¹ Kamudian, Yesus mancaritokan sabuah parumpamaan kapado murid-murid-Nyo untuk mangagi tau sidak bahwa sidak harus salalu badoa dan indak bakecil hati. ² Kato-Nyo, "Di sabuah kota, ado saurang hakim nan indak takkut kapado Allah dan indak manghormati urang lain. ³ Dikota itu, ado saurang janda nan tarus-manarus datang kapado hakim itu dan mangecek, 'Agikanlah kaadilan kapado ambo tahadap lawan ambo.' ⁴ Untuk babarapo waktu,sang hakim indak maumanolong janda itu. Akkan tatapi, kamudian hakim itu mangecek di dalom hatinyo, 'Meskipun ambo indak takkut Allah dan indak manghormati siapo pun, ⁵ Tatapi karano janda ikko tarus-manarus mangganggu ambo, ambo akkan mangagikan kaadilan kapadonyo supayo indak manyusahkan ambo jongon kadatangannyo nan tarus-manarus itu." ⁶ Lalu, Tuhan mangecek, "Dangakanlah apo nan dikatokan hakim nan indak adil itu. ⁷ Indak kah Allah akkan magagi kaadilan kapado urang-urang pilihan-Nyo nan basaru kapado-Nyo siang dan malam? Apokah Innyo akkan manunda-nunda sampe lamo untuk manolong sidak? ⁸ Ambo mangecek kapado kau, Innyo akkan sagaro mangagi kaadilan kapado sidak. Akkan tatapi, katiko Anak Manusio datang, apokah Innyo manemukan iman di bumi?" PARUMPAMAAN URANG FARISI PANGUMPUL PAJAK ⁹ Yesus juo manyampekan parumpamaan ikko kapado babarapo urang nan manganggap diri sidak benar dan mamandang randah urang lain. ¹⁰ Ado duo urang pai ka Bait Allah untuk badoa. Nan saurang adolah urang Farisi dan nan lain adolah saurang pangumpul pajak. ¹¹ Urang Farisi itu badiri dan manguccapkan doa tantang dirinyo, 'Ya, Allah, ambo batarimo kasih kapado-Kau karano ambo indak maccam urang lain; maccam pameras, panipu, pazina, atau bahkan maccam pangumpul pajak ikko. ¹² Ambo bapuaso duo kali saminggu, ambo mangagi sapersepuluhan dari saluruh panghasilan ambo.' ¹³ Akkan tatapi, si pangumpul pajak badiri agak jauh, bahkan indak mamandang ka langit. Sabaliknyo, innyo mamukkul-mukkul dadanyo sambil mangecek, 'Ya, Allah. Babaleh kasihlah kapado ambo, si pandosa ikko.' ¹⁴ Ambo mangecek kapado kau, pangumpul pajak ikko pulang karumahnyo sabagai urang nan labih di benarkan dari pado urang Farisi itu sabab urang nan maninggikan diri akkan di randahkan, dan urang nan marandahkan diri akkan ditinggikan." YESUS DAN ANAK-ANAK ¹⁵ Lalu, urang-urang mambawo anak-anak sidak nan masih ketek kapado Yesus supayo Innyo manjamah sidak. Akkan tatapi, katikoparo murid malieknyo, sidak mulai mamberangi urag-urang itu. ¹⁶ Namun, Yesus mangimbo anak-anak itu untuk datang kapado-Nyo dan mangecek, "Biakanlah anak-anak ketek itu datang kapado-Ambo,jangan halangi sidak sabab Karajaan Allah adolah milik urang-urang maccam sidak ikko. ¹⁷ Ambo mangatokan nan sasunggunyo kapado kau, siapo pun nan indak manarimo Karajaan Allah maccam Karajaan Allah maccam saurang anak ketek, innyo indak akkan panah masuk ka dalomnyo." URANG KAYO DAN KARAJAAN ALLAH ¹⁸ Ado saurang pamimpin sidak nan batanyo kapado Yesus, "Guru nan baik, apo nan harus ambo lakkukan untuk dapek mawarisi hidup nan kekal?" ¹⁹ Jawab Yesus kapadonyo, "Mangapo kau indka manyebut Ambo baik? Indak ado saurang pun nan baik kacuali Allah sandiri. ²⁰ Kau tau tantang hukkum-hukkum ikko: 'Janganlah bazina, jongon mambunuh, jangan mancuri, jangan mangagi kasaksian palsu, sarto hormatilah ayah dan ibumu.''' ²¹ Jawab urang itu, "Ambo ala mamaati sadonyo itu sajak ambo masih mudo." ²² Katiko Yesus mandangakannyo, Innyo mangecek kapado urang itu, "Masih ado sabua hal nan kurang. Juallah sadonyo nan kau milikki dan bagikanlah kapado urang-urang miskin, mako kau mampuyoi harto di surga; dan marilah ikkutlah Ambo." ²³ Katiko urang itu mandanga pangecekan Yesus itu, innyo manjadi sangat sedih sabab innyo sangat kayo. ²⁴ Kamudian Yesus mamandang innyo dan mangecek dan mangecek, "Batapo sulitnyo bagi urnag-urang kayo untuk masuk ka dalom Karajaan Allah! ²⁵ Bahkan, labih mudah bagi saekkor unta masuk malalui lubang jarung dari pado urang kayo masuk ka dalom Karajaan Allah." PANGIKKUT YESUS AKKAN MANARIMO HIDUP KEKAL ²⁶ Urang-urang nan mandangakan pangecekan itu mangecek, "Kalau baitu, siapokah nan bisa di salamekkan?" ²⁷ Jawab Yesus, "Apo nan mustahil bagi manusio adolah mungkin bagi Allah." ²⁸ Lalu, Petrus mangecek, "Lieklah, kami ala maninggakan sadonyo nan kami milikki dan mangikkut Kau." ²⁹ Yesus mangecek kapado sidak, "Amabo mangatokan nan sasungguhnyo kapado kau, indak saurang pun nan ala manggikan rumah, istri, saudaro-saudaro, urang tuo, atau anak-anaknyo dami Karajaan Allah, ³⁰ nan indak akkan manarimo hal-hal itu balipek ganda pado maso ikko, dan pado maso nan akkan datang, yaitu hidup nan kekal." PAMBARITAUAN TANTANG KAMATIAN DAN KABANGKITAN YESUS ³¹ Lalu, Yesus mangumpulkan kaduo bale murid-Nyo dan mangecek kapado sidak, "Danga, kito akkan pai ka yerusalem dan sagalo sasuatu nan ala tatulis oleh paro nabi tantang Anak Manusio akkan di genapi. ³² Innyo akkandi sarahkan kapado urang-urang nan indak manando Allah. Innyo akkan di ejek, dianiayo, dan diludahi. ³³ Dan, sasudah sidka mancambuk-Nyo. Akkan tatapi, pado haru nan katigo, Innyo akkan bangkit kambali." ³⁴ Namun, paro murid indak mangerti satu pun dari hal-hal ikko. Arti parkatoan itu tasambunyi bagi sidak sahinggo sidak mamahaminyo apo pun nan ala dikatokan. YESUS MANYAMBUHKAN URANG BUTO ³⁵ Pado saat Yesus hampir tiba di Kota Yerikho, ado saurang buto nan sadang duduk di pinggir jalan sambil mangemis. ³⁶ Katiko urang buto itu mandangakan urang banyak lewat, innyo mananyokan apo nan sadang tajadi. ³⁷ Dan, urang-urang mangecek kapadonyo, "Yesus dari Nazaret sadang lewat." ³⁸ Mako, baserulah urang buto itu, "Yesus, Anak Daud, kasihanilah ambo!" ³⁹ Urang-urang nan bajalan di depan rombongan, mamberangi urang buto itu dan manyuruhnyo diam. Akan tatapi, innyo malah basurak labih kare, "Anak Daud, kasihanilah ambo!" ⁴⁰ Lalu Yesus barhanti dan manyuruh agar urang buto itu mambawo kapado-Nyo. Katiko urang buto itu mandakkek, Innyo batanyo kapadonyo, ⁴¹ "Apo nan kau inginkan supayo Ambo pabuek bagi kau?" Urang buto itu manjawab, "Tuhan ambo mau mato ambo bisa maliek." ⁴² Yesus mangecek kapadonyo, "Malieklah, iman kau ala manyambuhkan kau." ⁴³ Sakatiko itu juo, innyo juo dapek maliek dan mulai mangikkuti Yesus sambil mamuji Allah. Katiko urang banyak maliek hal itu, sidak juo mamuji Allah.