¹ Suatu hari,Petrus jongon Yohanes pai ka Bait Allah pado waktu jam, doa,yaitu pado jam kasambilan. ² Lalu,saurang lakki-lakki na lumouh sajak dalam kandungan ibunyo digotong.Satiok hari sidak malatakkannyo di pintu gerbang Bait Allah na banamo Pintu gerbang Indah untuk maminta sadekah dari urang-urang na akan masuk ka Bait Allah. ³ Katiko inyo maliek Petrus samo Yohanes hendak masik ka Bait Allah,inyo maminta sadekkah. ⁴ Lalu,Petrus,basamo jongon Yohanes,manatapnyo jongon mangeccek,"Liek kami." ⁵ Urang lumpuh tu mangarahkan parhatian-nyo kapado petrus jongon Yohanes,sambi taharok manarimo sasuatu dari sidak. ⁶ Akan tatapi,Petrus mangeccek,"Ambo indak mampunyoi perak atau ame,tatapi na ambo miliki akan ambo agikan kapado kau.Dalam namo Kristus yesus urang Nazaret tu,bangun jongon bajalanlah!" ⁷ Kamudian,Petrus mamacci tangan kanan urang tu jongon mambantunyo badiri.Saat tu juo,kaki jongon pargalangannyo manjadi kuek. ⁸ JOngon malompek,inyo badiri samo mulei bajalan.Lalu,inyo masuk ka dalam Bait Allah basamo Petrud jongon Yohanes,sambi bajalan,jongon malompek-lompek,serta mamuji Allah. ⁹ Sadonyo urang malieknyo bajalan jongon mamuji Allah, ¹⁰ jongon urang itulah na biasanyo duduk di Gerbang Indah Bait Allah untuk mamohon sadekah.Sidak takjub jongon kagum ate hal na ala tajadi padonyo.Petrus Babicaro kapado Urang Banyak ¹¹ Samantaro urang tu basipaccian pado Petrus jongon Yohanes,sadonyo urang balari kapado sidak di serambi salomo,jongon raso takjub. ¹² Lalu,katiko Petrus malieknyo,inyo mangeccek kapado urang banyak tu,"Hai urang-urang israel,mangapo kau heran akan hal ikko ato mangapo kau manatap kami saolah-olah jongpon kuaso ato kasalehan kami sandiri,kami ala mambuek urang ko bajalan? ¹³ Allah Abraham,jongon Ishak,Yakub,Allah nemek moyang kito ala mamuliakan hamba-Nyo,Yesus,na kau serahkan jongon di hadapan Pilatus katiko inyo ala mamutuskan untuk mambebaskan-Nyo. ¹⁴ Akan tatapi,kamu manolak Na kudus jongon Benar,samo kau maminta saurang pambunuh dilapekan bagi kau, ¹⁵ jongon kau pambunuh Sang Pangagi Hidup,na ala Allah bangkikkan dri antaro urang mati.Tantang ikko,kami adolah saksi-saksi. ¹⁶ Jongon badasar iman dalam namo-Nyo,yaitu namo Yesus,ala manguekkan lakki-lakki na kaku liek jongon tando ikko.Jongon,iman na datang malalui Inyo ala mangagikan kasehatan na sampurna kapado lakki-lakki ikko di mukko munak sadonyo. ¹⁷ Kini,sodaro-sodaro ambo kau indak batindak dalam katidaktahuan kau sakiro na juo paro pamimpin kau. ¹⁸ Akan tatapi,na allah sampekan sabalumnyo malalui mulut sadonyo nabi bahwa kristus akan mandarito,ala Inyo ganapi. ¹⁹ Oleh karano tu,batobatlah jongon babaliklah supayo dosa-dosa kau dihapuskan, ²⁰ sahinggo waktu kalegaan datang dari Tuhan,jongon supayo inyo mangutus Kristus na ala ditetapkan bagi kau,yaitu Yesus, ²¹ na harus surga tarimo sampe pado waktu pamulihan sagalo sasuatu sakiro na ala Allah katokan malalui paro nabi-Nyo na kudus sejak Zaman dulu. ²² Musa mangeccek,'Tuhan Allah kau akan mambangkitkan bagi kau saurang nabi sakiro ambo dari antaro saudaro-saudaro kau sandiri.kau harus mandangakan sagalo sasuatu na inyo katokan kapado kau. ²³ Jongon akan tajadi,satiok jiwa,na indak mandangakan nabi itu akan dilanyapkan dari antaro bangsa.' ²⁴ Jongon,sadonyo nabi na pana mangeccek,mulei dari Samuel jongon sidak sasudahnyo juo mambaritokan hari hari ikko. ²⁵ Kau adolah katurunan dari paro nabi jongon dari parjanjian ala Allah buek jongon nenek moyang kau,jongon mangeccek kapado Abraham,'Malalui banih kau,sadonyo katurunan di mukko bumi akan dibarkati.' ²⁶ Allah,satalah mambangkitkan hamba-Nyo,mangirimkan-Nyo kapado kau labih dulu untuk mamberkati jongon mambuek satiok urang dari antaro kau babalik dari kajahatan."