¹ Hari raya Roti Indak Baragi na disabut hari Paskah ala dakke. ² Iman-imam kapalo dan ahli-ahli Taurat mancari caro untuk mambunuh Yesus,karano sidak takkut tahadok urang banyak. Pangkhianatan Yudas ³ Kamudian,masuklah setan ka dalam Yudas,na disabut Iskariot.Inyo adolah salah satu murid. ⁴ Mako,pailah Yudas lalu barunding jongon imam-imam kapalo dan pangawal Bait Allah tantang maccam mano inyo dapek manyerahkan Yesus kapaddo sidak. ⁵ Dan,sidak sanang bana jongon sapakat untuk mangaginyo kepeng. ⁶ Maka,Yudas satuju jongon mulei mancari kasempatan untuk manyerahkan Yesus kapado sidak saat indak ado urang banyak. Hidangan Paskah ⁷ Kamudian,tibolah hari raya Roti Indak Baragi,itulah saat untuk mampersembahkan anak domba Paskah. ⁸ Pado waktu tu,Yesus manyuruh petrus jongon Yohanes,kato-Nyo,"Pai dan parsiapkanlah makkanan Paskah untuk kito makkan." ⁹ Kato sidak kapado Yesus,'Di manokah Kau nandak supayo kami mamparsiapkannyo?" ¹⁰ Jawab Yesus kapado sidak,'Katiko kau ala masuk ka kota,kau akan batamu saurang lakki-lakki na mambaok kendi;ikkutilah inyo ka rumah na akan dimasukinyo, ¹¹ dan katokanlah kapaddo pamilik rumah tu,'Guru batanyo kapado kau:Di manokah ruang tamu tampe Ambo dapek makkan Paskah basamo murid-murid-Ambo?' ¹² Mako,inyo akan manunjukkan kapado kau sabuah ruangan gadang di lante ate,na parabotannyo ala siap.Parsiapkanlah makkanan untuk kito di sinun." ¹³ Lalu,Petrus basamo Yohanes pai jongon mandapei sadonyo tajadi sakiro na dikatokan Yesus jongon sidak pun mamparsiapkan makkanan paskah. Parjamuan Paskah ¹⁴ Katiko ala tibo waktunyo,Yesus jongon paro rasul duduk makkan di sakaliling meja. ¹⁵ Kamudian,Yesus mangeccek kapado sidak,"Ambo nandak bana makkan hidangan paskah ko basamo kau,sabalum Ambo mandarito. ¹⁶ Sabab Ambo mangeccek kapado kau,Ambo indak akkan mamakkannyo lai sampe hal ikko diganapi dalam Karajaan Allah." ¹⁷ Lalu,Yesus mangambik cangki barisi anggur jongon mangucap syukur,kamudian mangeccek,"Ambiklah cangki ko jongon bagikanlaah di antaro kau. ¹⁸ Sabab,Ambo mangeccek kapado kau bahwa mule kini Ambo indak akan minum anggur sampe karajaan Allah datang." ¹⁹ Kamudian,Yesus mangambik roti jongon mangucap syukur,Inyo mamacca-maccakan roti tu jongon mangagikannyo kapaddo sidak sambi mangeccek,"Roti ko adolah tubuh-Ambo na diagikan kapaddo kau;lakkukanlah ikko sabage paringekan akan Ambo.' ²⁰ Damikian juo,satalah makkan,Yesus mangambik cangki anggur jongon mangeccek'Cangki na dituangkan bagi kaau ikko addolah parjanjiaan baru dalam darah-Ambo.Pambaritahuan tantang Urang na Mayerahkan Yesus ²¹ Akan tatapi,lieklah,tangan urang na akan manyerahkan Ambo ado basamo jongon Ambo di meja ikko. ²² Sabab,Anak Manusi akan pai jongon caro sakiro na ala ditetapkan,tatapi bahayolah urang na mangagikan Inyo!" ²³ Murid-murid-Nyo batanyo satu samo lain tantang siapo diantaro sidak na akan malakkukannyo. Jadilah Urang na Malayani ²⁴ Pancakkaan juo tajadi di antaro paro rasul tantang siapokah diantaro sidak na dianggap paling gadang. ²⁵ Akan tatapu,Yesus mangeccek kapaddo siddak,"Rajo-rajo bangsa na indak manando Tuhan bakuaso ate rakyaatnyo,jongon urang-urang na bakuaso ate rajo-rajo tu disabut 'Palindung Rakyat.' ²⁶ Namun,kau jangan sakiro itu.Sabaliknyo,na paling gadang di antaro kau harus batindak sakiro na paling mudo,dan pamimpin harus manjadi sakiro palayan. ²⁷ Siapo na labih gadang,urang na dduduk makkan ato na malayani?Bukkan kan urang na duduk makkan?Namun,Ambo ado di tangah-tangah kau sabage urang na malayani. ²⁸ Kau adolah urang na tetap basamo-Ambo dalam pancuboan-pancuboan-Ambo. ²⁹ Karano tu,Ambo mangagikan kapado kau sabuah karajaan,sakiro na diagikan Bapa-Ambo kapado-Ambo, ³⁰ supayo kau dapej makkan jongon minum sameja jongon-Ambo dalam Karajaan-Ambo.Dan,kau akan duduk di atee takhta untuk manghakimi kaduo bale suku Israel." Petrus akan Manyangkali Yesus ³¹ 'Simon,Simon,dangakan Ambo.Setan manuntut untuk manampi kau sakiro gandum, ³² tatapi Ambo ala badoa untuk kau supayo iman kau jangan gugur.dan,satalah kau batobat,kuekkan lah saudaro-saudaro kau." ³³ Namun,Petrus mangeccek kapado Yesus,"TUhan,ambo siap dipinjari bahkan mati basamo-Kau!" ³⁴ Jawab"Yesus Kapadonyo,"Ambo mangeccek kapado kau,Petrus,hari ikko ayam jantan indak akan bakokok sabalum tigo kali kau manyangkal bahwa kau manando Ambo.' Basiap-Siaplah Manghadopi Kasulitan ³⁵ Kamudian,Yesus batanyo kapado paro murid,'katiko Ambo mangutus kau tanpa sakku kepeng,tas,ato solop,apokah kau kakurangan sasuatu?" Jawab sidak,"Indak." ³⁶ Katon-Nyo kapado sidak,"Namun kini,siapo pun na mampunyoi tas,baoklah.Dan,siapo na indak mampunyoi padang,padialah inyo manjua jubaahnyo jongon mambali padang. ³⁷ Sabab,Ambo mangeccek kapado kau bahwa apo na tatulis dalam Kitab Suci ikko harus diganapi di dalam Ambo, 'Inyo akan tahitung basamo urang-urang badoso.'Yesaya 53:12 Sabab,na tatulis tantang Ambo sadang tajaddi kini." ³⁸ Lalu sidak mangeccek,"Lieklah Tuhan,di sikko ado duo pedang.' Dan,Yesus mangeccek kapado sidak,"Itu cukkup. " Yesus Badoa di Taman Getsemani ³⁹ Kamudian,Yesus kalua jongon pai ka Bukkik Zaitun sakiro na biasa dilakukkan-Nyo;jongon murid-nurid-Nyo juo pai mangikkuti Inyo. ⁴⁰ Katiko Yesus sampe ditampek sidak,"Badoalah supayo kau jangan masuk ka dalam pancuboan." ⁴¹ Kamudian,Yesus manjauhkan diri dari sidak kiro-kiro sajauh sapalemper batu,lalu balutut jongon badoa, ⁴² "Ayah,kok Kau mau,ambikklah cawan ko dari-Ambo.Akan tatapi,janganlah kainginan-Ambo na tajadi,malainkan kainginan-Kau." ⁴³ Satalah tu,saurang malaikat dari surga manampakkan diri kapado-Nyo jongon manguekkan-Nyo. ⁴⁴ Dan,dalampandaritoan-Nyo,Inyo badoa labih sungguh-sungguh lai;karingek-Nyo manjadi sakiro tetesan darah na manetes ka tanah. ⁴⁵ Katiko Yesius salase badoa,Inyo pai kapado murid-murid-Nyo jongon mandapei sidak sadang tidu karano basedih. ⁴⁶ Yesus mangeccek kapado sidak,"Mangapo kau tidu?Jago jongon badoalah supayo kau jangan masuk ka adalam pancuboan."Panangkoan Yesus ⁴⁷ Katiko Yesus masih mageccek,datanglah sarombongan urang;jongon inyo na disabut Yudas,salah satu dari kaduo bale murid tu,mamimpin sidak. Lalu,Yudas mandakkei Yesus untuk mancium-Nyo. ⁴⁸ Akan tatapi,Yesus mangeccek kapadonyo,"Yudas,apokah kau manyarahkan Anak Manusio jongon ciuman?" ⁴⁹ Katiko murid-murid na badiri di sakaliling-Nyo maliek apo na akan tajadi,sidak mangeccek,"Tuhan,haruskah kami manyerang jongon pedang?" ⁵⁰ Kamudian,salah satu dari paro murid tu manyarang palayan Imam Agung hinggo manabus talingo kanannyo. ⁵¹ Akan tatapi Yesus mangeccek,"Ala,Cukkup!"Lalu,Yesus mamacci talingo palayan tu jongon manyambuhkannyo. ⁵² Kamudian,Yesus mangeccek kapado imam-imam kapalo,kapalo pangawal Bait Allah,jongon tuo-tuo na datang manangkok-Nyo,"Mangapo kau sadonyo datang jongon pedang samo pentungan saakan-akan manangkok pancilok? ⁵³ Katiko Ambo basamo kau di Bait Allah satiok hari,kau indak manangkok ambo.Namun,ikkolah saatnyo bagi kau jongon bagi kuaso kagalapan." Petrus Manyangkali Yesus ⁵⁴ Satalah manangkok-Nyo,urang-urang tu pun manggiring jongonmambaok Yesus ka rumah imam gadang.Akan tatapi,Petrus mangikkuti sidak dari jauh. ⁵⁵ Dan satalah urang-urang tu manyalokan api di tangah-tangah halaman jongon duduk basamo-samo,Petrus juo duduk di antaro sidak. ⁵⁶ Namun,saurajng palayan padusi na maliek Petrus duduk di dakke parapian tu mangamati mukko Petrus lalu mangeccek,"Urang ikko jupo basamo jongon-Nyo." ⁵⁷ Akan tatapi,petrus manyangkal,katonyo,"Hai padusi,ambo indakmanando Inyo." ⁵⁸ Indak lamo kamudian,saurang na lain malieknyo jongon mangeccek,"Kau juo tarmasuk salah satu dari sidak!" Namun Petrus mangeccek,"Indak,ambo bukkan salah satu dari sidak!" ⁵⁹ Kiro-kiro satu jam kamudian,saurang na lain lai mangeccek jongon yakkin,"Pasti urang ikko juo basamo jongon-Nyo,sabab inyo juo urang Galilea." ⁶⁰ akan tatapi,Petrus mangeccek,"Ambo indak tau apo na kau keccekkan!"Saat tu juo ,salagi Petrus masih mangeccek,bakokoklah ayam jantan. ⁶¹ Lalu,bapalinglah Yesus jongon mamandang Petrus.Dan,Petrus taringek akan pangeccean Yesus,bahwa Inyo mangeccek kapadonyo,"Sabalum ayam jantan berkoko hari ko,kau ala manyangkali Ambo sabanyak tigo kali." ⁶² Kamudian Petus pai ka lua jongon manangi jongon amat sadih.Panjago Manganiaya Yesus ⁶³ Urang-urang na manahan Yesus mule mangejek jongon mangampoki-Nyo. ⁶⁴ Sidak manutup mato-Nyo jongon mangeccek,"Banubuatlah!Siapo na mangampok Kau?" ⁶⁵ Sidak juo mangatokan banyak hal lain na manantang-Nyo jongon manghina-Nyo.Yesus di Mukko Pamimpin Yahudi ⁶⁶ Barisuknyo harinyo,tuo-tuo pamimpin Yahudi,imam-imam kapalo,samo ahli-ahli Taurat bakumpu jongon mambaok Yesus ka Mahkamah Agama sidak. ⁶⁷ Sidak mangeccek,'Kok Kau adolah Mesias,katokanlah kapado kami."Namun Yesus mangeccek kapado sidak,"Kok Ambo mangagi tau kau,kau indak akan piccayo kapado-Ambo. ⁶⁸ Dan kok Ambo batanyo kapado kau,kau indak akan manjawab. ⁶⁹ Akan tatapi,mulei kini anak Manusio akan duduk disabalah kanan Allah Na Mahakuasa." ⁷⁰ Sidak sadonyo mangeccek,"Kok baitu,apokah Kau Anak Allah?" Yesus manjawab sidak,"Kaulah na mangatokan bahwa Ambolah Inyo." ⁷¹ Kamudian sidak mangeccek,"Kasaksian apo lai na kito butuhkan?kito ala mandanganyo sandiri dari mulut-Nyo!"