani nang ado samo ko, nang di borikan samo ko malalui nubuat dan dewan panatua, manumpangkan tangan atas ko. ¹⁵ Karojokan hal-hal ni dengan rajin, borikanlah diri ko saponuhnyo untuk mangarojokan hal ni, supayo samuo orang dapat manengok kamajuan ko. ¹⁶ Parhatikan dengan sungguh, macam mano kamu hidup dan apo nang kamu ajarkan. Batokunlah di dalam nyo, sobab dengan babuat saporti tu, kamu tarsalamatkan, baek di ko sandiri, maupun orang tu nang mandongar ajaran ko.