¹ Satalah kami bapisah dari sidak jongon ala batolak,kami langsung balayar ka Kos,jongon hari barikutnyo ka Rodos,samo dari sinun ka Patara, ² lalu satalah kami manamukan sabuah kapal na manyeberang ka Fenesia,kami naik kapal tu jongon balayar. ³ Katiko kamiala mulei Siprus,kami malewatinyo di sabalah kiri kami jongon tatap balayar ka Siria,lalu turun di Tirus karano kapal akan manurunkan muatannyo. ⁴ Satalah bajumpo jongon paro murid,kami tingga di sinun salamo tujuh hari.Jongon,malalui roh,sidak tarus manasehatkan Paulus kok indak naik ka Yerusalem. ⁵ Katiko waktu kami disinun ala habis,kami barangkek jongon malanjutkan parjalanan kami.Sidak sadonyo,basamo istri jongon anaknyo,mangantekan kami sampe ka lua kota.Lalu,satalah balatut di pante jongon badoa, ⁶ kami bapamitan satu samo lain.Kamudian,kami naik ka kapal jongon sidak pulang lai ka rumah. ⁷ Satalah kami mangakhiri parjalanan dari Tirus,kami sampe di Ptolemais,jongon kami manyapo saudaro-saudaro saiman,serta tingga basamo sidak salamo satu hari. ⁸ Pado hari barikutnyo,kami barangek jongon pai ka Kaisarea,lalu masuk ka rumah Panginjil Filipus,na adolah satu dari tujuh urang tu,lalu tingga basamonyo. ⁹ Inyo mampunyoi ampek ana parawan na banubuat. ¹⁰ Samantaro kami tingga di situ salamo babarapo hari,saurang nabi banamo Agabus turun dari Yudea. ¹¹ Lalu,satalah mandatangi kami,inyo mangambik ikkat pinggang Paulus jongon mangikkat tangan jongon kakkinyo sandiri,lalu mangeccek,"Ikkolah na Roh Kudus katokan,'Jongon cara ikko urang-urang Yahudi di Yerusalem akan mangikkek urang na mampunyoi ikkak pinggang ikko jongon manyerahkannyo ka tangan bangsa-bangsa lain."' ¹² Katiko kami mandanga hal tu,kami jongon urang-urang na tingga di sinun mamohon Paulus kok indak naik ka Yerusalem. ¹³ Kamudian,Paulus manjawab,"Apo na kau lakkukan,manangi jongon manghancurkan hati ambo?sabab,ambo siap,bukkan hanyo untuk dikkek,tatapi juo untuk mati di Yerusalem dami namo Tuhan Yesus." ¹⁴ Jongon,karano Paulus indak bisa diyakkinkan,kami diam jongon bakato,"Padialah kahendak Tuhan na tajadi." ¹⁵ Satalah hari-hari tu,kami basiap-siap jongon barangkek ka Yerusalem. ¹⁶ Babarapo murid dari Kaisarea juo pai basamo jongon kami,sambi mambaok kami ka rumah Manason,urang Siprus,saurang murid saja lamo,na jongon-nyo kami tingga.Paulus Mangunjungi Yakobus ¹⁷ satalah kami sampe di Yerusalem,saudaro-saudaro saiman manyambut kami jongon gambira. ¹⁸ Lalu,pado hari barikutnyo,Paulus pai basamo kami mangunjungi Yakobus,jongon sadonyo panatuo datang . ¹⁹ Satalah manyampekan salam kapado sidak,Paulus mulei mancaritokan satu per satu hal na ala Allah lakkukan di antaro bangsa-bangsa lain malalui palayanannyo. ²⁰ Jongon,katiko sidak mandanganyo,sidak mamuji Allah.Lalu,sidak mangeccek kapado paulus,"Lieklah,saudaro,barapo ribu urang di antaro urang-urang Yahudi di sinun na manjadi piccayo jongon sidak sadonyo giat akan Hukum Taurat, ²¹ jongon sidak ala dibaritahukan tantang engkau mangajar sadonyo urang Yahudi di antaro bangsa-bangsa lain untuk manyimpang dari hukum Musa,sambi mangagi tau sidak untuk manyunat anak-anak sidak ato bajalan manurut adat istiadat kito. ²² Laly,apo na harus kito lakkukan?Sidak pasti akan mandanga bahwa engkau ala datang. ²³ Oleh karano tu,lakkukanlah apo na kami katokan ikko kapado kau.Ado ampek urang dari kami na ado dibawah nazar, ²⁴ Baok sidak jongon sucikan diri kau basamo jongon sidak,lalu bayarlah biayo-biayo sidak sahinggo sidak dapek mancukur kapalo sidak.Jongon damikian,sadonyo urang akan mangatahui bahwa omong kosong hal-hal na ala dibaritahukan kapado sidak tantang engkau,tatapi bahwa engkau sandiri juo hidup manurut Hukum Taurat. ²⁵ Namun,manganai bangsa-bangsa lain na manjadi piccayo,kami ala manulis surek jongon mamutuskan bahwa sidak harus manghindar dari,'daging na ala diparsembahkan kapado bahalo-bahalo,jongon dari darah,samo dari apo na ala dicakkik,jongon dari dosa-dosa seksual.'" Paulus Ditangok ²⁶ Kamudian,Paulus mambaok urang-urang tu,lalu hari barikutnyo,satalah inyo ala manyucikan dirinyo basamo jongon sidak,inyo masuk ka dalam Bait Allah jongon mangagitahukan masa panyucian akan barakhir katiko kurban parsembahan diagikan kapado masing-masing sidak. ²⁷ KAtiko hampir ganap tujuh hari,urang-urang Yahudi dari Asia,satalah maliek paulus didalam Bait Allah,manghasut urang bnaya jongon manangkok Paulus, ²⁸ sambil batariak,"Hai urang-urang Israel,tolong!Urang ikkolah na mangajarkan satiok urang dimano-mano malawan bangsa kito,jongon Hukum Taurat,jongon tampek ikko.Jongon,lanih lai,inyo bahkan mambaok urang-urang Yunani ka dalam Bait Allah jongon ala manajiskan tampek suci ikko!" ²⁹ Sabab,sabalumnyo sidak ala maliek Trofimus,urang Efesus,basamo jongon-inyo di dalam mangiro Paulus ala mambaoknyo masuk ka dalam Bait Allah. ³⁰ kamudian,saluruh kota manjadi gempar jongon urang-urang datang bakarumunan.Sidak manangkok Paulus jongon manyeretnyo ka lua dari Bait Allag,lalu pintu-pintu Bait Allah sagaro ditutup. ³¹ Samantaro sidal barusaho untuk mambunuhnyo,sampelah laporan kapado kapalo pasuan Roma bahwa saluruh Yerusalem sadang dalam kakacauan. ³² Saat tu juo,inyo mambaok paro prajurit jongon paro perwira,lalu balari turun kapdo sidak.Jongon,katiko urang banyak tu maliek kapalo pasukan jongon paro prajurit,sida baranti mamukkuli Paulus. ³³ Satalah tu,kapalo pasukan mandakkei Paulus jongon manangkoknyo,serta mamarintahkan kok paulus diikkek jongon duo rante.Lalu,inyo mulei batanyo siapo Paulus jongon apo na ala dilakkukannyo. ³⁴ Akan tatapi,sabagian dari urang banyak tu manariakkan sasuatu jongon sabagian na lainnyo.Jongon,katiko inyo indak dapek mangatahui jongon pasti karano karusuhan tu,inyo mamarintohan agar Paulus dibaok ka markas. ³⁵ Katiko inyo sampe di tangsa,Paulus harus digotong oleh paro prajurit karano amukan karumunan urang, ³⁶ sabab,urang banyak tu tarus mangikkuti sidak,sambi basorak,"Enyahkan inyo!" ³⁷ Samantaro Paulus akan dibaok ka markas,Paulus mangeccek kapado kapalo pasukan,"Bolehkah kapado kau?"Jongon,kapalo pasukan tu manjawab,"Kau tau bahasa Yunani? ³⁸ Kok baitu,kau bukkan urang Mesir na babarapo waktu lalu manimbulkan pamberontakan jongon mamimpin ampek ribu urang pambunuh ka padang gurun?" ³⁹ Namun,paulus mangeccek,"Ambo adolah urang Yaahudi dari Tarsus,Kilikia,saurang warga dari kota na penting.Ambo mohon,izinkan ambo mangeccek kapado urang-urang tu." ⁴⁰ Jongon,katiko kapalo pasukan badiri di tangga jongon mangagikan isyarat kapado urang-urang jongon tangannyo.Lalu,katiko suasana ala manjadi tanang bana,inyo mangeccek kapado sida dalam bahasa Ibrani jongon mangeccek.