¹ Pado hari-hari tu, katika sajumlah gadang urang bakumpu dan indak punyo apo-apo untuk dimakkan, Yesus mangimbo murid-murid-Nyo dan mangecce kasidak, ² "Ambo babalekasihan kaurang banyak tu karano kini sidak ala basamo samo ambo salamo tigo hari, dan inyo indak punyo apo-apo untuk dimakkan. ³ Dan, pabilo ambo manyuru sidak pulang karumah sidak dalam keadaan lapa, sidak pasti pingsan dalam pajalanan karano babarapo dari sidak datang dari jauh." ⁴ Dan, murid-murid-Nyo manjawab Inyo, ''Dari mano saurang bisa manganyangkan sidak jongon roti di tampek sunyi sakiro ikko?" ⁵ Lalu, Yesus batanyo kapado sidak, "Babarapo roti nan kau punyo?" Sidak manjawab, "Tujuh roti." ⁶ Kamudian, Yesus mamarintahkan urang banyak tu duduk ditanah, dan Inyo mangambik tujuh roti tu, dan manguccap syukur, dan Inyo mamacca-maccakanyo dan mangagikannyo kapadonyo murid-murid-Nyo untuk manghidangkannyo kapado urang banyak. sidak pun manghidangkannyo kapado urang banyak. ⁷ Dan, murid-murid juo mampunyoi saketek lauk ketek salase mangucap syukur atenyo, Yesus manyuru murid-murid-Nyo untuk mambagikan juo lauk-lauk tu kapado urang banyak. ⁸ Urang banyak tu makkan sampe kanyang, dan sidak mangumpukan potongan makkanan nan tasiso tu tujuh karanjang panuh. ⁹ Ado kiro-kiro ampek ribu urang nan makkan. Sasudah tu, Yeus manyuru sidak pai. ¹⁰ Lalu Yesus lakke masuk sampan basamo murid-murid-Nyo dan sampe didaerah Dalmanuta. ¹¹ Dan, urang-urang Farisi datang dan mulai badebat jongon Yesus, sambil mamintak Yesus manunjukkan tando dari surgo, untuk mancuboi-Nyo. ¹² Salase Yesus manghela hangok panjang dalam Roh-Nyo, Inyo mangecce, ''Mangapo generasi ko mancari tando? Ambo mangatokan nan sabananyo kapado kau, indak ado sabua pun tando nan akkan diagikan kapado generasi ko," ¹³ Kamudian, Yesus maninggakan sidak, masuk pulo kadalam sampan, dan pai ka sabarang. ¹⁴ Murid-murid lupo mambaok roti, dan hanyo mampunyoi sakudung roti di dalam sampan. ¹⁵ Dan, Yesus bapesan kapado sidak, "Siap sedialah! Bahati-hatilah tahadok ragi urang-urang Farisi dan ragi Hedorea." ¹⁶ Lalu sidak mulai badiskusi sabua jongon nan lain soal sidak nan indak mampunyoi roti. ¹⁷ Dan, salase mangetahui hal ko, Yesus mangecce kapado sidak, "Mangapo kau mangeccekkan tentang kau nan indak mampunyoi roti? Apo kau balum juo mangetahui atau mangarti? Apo hati kau dikarekan? ¹⁸ Apokah kau mampunyoi mato, tatapi indak maliek? Dan, mampunyoi talingo, tatapi indak mandanga? indak ingekkah kau, ¹⁹ Katika ambo mamacca-maccakan limo roti untuk limo ribu urang, barapo banyak karanjang nan barisi panuh jongon potongan-potongan makkanan nan kaukumpukan?"Sidak manjawab, "Duo bale karanjang." ²⁰ Dan, katika tujuh roti untuk ampek ribu urang tu, barapo karanjang nan panuh jongon potongan-potongan makkanan nan kau kumpukan?" Sidak manjawab, "Tujuh karanjang.'' ²¹ Lalu, Inyo mangecce kapado sidak, "Apokah kau masih balum mangarti?" ²² Kamudian, Yesus dan murid-murid-Nyo tibo di Betsaida. Dan, babarapo urang mambaok saurang buto dan mamohon kapado Yesus supayo mamacciknyo. ²³ Yesus pun mamaccik tangan urang buto tu dan mambaoknyo kalua desa. Lalu, Yesus maludahi mato urang buto tu dan malatakkan tangan-Nyo atas inyo. Inyo batanyo kapadonyo, "Apokah kau maliek sasuatu?" ²⁴ Lalu, urang tu mamandang ka ate dan mangecce, "Ambo maliek urang-urang, tatapi sidak taliek sakiro batang-batang nan sadang bajalan.'' ²⁵ Salase tu, yesus malatakkan tangannyo di ate mato urang buto tu lai, lalu urang tu mambukka matonyo, paliekannyo cegak, dan inyo pun dapek maliek sadonyo jongon jale. ²⁶ Lalu, Yesus manyurunyo pulang karumah nyo jongon mangecce, "Jangan masuk ka dalam desa." ²⁷ Salase tu, Yesus pai, basamo murid-murid-Nyo, ka desa-desa di Kaisarea Filipi. Dan, di tanga pajalanan, Yesus batanyo kapado para murid jongon mangecce kapado sidak, "Kato urang-urang, siapo Ambo ko?" ²⁸ Sidak manjawab, "Yohanes Pembaptis, nan lain mangatokan Elia, dan nan lainnyo salah sabua dari nabi-nabi.'' ²⁹ Kamudian, Yesus batanyo kapado sidak, "Namun, manurut kau, siapo Ambo ko?' petrus manjawab-nyo, "Kau adolah kristus.'' ³⁰ Dan, Yesus mamparingeki sidak untuk indak mangagitau kapado siapo pun tantang diri-Nyo. ³¹ Kamudian, Yesus mulai mangajar murid-murid-Nyo bahwa anak Manusio harus mandarita banyak hal dan ditolak dibuek tuo-tuo Yahudi, imam-imam kapalo, serta ahli-ahli Taurat, dan dibunuh, dan salase tigo hari bangkik pulo. ³² Dan, Yesus mangatokan hal ko sacaro tabukka. Karano tu, petrus manarik Yesus ka samping dan mulai managur-Nyo. ³³ Namun, sambil manoleh dan maliek murid-murid-Nyo, Yesus manegur petrus dan mangecce, ''Pailah dari-Ambo, hai Iblis! Sabab, kau indak mamikkikan pakkaro-pakkaro Allah, tatapi pakkaro-pakkaro manusio.'' ³⁴ Sasudah tu, Yesus mangimbo urang banyak, serta murid-murid-Nyo, dan mangecce kapado sidak, "Jika sasaurang nandak mangikkuti Ambo. ³⁵ Sabab, siapo sajo nan kandak manyelamatkan hangoknyo akkan kahilangannyo. Akkan tatapi, siapo sajo nan kahilangan hangoknyo demi Ambodan Injil akkan manyelamatkannyo. ³⁶ Sabab, Apo untungnyo sasaurang mandapekkan sadonyo dunia, tatapi kahilangan hangoknyo. ³⁷ Apo nan dapek saurang agikan untuk manabus hangoknyo? ³⁸ Sabab, siapo sajo nan malu karano ambo dan firman-Ambo di generasi nan indak setia dan badoso ko, mako Anak manusio juo akkan malu mangakkui urang tu katika Inyo datang dalam kamuliaan Bapa-Nyo basamo jongon malaikat-malaikat nan kudus.''