¹ Mako, masuklah yesus jongon malewati Kota Yerikho. ² Di sinun ado saurang lakki-lakki banamo Zakheus, inyo iyolah kapalo pangumpu pajak jongon saurang na kayo. ³ Inyo barusaho maliek Yesus, tatapi indak dapek karano tahalang urang banyak; sabab badannyo pendek. ⁴ Jadi,, Zakheus balari mandaluani urang banyak jongon mamanjet sabuah batang ara untuk maliek Yesus karano Inyo akan malewati jalan tu. ⁵ Katiko Yesus sampe di tampek Zakheus barado,Inyo manangadah jongon mangeccek kapadonyo,"Zakheus,lakkelah turun karano hari ikko Ambo harus manunmpang di rumahkau." ⁶ Mako,Zakheus pun lakke turun jongon manarimo Yesus jongon basukacito. ⁷ Namun,katiko sadonyo urang maliek hal tu,sidak mule manggarutu jongon mangeccek,"Inyo manjadi tamu dirumah saurang na badoso." ⁸ Kamudian,Zakheus tagak jongon mangeccek kapado Tuhan,"Tuhan lieklah,satangah dari harto ambo akan ambo agikan kapado urang miskin,dan jika ambo ala manggalapkan harta sasaurang,ambo akan mangambalikannyo 4 kali lipek." ⁹ Mako,Yesus mangeccek kapado Zakheus,"Pado hari ko,kasalamatan ala datang ka ate rumah ko karano urang ko pulo anak Abraham. ¹⁰ Sabab,Anak Manusio datang untuk mancari jongon manyalamatkan na hilang." Hamba na Satio jongon Hamba na Jahek ¹¹ Samantaro sidak mandangakan sadonyo ikko,Yesus malanjutkan jongon mancaritokan saince parumpamoan karano Inyo ala dakke jongon Yerusalem dan karna sidak manyangko bahwa Karajaan Allah akan lakke datang. ¹² Oleh karano itu,Inyo pun mangeccek,"Saurang bangsawan pai ka nagari na jauh untuk diangkek manjadi rajo,jongon satalah itu inyo akan pulang. ¹³ Kamudian,tuan tu mangumpukan sappuluh urang palayannyo jongon mangagi sidak kepeng sagadang 10 mina. Katonyo kapado sidak,Badaganglah manggunokan kepeng ko sampe ambo kambali.' ¹⁴ Akan tatapi,urang-urang sabangsonyo mambanci inyo jongon mangirimkan parwakilan satala inyo barangkek untuk mangeccek,'Kami indak mau urang ko manjadi rajo ate kami.' ¹⁵ Satala diangkek manjadi rajo, bangsawan tu kambali hamba-hamba na ala di aginyo kepeng tu di imbo manghadoknyo supayo inyo dapek mangatahui barapo gadang kauntungan na sidak dapekkan dari badagang. ¹⁶ Palayan na duluan datang jongon mangeccek, 'Tuan, kepeng 1 mina punyo kau itu ala manghasilkan 10 mina lai.' ¹⁷ Rajo tu mangeccek kapadonyo, 'Rancak bana, hai kau hamba na elok! Karano kau satio dalam urusan na ketek, kau akan mamarinto ate sappulu kota.' ¹⁸ Palayan na kaduo pun datang jongon, 'Tuan, kepeng 1 mina punyokau tu ala manghasilkan 5 mina.' ¹⁹ Lalu, sang rajo mangeccek kapado hamba tu, 'Bakuasolah kau ate 5 kota.' ²⁰ Kamudian, datnglah hamba na satu lai jongon mangeccek, 'Tuan, ikko kepeng 1 mina punyokau na ambo simpan dalam sapu tangan. ²¹ Ambo, takkut kapado kau sabab kau urang na kare. Kau mangambik apo na indak pana kau simpan jongon mamanen apo na indak pana kau tanam.' ²² Kamudian, rajo tu mangeccek kapadonyo, 'Ambo akan mangadili kau sasue jongon pangeccean kau, hai kau hamba na jahek! Jadi, Kau tau bahwo ambo adolah urang na kare, na mangambik apo na indak pana ambo simpan jongon mamanen apo na indak ambo tanam? ²³ Kok baitu, mangapo kau indak malatakkan kepengtu di tampek urang manjalankan kepeng sahinggo katiko ambo kambali, ambo aka manarimo kepeng ambo tu baserta jongon bungonyo?' ²⁴ Lalu, rajo tu mangeccek kapado urang-urang na tagak disitu, 'Ambik mina tu darinyo jongon agikanlah kapado urang na mampunyoi 10 mina,' ²⁵ Namun, sidak mangeccek kapado sang rajo, 'Tuan, hamba tu ala mampunyoi 10 mina.' ²⁶ Jawab rajo tu,'Ambo mangeccek kapado kau,satiok urang na mampunyoi akan di agi labih,tatapi dari urang na indak mampunyoi apopun,sadonyo na punyo nyo akan diambik. ²⁷ Akan tatapi,tantang musuh-musuh ambo na indak manginginkan ambo manjadi rajo ate sidak, baoklah sidak kasikko jongon bunuhlah sidak di mukko ambo."' Yesus Disambut Sabagai Rajo ²⁸ Satalah Yesus mangatokan hal-hal tu,Inyo bajalan diluan manuju Yerusalem. ²⁹ Katiko Inyo sampe di dakke desa Betfage jongon Betania,dakke bukkit banamo Bukkit Zaitun,Inyo mangutus duo urang murid-Nyo. ³⁰ Keccek-Nyo kapado sidak,"Pailah kadesa na ado dimukko kau tu.Jongon,katiko kau masuk kasinun,kau akan maliek saikku anak keledai na takabek jongon balun pana dinaiki urang.Lapekanlah anak keledai tu jongon baoklah kasikko. ³¹ Jiko ado urang batanyo kapado kau,'Mangapo kau mambaok keledai tu?',Katokanlah baikko:Tuhan mamarlukannyo." ³² Lalu,pailah kaduo murid na diutus-Nyo tu jongon manamukan sagalo sasuatonyo tapek sakiro na ala dikatokan-Nyo kapado sidak. ³³ Salagi sidak malapekan anak keledai tu,pamiliknyo batanyo kapado sidak,"Mangapo kau malapekan anak keledai tu?" ³⁴ Sidak pun manjawab,"Tuhan mamarlukannyo." ³⁵ Lalu,sidak mambaok anak keledai tu kapado Yesus jongon malatakkan pakkeannyo di ate punggung keledai tu,kamudian manaikkan Yesus ka atenyo. ³⁶ Katiko Yesus malewati jalanan,urang-urang mambanetangkan pakkean sidak di jalan. ³⁷ Jongon,Katiko Yesus ala samakkin dakke Yerusalem,yaitu di jalan na manurun dari arah bukkik Zaitun,saddonyo pangikkuk-Nyo mulei mamuji Allah jogon basukacito jongon suaro na nyaring. Sidak barsyukur kapado Allah ate sadonnyo mukjizat na ala sidak liek. ³⁸ Sidak baseru, "Diberkatilah Inyo na datang sabage Raja dalam namo Tuhan, damai sejahtera di sorga jongon kamulian di tampek na mahatinggi!" Mazmur 118:26 ³⁹ Babarapo urang Farisi dari karumunan urang banyak tu mangeccek kapado Yesus,"Guru,Sapolah murid-murid-Kau." ⁴⁰ Akan tatapi,Yesus manjawab,"Ambo mangeccek kapado kau,ko sidak diam,batu-batu ikkolah na akan baseru-seru."Yesus Manangisi Yerusalem ⁴¹ Saat Yesus ala di dakke Yerusalem jongon kota tu,Inyo pun manangisinyo. ⁴² Keccek-Nyo,"Saandainyo hari ikko kau tau apo na mandatangkan damai sejahtera ate kau.Akan tatapi,kini hal ikko tasambunyi dari matokau. ⁴³ Sabab akan datang waktunyo katiko musuh-musuh kau akan mambangun tembok panghalang di sakaliling kau jongon mangepung kau dari sadonyo arah. ⁴⁴ Sidak akan maruntuhkan kau,engkau basamo anak-anak kau na balindung pado tembok kau.Jongon,sidak indak akan manyisakan saince batu na lain di dalam ksu sabab kau indak manganali waktu katiko Allah malawatkau." Yesus Mangusir Urang-Urang na Bajualan di Bait Allah ⁴⁵ Kamudian,Yesus masuk ka Bait Allah jongon mule mangusir kalua urang-urang na bajualan di sinun. ⁴⁶ Kato-Nyo kapado sidak,"Ado tatulis:'Rumah-Ambo akan manjadi rumoh doa,'tatapi kau ala manjadikannyo sabage sarang parampok!" ⁴⁷ Lalu,Yesus mangajar di Bait Allah satiok hari.Namun,imam-imam kapalo,ahli-ahli Taurek,jongon paro pamimpin bangsa tu mancari caro untuk mambunuh-Nyo. ⁴⁸ Akan tatapi,sidak indak tau baapo malakkukannyo sabab sadonyo urang mamacci taguh pangeccean Yesus.