¹ Kamudian,saluruh urang tu badiri jongon mambaok Yesus ka mukko Pilatus. ² Dan,sidak mulei manuduh Yesus jongon mangeccek,"Kami mandapei urang ikko manyesatkan bangsa kami jongon malarang kami untuk mambai pajak kapado kaisar,serta mangatokan bahwa Inyo adolah kristus,saurang Raja." ³ Pilatus batanyo kapado Yesus,'Apokah Engkau Raja urang Yahudi?" Yesus manjawab,"itu na kau katokan." ⁴ Kamudian,pilatus mangeccek kapado imam-imam kapalo jongon urang banyak,"Ambo indak manamukan kasalahan pado Urang ikko." ⁵ Akan tatapi,sidak manuntut sambi baseru jongon kare,"Inyo manghasut urang-urang jongon ajaran-Nyo di saluruh wilayah Yudea mule dari Galilea sampe di sikko!" Yesus Dibaok kapado Herodes ⁶ Katiko pilatus mandanga hal tu,inyo batanyo apokah Yesus urang Galilea. ⁷ Dan,satalah inyo tau bahwa Yesus barasal dari wilayah kakuasaan Herodes,Pilatus pun mangirim Yesus kapado Herodes na saat tu sadang barado di Kota Yerusalem. ⁸ Katiko Herodes maliek Yesus,inyo sanang bana.Inyo ala lamo nandak bajumpo jongon-Nyo karano inyo ala mandanga banyak hal tantang Yesus sabab inyo baharap bisa maliek suatu mukjizat na dibuek oleh Yesus. ⁹ Lalu,Herodes mangajukan banyak partanyoan kapado Yesus,tatapi Yesus indak mangagi jawaban apo pun kapadonyo. ¹⁰ Imam-imam kapalo dan ahli-ahli Taurat na badiri di sinun manuduh Yesus jongon sengit bana. ¹¹ Bahkan,Herodes jongon paro tentaranya juo marendahkan jongon mangejek Yesus.Satalah tu,sidak mamakkekan jubah na indah lalu mangirim-Nyo kambali kapado Pilatus. ¹² Dahulu,Pilatus jongon Herodes saling bamusuhan,tatapi pado hari tu sidak basabahat.Pilatus Gagal Mambebaskan Yesus ¹³ Kamudian,Pilatus mangumpukan imam-imam kapalo,paro pamimpin Yahudi,jongon urang banyak, ¹⁴ lalu mangeccek kapado sidak,"Kau mambaok Urang ikko kapado kau sabage manyesatkan urang banyak.Akan tatapi,katiko ambo mangadili-Nyo di mukko kau,ambo indak manamukan kasalahan sakiro na kau tuduhkan kapado-Nyo. ¹⁵ Herodes juo indak manamukan kasalahan-Nyo sahingga inyo mangirim Urang ikko kambali kapado kito.Lieklah,Inyo indak malakkukan kasalahan na layak mandapek hukuman mati. ¹⁶ Karano tu,satalah ambo manghajar-Nyo,ambo akan malapekan-Nyo." ¹⁷ [Pado satiok hari raya Paskah,Pilatus harus mambebaskan saurang tahanan untuk urang banyak.] ¹⁸ Akan tatapi,urang banyak tu batariak basamo-samo,"Singkikanlah Urang ikko!Lapekanlah Barabas untuk kami!" ¹⁹ [Barabas adolah saurang na dipinjaro karano talibek dalam pamberontakan di kota jongon juo malakkukan pambunuhan.] ²⁰ Karano Pilatus nandak malapekan Yesus,mako sakali lai inyo mangeccek kapado urang banyak. ²¹ Akan tatapi,sidak tatap basorak,"Salibkan Inyo!Salibkan Inyo!" ²² Untuk katigo kalinyo Pilatus batanyo kapado sidak,"Mangapo?Kajahatan apo na ala dilakkukan Urang ko?Inyo indak basalah.Ambo indak manamukan kasalahan apo pun pado-Nyo na layak mandapek hukuman mati.Karano tu,ambo akan manghajar-Nyo lalu malapekan-Nyo." ²³ Namun,sidak tarus basikare jongon manuntut jongon suaro nyaring supayo Yesus disalibkan. Dan,suaro sidak pun manang. ²⁴ Akhirnyo,Pilatus mamutuskan untuk mamanuhi tuntutan sidak. ²⁵ Inyo mambebaskan urang na diminta oleh urang banyak,na dipinjaro karano malakkukan Pamberontakan jongon pambunuhan.Akan tatapi,manyerahkan Yesus kapado kainginan sidak. Panyaliban Yesus ²⁶ Katiko paro tentara mambaok Yesus pai,sidak juo manahan sasaurang,yaitu Simom dari Kirene na baru datang dari desa,paro tentara malatakkan salib Yesus di pundaknyo jongon manyuruhnyo mamikul salib tu di balakkang Yesus. ²⁷ Banyak urang na mangikkuti Yesus,jongon di anataro sidak ado padusi-padusi na manangisi jongon maratapi Inyo. ²⁸ Akan tatapi,Yesus manoleh kapado sidak jongon mangeccek,"Hai Padusi-padusi Yerusalem,jangan kau manangisi Ambo.tangisilah diri kau sandiri jongon anak-anak kau. ²⁹ Akan tibo waktunyo katiko urang-urang akan mangeccek,'Babahagialah padusi-padusi na mandul,jongon na rahimnyo indak pana mahekan anak,dan na payudaranyo indak pana manyusui.' ³⁰ Pado saat tu sidak akan mangeccek kapado gunung-gunung,'Runtuhlah ka ate kami!'jongonkapado bukkik-bukkik,'Timbunlah kami!' ³¹ sabab,apobila sidak malakkukan hal-hal ikko katiko batang masih hidup,apo na akan tajadi batang tu karing?" ³² Ado juo duo urang panjahek na dibaok untuk dihukkum mati basamo-samo jongon Yesus. ³³ Katiko sidak sampe di sabuah tampek na banamo"Tengkorak,"paro tentara manyalibkan Yesus basamo kaduo panjahek tu,saurang di sabalah kiri-Nyo. ³⁴ Kamudian Yesus mangeccek,"Ya Ayah,ampunilah sidak,karano sidak tau apo na sidak lakkukan." Lalu paro tentara malantingkan undi untuk mambagi-bagi pakkean-Nyo di antaro sidak. ³⁵ Urang banyak na badiri di sinun manyaksikan sadonyp,tatapi paro pamimpin Yahudi mangejek Yesus sambi galak mangejek. Sidak mangeccek,"Inyo manyalamatkan urang lain,jadi padialah Inyo manyalamatkan diri-Nyo sandiri kok Inyo adolah Kristus,Na Dipilih oleh Allah!'' ³⁶ Paro tentara juo mangejek Inyo,lalu sidak datang jongon manawarkan anggur asam kapado-Nyo, ³⁷ dan mangeccek,"Kok Kau Raja urang Yahudi,salamatkanlah diri-Kau sandiri!" ³⁸ Dan,ado juo suatu tulisan di ate-Nyo:"IKKOLAH RAJA URANG YAHUDI." ³⁹ Satalah sabuah dari panjahek na tagantung di sinun manghina Yesus,katonyo,"Bukkankah Kau Krsistus?Salamatkanlah diri-Kau jongon kami!" ⁴⁰ Akan tatapi,panjahek na lainnyo manyapo inyo jongon mangeccek,"Indakkah kau takkut kapado Allah karano kau juo manarimo hukkuman na samo? ⁴¹ Kito memang ala saharusnyo manarimo satimpal jongon api na ala kito pabuek,tatapi Urang ikko indak malakkukan kasalahan apo pun." ⁴² Lalu,inyo mangeccek kapado Yesus,"Ya Yesus,ingeklah ambo katiko Kau masuk ka dalam karajaan-Kau." ⁴³ Kamudian Yesus mangeccek kapadonyo,"Ambo mangatokan na sasungguhnyo kapado kau,hari ko juo kau akan basamo Ambo di dalam Firdaus." Kamatian Yesus ⁴⁴ Watu tu sakitar pukul 12 siang,kagalapan manutupi saluruh daerah tu sampe pukul 3 sore ⁴⁵ karano matohari manjadi galap jongon tirai dalam Bait Allah robek manjadi 2 bagian. ⁴⁶ Lalu Yesus baseru jongon suaro kare,"Ya Ayah,ka dalam tangan-Kau Ambo serahkan nyawa-Ambo."Sasudah mangatokan tu,Yesus mangambuskan napas-Nyo na tarakhir. ⁴⁷ Katiko kapalo pasukan maliek apo na ala tajadi,inyo mamuliakan Allah jongon mangeccek,"Sungguh,Urang ikko indak basalah!" ⁴⁸ Katiko urang banyak na datang basamo-samo untuk maliek paristiwa- tu manyaksikan apo na tajadi,sidak pulang sambil mamukkul-mukkul dado sidak. ⁴⁹ Sadonyo na manganal Yesus jongon babarapo padusi na ala mangikkuti-Nyo dari Galilea tagak jauh-jauh jongon manyaksikan hal-hal ikko. Yesus Dikuburkan ⁵⁰ Ado saurang lakki-lakki banamo Yusuf,anggota Dewan panasihat na elok jongon banar. ⁵¹ (Inyo sandiri indak manyatujui kaputusan jongon tindakan sidak).Yusuf barasal dari Kota Arimatea,sabuah kota urang Yahudi.Inyo juo saurang na mananti-nantikan Karajaan Allah. ⁵² Inyo pai kapado Pilatus jongon maminta mayat Yesus. ⁵³ Lalu,inyo pun manurubkan mayat Yesus dari kayu salib jongon mambungkuskannyo jongon kain linen.Satalah tu,inyo mambaringkan-Nyo dalam sabuah kubur na dipahat pado bukkit batu.Di sinun,balum pana ado saurang pun na dibaringkan. ⁵⁴ Hari tu adolah Hari parsiapan,jongon hari Sabat akan lakke dimule. ⁵⁵ Padusi-padusi na datang basamo Yesus dari Galilea mangikkuti Yusuf.Sidak maliek kubur tu jongon maccam mano mayat Yesus dibaringkan di dalammyo. ⁵⁶ Satalah tu,sidak pulang jongon mamparsiapkan rempah-rempah serta minyak untuk mangolesi mayat Yesus.Pado hari Sabat sidak baristirahat sasuei jongon hukum Taurat Musa.