¹ Ala banyak urang barusaho manyusun sabuah catatan tantang paristiwo-paristiwo na ala tajadi di tangah-tangah kito, ² sakiro halnyo catatan na ala disampekan kapado kito oleh urang-urang na ala sajak samula ala manjadi saksi mato samo pambarito Firman. ³ karano ambo ala mampalajari sadonyo jongon taliti dari samulo,eloklah ambo juo manuliskannyo sacara barurutan bagi kau,hai Teofilus na mulio, ⁴ supayo engkau dapet mangatahui kabanaran tantang hal-hal na ala diajarkan kapado kau. ⁵ Pado masa pamarintahan Herodes,Raja Yudea,ado saurang imam banamo Zakharia na barasal dari kalompok imam Abia.Istrinyo barasal dari katurunan Harun,samo namanyo adolah Elisabet. ⁶ Zakharia samo Elisabet adolah urang-urang na benar di mato Allah.Sidak hidup indak bacela sasuei jongon hukum samo parinta Tuhan. ⁷ Akan tatapi,sidak indak mampunyoi anak karano Elisabet mandul samo kaduonyo ala tuo bana. ⁸ Ketika tibo giliran rombongan nyo untuk batugas,Zakharia mandapek tugas untuk manjadi imam dimukko Allah. ⁹ Manurut kabiasaan kaimanan,Zakharia tapilih badasarkan undian untuk masuk ka Bait Allah samo mambakkar ukupan. ¹⁰ Pado saat ukupan diparsambahkan,saluruh umat badoa diluar. ¹¹ Tibo-tibo,malaikat Tuhan manampakkan diri kapado zakharia samo badiri disabalah kanan altar ukupan. ¹² Ketika maliek malaikat tu,Zakharia manjadi gemetar samo katakutan bana. ¹³ Akan tatapi,malaikat tu bacakkap kapadonyo,"jangan takut,Zakharia,sabab doa parmohonan kau ala di danga.Istri kau,Elisabet,akan malahirkan saurang anak lakki-lakki bagi kau samo kau akan manamoinyo Yohannes. ¹⁴ Kau akan basukacito samo bagambira,samo banyak urang juo akan ikkut basukacito ate kalahirannyo. ¹⁵ Inyo akan manjadi gadang di mukko Tuhan samo indak akan minum anggur ato ,minuman kare lainnyo.Bahkan, sajak dari dalam kandungan ibunyo inyo akan dipanuhi oleh Roh Kudus. ¹⁶ Inyo akan mambuek banyak urang Israel babalik kapado Tuhan Allah sidak. ¹⁷ Inyo akan bajalan mandahului Tuhan jongon roh samo kuasa Elia,'untuk mambuek hati ayah-ayah babalik kapado anak-anak sidak'. Inyo juo akan mambuek urang-urang na indak taat untuk babalik kapado hikmat urang-urang benar.jongon damikian,inyo mamparsiapkan umat na ala disadiakan bagi Tuhan." ¹⁸ Zakharia bacakkap kapado malaikat tu,"Maccam mano kah ambo akan mangatahui tantang hal ko?sabab,ambo ko ala tuo samo istri ambo juo ala lanjut usia." ¹⁹ Malaikat tu manjawab,"Ambo adolah Gabriel,malaikat na badiri dimukko Allah.Ambo diutus untuk babicaro jongon kau samo manyampekan kabar baik ko kapado kau. ²⁰ Namun kini dangalah!kau akan manjadi bisu samo indak dapek babicaro sampe pado hari ketika hal-hal ko tajadi karano kau indak piccayo pado perkataan ambo,na akan diganapi pado waktunyo." ²¹ Samantaro tu,umat manunggu Zakharia.Sidak batanyo-tanyo ,mangapo Zakharia barado tarlalu lamo di dalam Bait Allah. ²² Katiko kaluar,Zakharia indak dapek babicaro kapado sidak.Sidak pun tau bahwa Zakharia ala mandapek pangaliekan di dalam Bait Allah sabab inyo tarus-manarus mambuek isyarat kapado sidak,tatapi indak babicaro. ²³ Satalah jangka waktu tugas kaimamannyo barakhir,pulanglah Zakharian ka rumahnyo ²⁴ Satalah paristiwa tu,Elisabet hamil samo manyambunyikan diri salamo limo bulan.Inyo bacakkap, ²⁵ "Ikkolah na ala Tuhan lakukan kapado kau.Inyo mamparhatikan ambo samo manghapus aib ambo dari antaro banyak urang." ²⁶ pado waktu usia kahamilan Elisabet barusia anam bulan,Allah mangutus malaikat Gabriel ka sabuah kota di wilayah Galilea,na banamo Nazaret. ²⁷ Inyo diutus untuk manamui saurang perawan na batunangan jongon saurang lakki-lakki na banamo Yusuf,katurunan Daud.Namo perawan tu adolah Maria. ²⁸ Lalu,malaikat tu datang kapado Maria samo bacakkap,"salam,hai engkau na dibarkati!Tuhan baserta kau." ²⁹ Mandanga perkataan tu,Maria manjadi heran.Inyo batanyo-tanyo dalam hatinyo tantang arti salam tu. ³⁰ malaikat tu bacakkap kapadonyo,"jangan takkut,Maria,karano Allah ala mangagikan kasih karania-Nyo kapado kau. ³¹ Dangalah,engkau akan hamil samo malahirkan saurang Anak lakki-lakki,samo engkau ³² manamoi-Nyo Yesus.Inyo akan manjadi gadang samo akan disabut Anak Allah Na Mahatinggi.Tuhan Allah akan mangagikan-Nyo tahkta Daud,nenek moyang-Nyo. ³³ Inyo akan mamarintah ate katurunan Yakub untuk salamo-lamonyo samo karajaan-Nyo indak akan pana barakhir. ³⁴ Lalu,Maria bacakkap kapado malaikat tu,"Maccam mano hal ko akan tajadi sadangkan ambo balum basuami?" ³⁵ Malaikat tu manjawab samo bacakkap samo bacakkap kapdonyo,"Roh Kudus akan datang ate kau samo kuasa Allah Na Mahatinggi akan manaungi kau.Itulah sababnyo,Anak na akan lahir tu adolah kudus samo akan disabut Anak Allah. ³⁶ Samo,katahuilah bahwa Elisabet,saudara kau tu sadang mangandung juo pada usia tuonyo.Inyo na dahulu disabut mandul,kini ala hamil salamo anam bulan. ³⁷ Samo,indak ado hal na mustahil bagi Allah." ³⁸ Samo,Maria bacakkap,"Sasungguhnyo,ambo ini hamba tuhan.Tajadilah pado ambo sakiro na engkau katokan tu."Kamudian,malaikat tu pai maninggalkannyo. ³⁹ Pado hari-hari tu,Maria basiap-siap untuk lakke pai ka daerah pagunungan,kasuatu kota Yehuda. ⁴⁰ Inyo masuk ka rumah Zakharia samo mambari salam kapado lisabet. ⁴¹ Katiko Elisabet mandanga salam dari Maria,anak didalam kandungannyo malompek samo Elisabet dipanuhi Roh Kudus. ⁴² Kamudian Elisabet basaru jongon suara kare,"Dibarkatilah engkau di antario sadonyo padusi,samo dibarkati lah buah kandungan kau. ⁴³ Siapokah ambo ko sahinggo ibu Tuhan kau datang kapado ambo? ⁴⁴ Sungguh,katiko suara salam kau sampe ka talingo ambo,anak dalam kandungan kau malompek karano sukacito. ⁴⁵ Babahagiolah inyo na piccayo bahwa apo na dikatokan tuhan kapadonyo akan diganapi." ⁴⁶ Lalu,bacakkaplah Maria,"Jiwa ambo mamuliakan Allah, ⁴⁷ samo Roh ambo basukacito di dalam Allah,Juru Selamat ambo. ⁴⁸ Sabab,Allah ala mamparhitungkan hamba-Nyo na hina ko. Dangalah,mulei kini samo satarusnyo,saluruh generasi akan manyabut ambo babahagia. ⁴⁹ Karano Inyo Na Mahakuasa ala malakukan hal-hal na gadang kapado ambo,samo kudslah namo-Nyo. ⁵⁰ Rahmat-Nyo diagikan dari ganarasi ka ganarasi, kapado urang-urang na takkut akan Inyo. ⁵¹ Inyo ala manunjukkan kuasa-Nyo jongon tangan-Nyo. Inyo mancerai-beraikan urang-urang na sombong dalam pikkiran hatinyo. ⁵² Inyo manurunkan para panguasa dari tahkta sidak, samo maninggikan urang-urang na rendah hati. ⁵³ Inyo ala mangayangkan urang na lapa jongon kabaikan, tatapi mangusir urang kayo pai jongon tangan kosong. ⁵⁴ Allah ala mangagikan pertolongan kapado Israel,hamba-Nyo,karano mangingek rahmat-Nyo. ⁵⁵ Sabagaimano na ala Inyo katokan kapado nenek moyang kito, apado Abraham samo katurunannyo untuk salamo-lamonyo." ⁵⁶ Samo,Maria tingga basamo Elisabet kiro-kiro tigo bulan lamonyo,lalu inyo pulanh ka rumahnyo. (Kalahiran Yohanes Pambaptis) ⁵⁷ Kini tibolah waktunyo bagi Elisabet untuk malahekan samo inyo malahekan saurang anak lakki-lakki. ⁵⁸ Para tetangga samo kaluarganyo mandanga bahwa Tuhan ala manunjukkan rahmat-Nya na gadang kapado Elisabet,samo sidak turut basukacito basamo jongon inyo. ⁵⁹ Pado hari na kadalapan,sidak datang untuk manyunatkan anak tu.Sidak hendak manomai anak tu zakharia,sakiro namo ayahnyo. ⁶⁰ Akan tatapi,ibunyo bacakkap,"Indak,inyo akan dinamoi Yohannes." ⁶¹ Urang-urang tu bacakkap kapado Elisabet,"Indak ado saurangpun di antaro sanak-saudara kau na dinamoi jongon namo tu." ⁶² Kamudian,sidak mangagi isyarat kapado zakharia untuk mananyakan kapadonyo,namo apo na ingin diagikannnyo kapado anaknyo tu. ⁶³ Zakharia maminta sabuah papan tulis,samo manulis sakiro ikko:"Namonyo Yohannes."Samo,sadonyo urang manjadi heran. ⁶⁴ Sakatiko tu juo,mulut Zakharia tabukka samo lidahnyo tabebas.Inyo pun mulei babicaro samo mamuji Allah. ⁶⁵ Sadonyo tetangga sidak manjadi takkut samo kajadian ko manjadi bahan pambicaroan disaluruh desa parbukitan Yudea. ⁶⁶ Samo,sadonyo urang na mandanga hal ko batanyo-tanyo dalam hati sidak,"Akan manjadi apokah anakko nanti?"Sabab,tangan Tuhan manyertainyo. ⁶⁷ Zakharia,ayah Yohannes, juo dipanuhi jongon Roh Kudus samo banubuat,katoyo, ⁶⁸ "Tapujilah Tuhan,Allah Israel sebab Inyo ala malawat samo manabus umat-Nyo ⁶⁹ Inyo ala mambangkitkan tanduk kasalamatan untuk kito dari katurunan Daud,hamba-Nyo, ⁷⁰ Sakiro na Inyo firmankan malalui mulut nabi-nabi-Nyo na kkudus sajak dahulu kala ⁷¹ supayo kito disalamatkan dari musuh-musuh kito, samo dari tangan sadonyo urang na mambanci kito. ⁷² Inyo malakukannyo untuk manunjukkan rahmat kapado nenek moyang kito, samo karano Inyo ingat akan parjanjian-Nyo na kudus, ⁷³ yaitu sumpah na Inyo ucapkan kapado nenek moyang kito,Abraham, ⁷⁴ bahwa kito akan dibebaskab dari tangan musuh-musuh kito supaya kito dapek malayani-Nyo tanpa raso takkut, ⁷⁵ dalam kakudusan samo kabanaran di mukko-Nyo,saumur hidup kito. ⁷⁶ Samo engkau,anak ambo,akan disabut nabi Allah Yang Mahatinggi, sabab engkau akan bajalan mandahului Tuhan,untuk memparsiapkan jalan bagi-Nyo. ⁷⁷ Untuk mangagikan pangartian tantang kasalamatan kapado umat-Nyo malalui pangampunan ate dosa-dosa sidak. ⁷⁸ Karano rahmat samo belas kasih Allah kito, sinar Matahari akan manyinari kito dari tampek tinggi ⁷⁹ untuk manyinari sidak na tinggal dalam kagalapan samo na barado dalam bayang-bayang maut, untuk manuntun kakki kito manuju ka jalan damai sejahtera." V 80Maka,anak tu batumbuh samakkin besar,samo samakkin kuat di dalam roh.Inyo tingga di padang belantara sampe tibo waktunya untuk manunjukkan diri kapado bangsa Israel.