¹ Kitab Silsilah Yesus Kristus, anak Daud, anak Abraham. ² Abraham iyolah ayah Ishak, Ishak iyolah ayah Yakub. Yakub iyolah ayah Yehuda jongon sodaro-sodaronyo. ³ Yehuda iyolah ayah Peres jongon Zerah, umak sidak iyolah Tamar. Peres iyolah ayah Hezron. Hezron iyolah ayah Ram. ⁴ Ram iyolah ayah Aminadap. Aminadap iyolah ayah Nahason. Nahason iyolah ayah Salmon. ⁵ Salmon iyolah ayah Boas, umaknyo iyolah Rahab. Boas iyolah ayah Obed, umaknyo iyolah Rut. Obed iyolah ayah Isai. ⁶ Isai iyolah ayah dari Rajo Daud. Daud iyolah ayah dari Rajo Daud. Daud iyolah ayah Salomo, umaknyo iyolah bakkas bini Uria. ⁷ Salomo iyolah ayah Rehabeam. Rehabeam iyolah ayah Abia. Abia iyolah ayah Asa. ⁸ Asa iyolah ayah Yosafat. Yosafat iyolah ayah Yoram. Yoram iyolah ayah Uzia. ⁹ Uzia iyolah ayah Yotam. Yotam iyolah ayah Ahas. Ahas iyolah ayah Hizkia. ¹⁰ Hizkia iyolah ayah Manasye. Manasye iyolah ayah Amon. Amon iyolah ayah Yosia. ¹¹ Yosia iyolah ayah Yekhonya dan sodaro-sodaronyo, katiko pambuangan ka Babel. ¹² Satala pambuangan ka Babel, Yekhonya iyolah Sealtiel iyolah ayah Zerubabel. ¹³ Zerubabel iyolah ayah Abihud. Abihud iyolah ayah Elyakim. Elyakim iyolah ayah Azor. ¹⁴ Azor iyolah ayah Zadok. Zadok iyolah ayah Akhim. Akhim iyolah ayah Eliud. ¹⁵ Eliud iyolah ayah Eleazar. Eleazar iyolah ayah Matan. Matan iyolah ayah Yakub. yakub iyolah ayah Yusuf, lakki Maria. Dari Maria dilahekan Yesus, na disabut Kristus. ¹⁷ Jadi, sadonyo ganarasi dari Abraham sampe Daud ado ampek bale ganarasi, jongon dari Daud sampe pambuangan ka Babel ado ampek bale ganarasi, jongon dari pambuangan ka Babel sampe Kristus ado ampek bale ganarasi. KALAHIRAN YESUS KRISTUS ¹⁸ Kini, kalahiran Kristus Yesus iyolah sakiro berikut. Katiko Maria, umak-Nyo ala batunangan jongon Yusuf, sabalum sidak hidup basamo, inyo tanyato mangandung dari Roh kudus. ¹⁹ Namun, karano Yusuf, lakkinyo, inyolah urang na benar dan dak mau mampamalukan Maria dimukko umum, Yusuf bamaksud untuk mambebaskan Maria sacaro diam-diam. ²⁰ Akan tatapi, katiko Yusuf sadang mampatimbangkan hal ko, lieklah, malaikat Tuhan tampak kapadonyo dalam mimpi jongon bacakkap, "Yusuf, anak Daud, jangan takkut mangambik Maria sabagai binikau karano na dikandungnyo iyolah dari Roh Kudus. ²¹ Inyo nandak malahekan saurang Anak lakki-lakki dan kau mangimbo-Nyo Yesus karano inyo akan mansalamatkan umat-Nyo dari dosa-dosa sidak." ²² Sadonyo hal ko tajadi untuk mangganapi na difirmankan Tuhan malalui nabi-Nyo, ²³ "Lieklah, saurang parawan nandak mangandung jongon nandak malahekan saurang anak lakki-lakki. Sidak na nandak mangimbo namo-Nyo Imanuel," na bararti: " Allah basarto kito". ²⁴ Katiko Yusuf jago dari tidunyo, inyo malakukan sakiro malaikat Tuhan parintokan kapadonyo, dan inyo mangambik bininyo, Maria, ²⁵ tatapi indak sabadan jongon Maria sampe inyo malahekan anak lakki-lakkinyo. Dan, Yusuf manyabut namo-Nyo, Yesus.