¹ Salam dari Yesus palayan Allah jongon Tuhan Yesus kristus,kapado kaduo bale suku na tasebar di saluruh dunio. Ujian Iman Manghasilkan Katabahan ² Saudaro-saudaro ambo anggoklah sabagai suatu sukacito kok kau jatuh ka dalam bamaccam pancuboan. ³ Sabab,kau tau bahwa ujian tahadop iman kau manghasilkan katabahan. ⁴ Padialah katabahan mangagikan hasil na panuh supayo kau manjadi sampurna jongon utuh,indak kakurangan apo-apo. ⁵ Akan tatapi,kok di antaro kau ado na kakurangan hikmat,hendaklah inyo mamintanyo kapado Allah,na jongon murah hati mangagi kapado sadonyo urang tanpa mancela,jongon itu akan diagikan kapadonyo. ⁶ Namun,inyo harus mamintanyo jongon iman samo indak bimbang karano urang na bimbang adolah sakiro galombang laut,ditiuk angin ka sinun kamari. ⁷ Urang sakiro tu janganlah mangiro akan manarimo sasuatu dari Tuhan. ⁸ Urang na manduo hati indak akan tanang dalam sadonyo jalan hidupnyo.kakayaan na Sabanarnyo ⁹ Padialah sodaro na hidup sadarhana bangga saat inyo ditinggikan, ¹⁰ jongon urang kaya saat inyo ditampekkan pado kaadaan na randah karano sakuiro bungo rumput,inyo akan lanyap. ¹¹ Sabab,matohari tarbit jongon panenyo na samakkin tarik,jongon malayukan rumput,buganyo gugur,jongon kaindahannyo pun lanyap.Damikian juo,urang kaya akan lanyap di tanga-tanga usahonyo. Pancuboan Indak Datang dari Allah ¹² Dibarkatilah urang na tabah dalam pancuboan karano satalah inyo tabukti tahan uji,inyo akan manarimo mahkota kahidupan na dijanjikan kapado na mangasihi Inyo. ¹³ Kok sasaurang dicuboi,janganlah inyo bakato,"Ambo sadang ducuboi allah."Sabab,Allah indak dapek dicuboi oleh si Jahek jongon Inyo sandiri indak mancuboi siapo pun. ¹⁴ Namun,satiok urang dicuboi katko inyo diseret jongon dipikat oleh kainginannyo sandiri. ¹⁵ Katiko kainginan dibuohi,inyo akan malahekan dosa jongon katiko dosa manjadi matang,inyo akan malahekan maut. ¹⁶ Saudaro-saudarao na ambo kasihi,jangan sasek. ¹⁷ Satiok pambarian na elok jongon satiok pambarian na sampurna datang dari ate,diturunkan dari Ayah sagalo tarang,pada-Nyo indak ado parubahan atau partukaran bayangan. ¹⁸ Ate kahendak-Nyo sandiri,Inyo manjadikan kito jongon firman kabanaran supayo kito manjadi buah sulung dari sadonyo ciptaan-Nyo.Mandanga jongon Malakukan Firman Tuhan ¹⁹ Soudaro-saudaro na ambo kasihi,parhatikanlah ikko:hendaklah tiok-tiok urang lakke untuk mandanga,tatapi lambat untuk mangeccek,jongon lambat untuk berang. ²⁰ Sabab,amarah manusio indak mangarajokan kabanaran Allah. ²¹ Karano tu,buanglah sagalo katidaksucian jongon banyaknyo kajahatan,samo tarimolah jongon kalemahlembutan firman Allah na ala tatanam di dalam kau,na sanggup manyalamatkan jiwa kau. ²² Jadilah pelaku firman jongon bukkan hanyo pandanga sajo;Kok indak kau manipu diri sandiri. ²³ Sabab,kok urang mandanga firman,tatapi indak malakukannyo,inyo sakiro urang na sadang mamparhatikan mukkonyo di kacco. ²⁴ Stalah mangamati dirinyo jongon pai,inyo lakke lupo sakiro apo wajahnyo tadi. ²⁵ Namun,urang na manaliti hukum na sampurnamyaitu hukum na mamerdekakan,jongon batekun di dalomnya,inyo indak manjadi pandanga na lupo,tatapi manjadi palaku firman,inyo akan dibarkati ate apo na dilakukannyo.Ibadah na Benar kapado Allah ²⁶ Jiko sasaurang mangiro bahwo inyo iyolah urang na taat baribadah, tatapi inyo indak dapek mangandalikan lidahnyo, inyo manipu hatinya sandiri. Kataatannyo tu sio-sio. ²⁷ Ibadah na murni dan indak tacela di mukko Allah dan Ayah kito iyolah mangunjungi anak-anak yatim piatu jongon jando-jando dalam pandaritoan sidak, dan manjago dirinya surang supayo indak dicemari samo dunio.