¹ Lalu, bakumpullah urang-urang Farisi manamui Yesus basamo jongon babarapo ahli Taurat nan datang dari Yerusalem. ² Dan, sidak maliek babarapo murid Yesus makkan roti jongon tangan najis, yaitu tangan nan indak dicuci. ³ Sabab, urang-urang Farisi dan sadonyo urang Yahudi indak akkan makkan jika tangan sidak indak dicuci sampe kapagalangan tangan karano tradisi nenek munyang nan sidak paccik. ⁴ Dan, jika urang-urang Yahudi tu datang dari tampek umum, sidak indak akkan makkan sabalum mancuci tangan. Dan, ado banyak tradisi lainnyo nan sidak tarimo untuk di paccik, sarupo pancuci cawan-cawan, kendi-kendi, bejana-bejana tembaga. ⁵ Kamudian, urang-urang Farisi dan ahli-ahli Taurat batanyo kapado Yesus, '' Mangapo murid-murid-Kau indak hidup manurut tradisi nenek munyang, tatapi malah makkan roti jongon tangan najis ? '' ⁶ Yesus mangeccek samo sidak, '' Yesaya bakotbah jongon elok tantang kau nan munafik, sarupo nan tatulis : '' Bangsa ikko manghormati ambo jongon bibi sidak, tatapi hati sidak jauh dari Ambo. ⁷ Sidak manyembah-Ambo jongon sio-sio karano mangajarkan ajaran parintah-parintah nan di puek samo manusio. ⁸ Sambil mangabaikan parintah Allah, kau mamaccik kuek tradisi manusio.'' ⁹ Lalu, Yesus juo mangeccek kapado sidak, '' jongon cadik kau manolak parintah Allah sahingga dapek mampatahankan tradisi kau saurang. ¹⁰ Sabab, Musa mangeccek, '' Hormatilah ayah kau dan umak kau, dan siapo sajo nan mangutuk ayahnyo atau umaknyo harus di hukum mati. ¹¹ Namun, kau mangeccek jika saurang mangeccek kapado ayahnyo dan umaknyo, '' Apo sajo kauntungan nan akkan kau dapek dari ambo adolah kurban, yaitu pasembahan. ¹² Lalu kau indak lai mangijinkan inyo malakukan apo pun untuk ayahnyoatau umaknyo, ¹³ jongon baitu kau ala mambatalkan Firman Allahjongon tradisi kau nan ala turun-temurun. Dan kau malakukan banyak hal lai sarupo ikko.'' ¹⁴ Kamudian, Yesus mangimbo lai sadonyo urang nan mangeccek kapado sidak, '' Dangalah Ambo, kau sadonyo, dan pahamilah. ¹⁵ Indak ado sasuatu pun dari lua manusio nan masuk ka dalam badannyo dapek manajiskannyo, tatapi hal-hal nan kalua dari manusiolah nan manajiskannyo.'' ¹⁶ Jika sorang mampunyoi talingo untuk mandanga, padialah inyo mandanga ! '' ¹⁷ Lalu, katika Yesus masuk karumah dan maninggakan urang-urang tu, murid-murid-Nyo batanyo kapado-Nyo tantang parumpamoan tu. ¹⁸ Dan, Inyo mangeccek kapado sidak, '' Apokah kau juo indak mangarti? Indakkah kau tau bahwa apo sajo nan dari lua masuk kadalam manusio indak akkan manjiskannyo ? ¹⁹ Sabab, nan masuk tu indak masuk kadalam hatinyo, tatapi parutnyo, dan kamudian kalua kadalam jamban. ''( Jongon damikian, Yesus manyatokan bahwa sadonyo makkanan halal.)'' ²⁰ Lalu Inyo mangeccek,'' Apo nan kalua dari manusiolah nan manajiskannyo. ²¹ Sabab, dari dalam,dari hati manusio, muncul pikkiran-pikkiran jahek, doso-doso seksual, pancilokan, pambunuhan, ²² parzinaan, kaserakahan,kajahekan, tipu dayo, hawa nafsu, iri hati, fitnah, kasombongan , dan kabodohan. ²³ Sadonyo hal nan jahek tu datang dari dalam manusio, dan itu nan manajiskannyo.'' ²⁴ Dari tampek tu, Yesus jago dan pai kawilayah Tirus dan Sidon. Dan, Inyo masuk kasabuah Rumah dan indak nandak ado saurangpun nan tau, tatapi Inyo indak bisa luput dari parhatian. ²⁵ Lakke sasudah mandanga tantang Yesus , sorang padusi nan anak padusinyo kamasukan roh najis datang dan sujud di kakki Yesus. ²⁶ Padusi tu adolah urang Yunani, lahe di Siro- Fenisia. Inyo mamohon kapado Yesus untuk mangusir setan tu kalua dari anaknyo. ²⁷ Kamudian, Yesus mangeccek kapado padusi tu, '' Padialah anak-anak dikanyangkan talabi dahulu. Sabab, indak elok mangambik roti kapunyoan anak-anak dan malantingkannyo kapado anjing-anjing. ²⁸ '' Akan tatapi, padusitu manjawab dan mangeccek kapado Yesus, '' Benar, Tuhan. Namun, anjing-anjing nan ado di bawah meja pun makkan remah-remah anak-anak tu.'' ²⁹ Lalu, Yesus mangeccek kapado padusi tu, '' Karano kau mangatokan ikko, kau bisa pai. Setan tu ala pai maninggakan anak kau. '' ³⁰ Kamudian, padusitu pulang ka rumah dan basuo anaknyo sadang tidu di tampek tidu, dan setan tu ala pai. ³¹ Kamudian, Yesus kalua lai dari wilayah Tirus dan pai malewati Sidon manuju ka danau Galilea, di wilayah Dekapolis. ³² Lalu, sidak mambaok kapado Yesus saurang nan pakkak dan nan susah mangeccek. Sidak mamohon kapado Yesus untuk malatakkan tangan-Nyo ate urang tu. ³³ Kamudian, Yesus mambaok urang tu manyandiri dari kumpulan urang banyak. Inyo mamasukkan jari-Nyo kadalam talingo urang tu, dan sasudah maludah Inyo mamaccik lidah urang tu. ³⁴ Lalu, Yesus mamandang ka ate langit, Inyo manarik hangok panjang dan mangeccek, '' Efata ! '' artinyo '' Tabukkalah! '' ³⁵ Saat tu juo, talingo urang tu tabukka, kabean di lidahnyo lapeh, dan inyo mangeccek jongon jale. ³⁶ Dan, Yesus malarang sidak, sidak samakin mambaritokannyo. ³⁷ Sidak benar-benar takajut dan mangeccek,'' Inyo ala malakukan sagalo sasuatu jongon elok. Inyo bahkan mampuek urang pakkak mandanga dan urang bisu mangeccek.''