¹ Mako, Agripa bacakkap kapado Paulus, "Kau diizinkan mangeccek untuk mambela diri." kamudian, Paulus marantangkan tangannyo jongon manyatokan pambelaannyo. ² "Sahubungan jongon sadonyo hal na dituduhkan kapadoambo samo urang-urang Yahudi, ambo manganggap diriambo baruntung, Rajo Agripa, karano ambo akan manyatokan pambelaan ambo di mukko kau hari ko, ³ khususnyo karano kau iyolah urang na benar-benar tahu sadonyo kabiasaan dan persoalan di antaro urang-urang Yahudi. Karano itu, ambo bamohon kapado kau untuk mandangakan ambo jongon sabar. ⁴ Sadonyo urang Yahudi tau caro hidup ambo sajak maso mudo ambo, na sajak mulo manghabiskan hidup ambo di tanga-tanga bangsa ambo surang dan di Yerusalem. ⁵ Karano ala lamo sidak tahu tantang diriambo, jiko sidak nandak, sidak dapek basaksi bahwo ambo hidup sasue jongon ajaran kalompok na paling kare dari agamo kito, ambo hidup sabage urang Farisi. ⁶ Jongon kini, ambo tagak di sikko untuk diadili karano pangharapan ambo akan janji na dijadikan Allah kapado nenek moyang kito. ⁷ Janji ikkolah na diharapkan samo kaduo bale suku bangsa kito dapek tacape, samantaro sidak manyembah Allah jongon sungguh-sungguh siang dan malam. Dan, karano pangharapan ikkolah ambo dituduh samo urang-urang Yahudi, iyo, Rajo. ⁸ Mangapo kau anggap mustahil bahwa Allah mambangkikkan urang mati? ⁹ Karano itulah, ambo sorang mangiro bahwo ambo harus malakukan banyak hal na manantang namo Yesus dari Nazaret. ¹⁰ Dan, itulah na ambo pabuek di Yerusalem. Ambo indak hanyo mamasukkan urang-urang kudus ka dalam panjaro, satala manarimo wewenang dari imam-imam kapalo, tatapi juo katiko sidak di hukum mati, ambo manyatujuinyo. ¹¹ Lalu, ambo accok manghukkum sidak di sinagoge-sinagoge jongon barusaho mamakso sidak untuk manghujek. Dan, jongon kaberangan na gadang bana tahadok sidak, ambo manganiayo sidak, bahkan sampe ka kota-kota asing." Paulus bacarito tantang inyo basuo jongon Yesus ¹² "Untuk maksud tu juo, ambo sadang dalam pajalanan ka Damsyik, jongon wewenang dan panugasan dari iamam-imam kapalo. ¹³ Saat tanga hari, ya Rajo, di tanga pajalanan ambo, ambo maliek suatu cahayo dari langit, labi tarang daripado matohari, na basinar di sakaliling ambo dan urang-urang na bajalan basamo ambo. ¹⁴ Lalu, katiko kami sadonyo tasungku di ate tanah, ambo mandanga suatu suaro mangeccek kapado ambo dalam bahaso Ibrani, Saulus, Saulus, mangapo kau manyikso Ambo? susah bagikau untuk manendang galah rangsang.' ¹⁵ Lalu ambo batanyo, 'Siapokah Kau, Tuhan?' Kamudian, Tuhan manjawab, 'Ambo Yesus, na sadang kau sikso. ¹⁶ Namun, bangun dan tagaklah jongon kaki kau. Sabab, Ambo tala manampakkan diri kapadokau untuk tujuan ko, yaitu manatokkan kau sabage saurang pelayan dan saksi, indak hanyo untuk hal-hal na tala kau liek, tatapi pulo untuk hal-hal na nandak Ambo tunjukkan kapadokau. ¹⁷ Ambo akan manyalamekkan kau dari bangsakau ko dan dari bangsa-bangsa lain, na kapado sidak ambo mangutus kau, ¹⁸ untuk mambukka mato sidak sahinggo sidak babalik dari kakalaman kapado tantang tarang dari kuaso Iblis kapado Allah supayo sidak manarimo pangampunan ate doso-doso sarto manarimo bagian di antaro urang-urang na tala dikuduskan samo iman di dalam Ambo." Paulus Manjalekan tantang pakarajoaanyo ¹⁹ "Mako, Rajo Agripa, ambo indak pana indak taat tahadok pangliekan surgawi tu, ²⁰ tatapi, partamo-tamo, ambo mambaritokannyo kapado sidak na ado di Damsyik, lalu di Yerusalem jongon di saluruh wilayah Yudea, pulo kapado bangsa-bangsa lain, bahwo sidak harus batobat dan babalik kapado Allah, jongon malakukan parilakku-parilakku na sasue jongon pertobatan sidak. ²¹ Itulah sababnyo, urang-urang Yahudi manangkok kau di Bait Allah dan barusaho ,mambunuh ambo. ²² Sampe hari ko, ambo tala manarimo partolongan dari Allah sahinggo ambo tagak di sikko untuk basaksi, elok kapado urang-urang ketek maupun urang-urang gadang jongon indak mangatokan hal lain, kacuali apo na dikatokan samo paro nabi jongon Musa tantang na nandak tajadi, bahwo Kristus harus mandarito dan bahwo, jongon alasan manjadi na partamo bangkik dari antaro urang mati, Inyo akan mambaritokan tarang, baik kapado urang-urang Yahudi maupun kapado bangsa-bangsa lain." Paulus Barusaho Mayakinkan Agripa ²⁴ Samantaro Paulus masih manyampekan hal-hal dalam pambelaannyo, Festus bacakkap jongon suaro nyaring, "Paulus, kau ala gilo! Pangetahuan kau na banyak bana tu mambuek kau indak waras." ²⁵ Namun, Paulus manjawab, "Na Mulio Festus, ambo indak gilo, tatapi ambo manyampekan kabenaran jongon kato-kato na masuk akkal. ²⁶ Sabab, Rajo mangatahui hal-hal ko dan kapadonyo ambo pulo mangeccek jongon barani. Sabab, ambo inda yakin bahwo indak ado saincek pun dari hal-hal ko na lolos dari parhatiannyo karano indak tajadi di tampek na terpencil. ²⁷ Rajo Agripa, apokah kau mampiccayoi paro nabi? Ambo tau kau piccayo." ²⁸ Rajo Agripa bacakkap kapado Paulus, "Dalam waktu na singkek, kau tala mayakinkan ambo untuk manjadi urang Kristen." Lalu, Paulus manjawab, "Ambo mamohon kapado Allah supayo lakke ato lambek, indak hanyo kau, tatapi pulo sadonyo urang na mandangakan ambo hari ko, bisa manjadi sakiro diri ambo, kacuali rantai-rantai ko." ³⁰ Kamudian, rajo tagak. damikian pulo gubernur, Barnike, dan sadonyo urang na duduk basamo sidak. ³¹ Lalu, samantaro sidak maninggakan ruangan tu, sidak mangeccek satu samo lain, "Urang ko indak malakukan apo pun na pantas dibandingkan jongon hukkuman mati ato panjaro." ³² Mako, Agripa bacakkap kapado Festus, "Urang ko ala bisa dibebaskan jiko inyo indak naik banding kapado Kaisar."